excel

日間防曬潤澤底霜

作為打工仔，相信大家都好明白，有得訓一定訓到最後一刻先起身化妝返工！所以excel日間防曬潤澤底霜真係好方便！拍完化妝水上面，已經可以立即搽防曬底霜，一款產品做到晒精華、乳霜、防曬同primer嘅功能。

雖然excel底霜有齊四合一妝前修護功能，但質地都唔會好厚重、黏膩，可以推到好薄，亦有一定嘅滋潤度。推開個陣會聞到一陣佛手柑嘅香味，味道唔會好濃，係幾舒服嘅香味。

本身已經係乾肌，加上最近啱啱打完M22，所以皮膚都幾乾，如果齋上excel底霜再上碎粉，皮膚望落或感覺都唔乾燥。

但如果上埋粉底液(用開EL保濕粉底)，保濕度就略嫌不足了。

要留意嘅係，呢款係無色底霜，所以係完全無調色或者遮瑕功能的。另外，防曬系數只有SPA32/PA++，如果要戶外活動就唔夠用啦。