OLAY

新生高效緊緻精華乳液

今次好多謝Cosme及OLAY比我試到OLAY全新精華「水+乳」組合！作為極度難搞既混合性偏油敏感肌，一直都唔敢亂用護膚品，但就黎踏入30歲，真係想唔理肌膚都唔得！以往都有用OLAY美白精華，真係好work又唔會敏感，所以今次對新系列都好有信心。

就黎踏入30歲皮膚真係feel到乾左又冇咁飽滿，乾紋出晒黎，但我好怕塊面油笠笠，以往既保濕抗皺產品都潤得濟，由其係夏天用一定滿面油光。一直都搵唔到岩心水既抗老產品，但今次OLAY全新精華「水+乳」組合真心令我好有驚喜，新生高效緊緻精華水係上一篇已經大讚左，而家就講下新生高效緊緻精華乳液！

我揀選乳液一定要清爽得黎可以鎖水保濕，因為容易出油既我用乳霜一定會焗到生暗瘡 ，加上之前用過另一品牌既乳液之後皮膚敏感，所以我對乳液好高要求。OLAY新生高效緊緻精華乳液一試已經令我好驚訝，因為我真係未試過咁清爽嘅乳液，我一開始唔相信咁清爽嘅乳液可以做到抗老效果 ，第一晚用完我就信了，因為第二朝皮膚仲好水潤彈滑，最驚喜係我最在意既肌膚細紋平滑咗 好多，就算洗完面都冇好繃緊嘅感覺，好既乳液真係佔護膚 步驟好重大既部分！

就算夏日炎炎或者係Office冷氣房都好清爽又夠保濕，岩晒香港濕熱既天氣。再配合埋新生高效緊緻精華水就可以維持一整天爽而不膩既保濕滋潤感，甚至我有晚做完高能量Facial後用都絕對冇問題，夠晒保濕！

我「水+乳」組合一套用左10日左右，原本暗沉又多細紋既皮膚變到充滿光澤，最大原因係肌膚補夠水之餘，最緊要係鎖得住水份，令我面頰好明顯水潤飽滿左，摸落好彈滑，好似做完骨膠原Facial咁明顯，好神奇！同埋皮膚嘅細紋好明顯平滑咗好多，真係做到清爽又抗老效果，真心要推介比大家試吓佢有幾好用！由其係好似我咁就快踏入30歲，最驚油笠笠又想開始抗衰老既朋友，絕對要試OLAY精華「水+乳」組合，包保你有驚喜^^