OLAY

新生高效緊緻精華水

今次好多謝Cosme及OLAY比我試到OLAY全新精華「水+乳」組合！作為極度難搞既混合性偏油敏感肌，一直都唔敢亂用護膚品，但就黎踏入30歲，真係想唔理肌膚都唔得！以往都有用OLAY美白精華，真係好work又唔會敏感，所以今次對新系列都好有信心。

就黎踏入30歲皮膚真係feel到乾左又冇咁飽滿，乾紋出晒黎，但我好怕塊面油笠笠，以往既保濕抗皺產品都潤得濟，由其係夏天用一定滿面油光。一直都搵唔到岩心水既抗老產品，但今次OLAY全新精華「水+乳」組合真心令我好有驚喜，首先支新生高效緊緻精華水真係好清爽好舒服又夠保濕力！！！一拍上面極快吸收曬，可能我真係太乾XD仲要有陣好舒服既味道，唔係出面護膚品既化學香味，可以好好放鬆番面部肌膚，好用到好想尖叫！！！我本身用緊另一日本品牌既精華水，但夏天用真係太潤，OLAY呢支精華水就算夏日炎炎或者係Office冷氣房都好清爽又夠保濕，岩晒香港濕熱既天氣。再配合埋新生高效緊緻精華乳液就可以維持一整天爽而不膩既保濕滋潤感，甚至我有晚做完高能量Facial後用都絕對冇問題，夠晒保濕！

另外想讚吓精華水既設計，每次倒都唔會倒到成手都係，好方便！

我「水+乳」組合一套用左10日左右，原本暗沉又多細紋既皮膚變到充滿光澤，最大原因係肌膚補夠水之餘，最緊要係鎖得住水份，令我面頰好明顯水潤飽滿左，摸落好彈滑，好似做完骨膠原Facial咁明顯，好神奇！同埋皮膚嘅細紋好明顯平滑咗好多，真係做到清爽又抗老效果，真心要推介比大家試吓佢有幾好用！由其係好似我咁就快踏入30歲，最驚油笠笠又想開始抗衰老既朋友，絕對要試OLAY精華「水+乳」組合，包保你有驚喜^^