INNISFREE

天然能量面膜 - 綠茶

首先要多謝INNISFREE同COSME比機會我試用天然能量面膜：）今次我試用既係舒緩修復：綠茶＋積雪草組合，真係超岩我膚質用！

今次試用時機岩岩好，我可以帶去菲律賓潛水trip試下佢舒緩修復既效果！首先潛完水塊面既膚質狀態真係好差，長時間暴露係陽光下仲要浸住水，仲要轉季，皮膚敏感泛紅又乾燥，係我第二張圖片可以睇到皮膚好乾又紅，頭3日我就用積雪草去舒緩修護曬後既脆弱肌膚，果然即刻做到降紅效果，仲要補水潤不笠，令皮膚完全冇負擔。

之後番到香港做左高能量facial，就緊係要連續敷番綠茶面膜補爆水！就算綠茶面膜質地輕盈清爽，但都可以足夠應付做完高能量facial皮膚極度敏感同缺水既狀況！我敷完就冇過水直接訓，補水效果去到第二朝都仲係到，塊面冇出油又冇乾爭爭👍🏻淡淡的味道敷落亦都好舒服，夠曬天然！而且面膜做到好貼合我既面形，等面部皮膚可以完全冇死角貼實曬❤️👍🏻要大讚！我習慣會用剩餘既精華搽身，INNISFREE 天然能量面膜搽身一樣好清爽舒服好正！

我揀選面膜最重視係成份要天然，冇化學香味；另外最好就潤而不笠，不過最重要都係面膜功效可以應付到我當時既肌膚問題！INNISFREE 天然能量面膜就可以滿足晒我既要求，所以推薦大家仼何日子都要有佢旁身：）