NIVEA

Q10全方位抗糖抗皺雙抗精華

Nivea呢個牌子用得多既都係handcream同埋潤唇膏，今次有幸得到@cosme 既試用邀請可以嘗試下佢既面部護膚-「全方位抗糖抗皺雙抗精華」，聽到個名都覺得勁！
一打開樽身好靚，係啡色既磨沙玻璃樽，好高貴既感覺～
打開後係泵頭黎，擠出黎係乳液狀態～非常易推！
我11/8開始使用，早晚各一次，為左達到更好既測試效果，我決定只用左邊面，我用得豪少少，一泵用哂係半邊面度，另外仲會係重點位置例如虎紋位重點按摩幫助吸收。
直至16/8，總共試用左七日，再影返張對比相，左邊係有使用「全方位抗糖抗皺雙抗精華」，右邊就只用返日常既護膚品，效果其實都幾明顯，相比起右面，左邊既虎紋的而且確係減淡左，產品所述既可以撫平細紋皺紋佢確實做到了！
我都要快d重點用埋右邊面等佢地balance返先！