LANCÔME

煥活修護精華 (逆時小黑瓶)

感謝抽中 @cosme 同Lancôme嘅「逆時小黑瓶」試用活動！
之前都有用過小黑瓶，但感覺似普通嘅補濕精華冇咩特別，一旦轉天氣出現過敏，對舒緩敏感作用不大；今次試到新升級版，可以對比返同之前有咩唔同。
睇返官方資料，升級版除咗保濕鎖水同抗氧化之外，最重要係做到舒緩同修復肌膚。最近呢星期時晴時雨，面頰有啲泛紅，使用「逆時小黑瓶」嗰陣感覺容易吸收之餘仲好保濕，搽上臉幾舒服，亦都有啲降紅效果。（雖然影出嚟都係紅紅哋☹️）對於一個敏感肌嚟講，只要唔過敏就係支合格嘅精華。🙈
我後尾亦都有跟推薦、配合極光水一齊用，使用酸類產品時冇紅腫刺痛，突顯咗佢嘅舒緩效果。
以上，正式推出嗰陣我會考慮回購！👍🏻