LAURA MERCIER

鑽光幻魅眼影筆

今次試咗laura mercier嘅眼影筆產品，顏色分別係modern rose 同埋rose gold.
首先講一講呢隻產品嘅外型，輕巧細細支嘅一支筆眼影膏，非常方便攜帶。在面上試用之前，先試畫上手，顯色度非常高，而且珠光面+輕微閃亮效果，非常適合日間使用嘅日常妝品。起初唯一擔心係通常經驗話我聽，筆狀嘅眼影膏通常都非常之不持久，但係試咗上眼之後，發覺呢個擔心係多餘。

如我所料，上妝非常自然，而且可以自然將眼睛變得更加閃亮，最出乎我意料之外嘅係，非常持久，用咗一整日再影相，發現依然十分顯色。相中嘅呢個妝容其實除咗眼影之外、蜜粉同埋唇膏都是用laura mercier的產品（在相關產品的分享欄會見到我的分享）。

呢隻產品已經成為我日常必備嘅最愛，總會隨身帶在化妝袋，工作完畢後便裝的時候塗上，非常方便快捷！

總括而言，非常推介這個產品。