Barrier Repair

BICELLE 高滲透納米保濕面膜 - 深層滋潤型

好開心收到@Cosme ge試用邀請。今次試用ge係BICELLE 高滲透納米保濕面膜 - 深層滋潤型。本身我對Barrier Repair呢個牌子ge BB面膜或者其他日本牌子ge面膜印象都麻麻地, 因為日本面膜d cutting通常都好怪, 唔太o岩我。包裝上面介紹佢有貼面立體剪裁，試用完發現佢真係比一般日本面膜貼面, 但首先你要張塊面膜沿住佢d虛線撕開, 自己再adjust下, 反正只要見到虛線你都撕就無錯, 因為如果唔撕開就用, 面膜係唔貼面ge, 鼻邊仲會好大範圍無野敷到, 不過呢款面膜ge面膜紙偏薄, 你拉拉扯扯去就番d位其實都幾麻煩。

面膜ge精華其實都充足, 拎左塊面膜出黎你都仲會見到有精華o係袋入面, 可以敷左面膜上臉後再擦埋剩低ge精華上臉, 不過因為面膜撕完, 就完位置左撘右撘, 擦d精華上去ge過程要就塊面膜紙，其實幾麻煩。
我本身係混合偏乾ge皮膚, 敷完覺得塊面水潤左, 但係無白或者透亮ge感覺。同埋敷完都有少少黏笠感, 會黐住d頭髮。用完無敏感ge情況出現。
總結，如果你目標單純想補水, 又唔怕麻煩要自己adjust塊面膜, 都可以試下呢款面膜。但如果唸住妝前或者睡前快敷，我就唔太推薦，始終坊間都好多補水面膜可以選擇。