Barrier Repair

BICELLE 高滲透納米保濕面膜 - 深層滋潤型

成功係@cosme 試用活動中被抽中，以下係面膜嘅試用心得：

消委會曾經做過面膜測試，Barrier Repair以保濕度高及性價比高位列測試結果榜首，加上以一向以「無添加、溫和不刺激」做賣點，曾經買過嚟用都覺得幾滋潤好用，所以本身對呢個品牌嘅產品頗有好感

今次收到嘅試用品係新產品中嘅「深層滋潤型」，同樣都係「無添加、溫和不刺激」（不含香料、添加色、酒精、苯甲酸酯、礦物油、紫外線吸收劑），打開後果然係冇香精味，但個人覺得係有一股淡雅嘅米香味，表示喜歡💕同包裝一樣樸素

開袋後，面膜材質不會太厚或太薄，屬於適中，不過冇珍珠紙，拎出嚟就唔係咁容易攤開，但！擺上臉係非常容易，唔易變形或走位，cutting亦好似包裝上所見，可以撕開邊位令面膜貼合唔同嘅臉型，非常貼心，超級加分💯惟本人鼻翼偏大，面膜不能覆蓋成個鼻位

至於用起上嚟都同樣係溫和、唔覺任何刺激不適，亦非常滋潤，可惜本人係混合肌膚質，額頭及T字位、鼻兩邊及下巴偏油性，即使轉季，用完之後除臉頰外都感覺黏笠，第一晚用完到第二日早上感覺滿面油光，所以只能再用時，敷完後用toner+化妝棉稍微抹走臉上剩餘面膜精華，先感覺好好多，鎖水程度滿意嘅

雖然感覺「深層滋潤型」唔係咁適合本人用，但因為對呢個牌子嘅好感，會想試用另外嘅「毛孔細緻型」

最後感謝 @cosme & Barrier Repair❤️好開心第一次參與試用活動同寫第一篇嘅心得～