CeraVe

A醇全效平滑祛印精華

第一次抽中Cosme試用！試咗十日左右，覺得反而呢個精華比起潔膚露更好用～

本身塊面係油性肌膚，所以我平時嘅保養極簡單，夏天洗完面只會用到爽膚水，間唔中會用精華但真係好少用，因為用完好快塊面就會出油。
呢個精華嘅質地比起我平時會用嘅係偏凝固，但估唔到一搽上面就好水咁化開，好快就吸收咗唔會覺得塊面黐笠笠，好親膚溫和。塊面係有覺得平滑同柔軟咗，本身痘印問題唔嚴重係有啲色素沉澱，但呢方面未係好感受到，毛孔就有覺得乾淨咗，但可能要再用耐啲先知係咪會收細到毛孔。

想試好耐CeraVe呢個牌子，第一次用嚟講個感覺都幾好，鍾意用喺面度嘅產品係無乜特別嘅香味，難得搵到幾啱自己嘅保養品，睇下遲啲用耐啲會唔會再有新嘅觀察～