IPSA

極緻再生精華水 (復活神水)

多謝 @IPSA @cosmo 邀請試用
皮膚狀況如下：
夏季：T位油，U位中性
冬季：T位偏油，U位中性／偏乾
鼻翼毛孔極大，兩頰近鼻翼毛孔較大

今次是用的是極緻再生精華水，主打減淡紋回復緊緻光澤修復肌底。

入面有高純度嘅氨基酸，以及南非復活草精華若干嘅藥材萃取。

佢嘅質地都係比較潤少少，但係有流動性


啱啱拎試用嗰幾日天氣都係比較乾
咁就非常適合用佢來做測試
嗰幾日用嘅感覺呢係非常之唔錯嘅，即係夠保濕啦，而且皮膚感覺係水潤左

個排皮膚狀態都唔係太穩定，咁梁嗰幾日用佢確實係有keep到一個穩定嘅狀態

但有個問題就係香港嘅天氣實在變化得太快
過兩日佢又無啦啦熱返，變咗朝頭早用嘅話會有啲焗住
佢建議早晚用
但太熱太焗嘅時候呢，其實只可以夜晚開冷氣用/停用，始終佢太滋潤用喺我自己面上面會有暗粒

我兩邊面頰已經算係中性肌膚，用喺秋季爽涼嘅日子係絕對冇問題，但係香港夏季嘅話我自己就唔會用

會有少少黏，但係唔會黐到枕頭嗰啲
基本上朝頭早一起身都吸收晒

咁我自己嘅用法就係放喺手掌度，或者係倒落棉花度（Ipsa有出自家棉花，我以前用過覺得幾好用）
然後由最乾嘅地方開始由內向外
再由額頭T字位

如果我有爆瘡嘅情況出現，我都會避開有暗瘡嘅地方，因為驚佢比更加多嘅營養會爆得仲勁

下圖係第一日用之前嘅狀態vs
12日後嘅狀態：紅消左啲 印都淡左啲

咁水份都有keep到54%左右