高度推薦呢款全效修護，擊退暗沉，增強透明感嘅面膜！❤️ 呢款面膜價錢一啲都唔平，圍起成五六十蚊一塊，差不多係一盒開架面膜嘅價錢，但就真係物有所值，有好明顯嘅效果，女士久不久對自己好啲都係應該嘅！🤪 面膜包括一張面膜紙，一包同系列精華，一包同系列面霜。個人覺得呢兩包仔嘅份量都好佛心，基本上夠用四次，計返都算抵！🫣 一打開張面膜紙，精華量都多但唔會多到流曬落頸嗰種！面膜紙方面，我會覺得有啲厚實，唔算係薄嘅面膜，敷上面有小小韓國漢方草藥嘅味道，有舒服嘅感覺，一啲都唔難聞！我通常敷20分鐘，即使敷20分鐘，塊面膜都唔會乾！敷完感覺好舒服，敏感肌都啱用，因為佢無刺激成份！🙆🏻♀️ 敷完第一陣就會清爽曬，一啲都唔會笠，所以我唔會過水。我會再搽附上嘅面霜就直接瞓覺。第二朝嘅感覺係令人驚艷，因為覺得呢塊面膜功效都幾全面，除左令肌膚更細緻，毛孔細左之外，我覺得我偏黃偏暗沉嘅膚色都有明顯亮白左，終於照鏡感受到透明感！🥰 重點係敷完第二日上妝，個妝明顯無之前咁快出油，同埋貼服左好多，一定會回購！🤤
看全文>>
