購買資訊

呢支精華質地偏稠，搽上面好滋潤，鎖水力強到不得了💪！不過有少少黏笠，所以我多數擺喺夜晚用，就算開住冷氣瞓，第二朝起身塊面都仲係水嫩嫩，完全唔怕抽乾水份❄️。 最驚喜嘅係佢嘅持久保濕力——有時放假唔化妝，朝早搽完，到下午摸塊面都仲潤潤地，好似飲飽水咁脹卜卜💦。我本身敏感肌，用咗完全冇刺痛或者泛紅，反而紅印退得快咗，果然活泉水配方夠晒溫和，真心讚🌿。 唯一要彈嘅係個吸管設計，有時唧唔到精華，有啲麻煩🙄。不過整體嚟講，性價比高，算係平價保濕恩物，會繼續用～

透明gel狀，滴管方便控制分量，茶完有少少黏立感，要俾少少時間等佢吸收，吸收用完好似變咗水光肌，水潤感強，有效減少乾燥引起既不適感 ，適合而家轉季天氣✨用完面部充滿水感，因為我混合性皮膚，即使上完toner+依支b5 serum，然後直接上base+粉底已經好足夠，冇咩出油，見得保濕力強💧 之前夏天嗰陣時候用皮膚好焗黏，而家天氣乾燥咗就適合喇 但留意返25年頭電視廣告話可以溝落foundation ，但我溝完之後上面再上碎粉就起擦膠碎，可能要睇咩粉底先可以溝🫠 始終純保濕精華市面有超多選擇，可以試吓啱唔啱質地先買🫶🏻

精華部門 呢支敏感肌或乾肌人唔可以唔識！ 主打高濃度嘅玻尿酸同埋avene皇牌嘅活泉水成分，專門針對皮膚外油內乾、缺水到緊繃嘅情況，我喺屋企開冷氣嘅話一定會用呢一支嚟保濕。入面冇乜多餘嘅香料或者刺激成分，就算皮膚狀態不穩、容易泛紅，用起嚟都完全唔會覺得拿或者刺激。 質地方面，佢係稀gel狀，一推開就會化成水咁，質地好輕盈、流動性極高。上臉之後極速吸收，完全冇負擔，唔會有一層黏笠嘅膠水感，用黎舒緩同保濕真係一流，我去到日本一定要入貨😆 用後感： 塊面即刻好似飲飽水咁柔軟，個種水潤感可以維持得好耐。長期用落去，會發現皮膚嘅水油平衡好咗，冇咁容易因為缺水而出油或者有乾紋。