ARMANI Beauty

Power Fabric Pro 專業柔霧持妝粉底液

首先要多謝@COSME & ARMANI beauty抽中我可以試用最新POWER FABRIC+ 升級版零瑕持久粉底液！試過好多唔同牌子既粉底液，最後都係偏愛ARMANI既POWER FABRIC+粉底液，今次可以試用升級版真係好興奮！

皮膚偏白既我一向用開POWER FABRIC+粉底液既1.75色，今次就試下再白啲粉啲既全新色號1.6！首先講吓色號上既分別先～平時我用1.75已經好自然亮白，接近我膚色，唔會係死白 ；而色號1.6白中帶粉，係好自然既偏粉調，接近我膚色之餘，仲有潤色效果 ，所以上到面有遮瑕力之餘，令到面色紅潤自然，又有微微光澤，好似用左調色底霜咁，可以慳番個step，令個底妝又透薄咗 🥚✨因為我比較鍾意自然透薄既妝感，營造偽素顏效果，所以我會減少底妝產品，盡量只用遮瑕同粉底液。上圖示範左比大家參考，係冇用base同遮瑕 既情況下，有素顏圖VS一層粉底液，一層粉底液VS 兩層粉底液嘅分別 。其實只係上左一層POWER FABRIC+ 升級版零瑕持久粉底液已經膚色均勻 ，用左少量已經達到高遮瑕力！

另外想重點讚下POWER FABRIC+ 升級版零瑕持久粉底液既* 柔霧微光妝效*，本身用舊版已經好滿意佢既 柔霧妝效，但升級版獨有「液轉粉」貼膚科技，一抹轉化成輕盈柔霧粉狀，無痕融入肌膚，上面一推開已經均勻貼服，冇粉底痕跡！仲多左份微光效果，好似用左highlight咁，自然透亮到好似天生好膚質咁😭柔霧微光妝效係我對今次升級版粉底液最最最滿意既重點！

就算再上多一層粉底液都無厚重感，底妝幼滑輕透，令皮膚近望一樣平滑細緻，瞬間柔焦霧化我本身最在意既毛孔瑕疵，唔驚比人影大頭🤣*完妝！

粉底液最注重既除咗妝效，抗氧化力、持色力、持妝力先係見真章！咁岩我試用既期間就係香港回暖潮濕既麻煩天氣，直接打大佬😂不過就算舊版 POWER FABRIC+粉底液既持妝力都已經做得好好，又唔會氧化。而升級版POWER FABRIC+粉底液除左keep住以往水準，全日持妝都仍然透氣舒適，清爽貼膚，因為有吸油因子全日抗汗抗油，底妝持久不氧化！如果遇上悶熱天氣 ，仲會多個妝效：出左油會變奶油肌！

下圖係我出左10小時街，中間冇補妝，回家後既妝效圖片：可以見到粉底仍然好貼服細緻，鼻翼同嘴角位置因為鼻敏感擤鼻涕，食飯抹嘴所以有輕微膚色不均勻🤣夠晒真實！

落咗妝之後膚質冇變差同生粒粒，因為POWER FABRIC+ 升級版零瑕持久粉底液成份有維他命B3配合洋甘菊萃取，化妝同時修護肌膚！讚👍🏻整體感覺真係比足7分 ，果然係我最愛粉底液🤣未用過ARMANI beauty POWER FABRIC+ 升級版零瑕持久粉底液既你真係值得一試！