日本旅行時，見到呢個品牌嘅產品成日都係熱賣榜上有名，一於試試佢。 有別於日本化妝及護膚品，給予人相對保濕，厚重嘅感覺，呢個系列嘅精華液全部都質地輕潤，好似水一樣，所以非常容易推開，而且唔會過分黏立。一年四季都適用。 比呢支精華吸引到，係因為主打含有A醇成份，可以修護細紋，緊致肌膚。官網介紹，產品蘊含100MPa 超高壓滲透視黃醇納米分子，集中對抗老化，激皮膚細胞更新。 我連續使用14天晚上，驚喜地覺得頸紋有略為減淡嘅跡象，膚色稍為光左，提亮咗，感覺更加飽滿。而且曾經使用過唔少含A醇嘅產品，都好容易導致脫皮以及皮膚刺激，但係呢支反應相當溫和。喺我身上冇出現過脫皮或者敏感，同平時保濕精華感覺類似。但係為咗平衡佢帶嚟嘅潛在刺激，我後續都會加強保濕，日間做好防曬。 而呢款產品亦都唔會同後續其他保濕霜或者保濕精華打交，方便疊加唔同產品。 另外市面上好多含有A醇或A醛嘅產品都係黃色，但呢枝係透明，唔會怕染到衫。我已經回購2枝了~
看全文>>
