這款保濕精華，不但適合日本乾旱天氣，就算香港濕熱天氣，亦都不會覺得厚重~ 精華質地水潤，易推，延展性高，對比起一般透明質酸保濕精華，佢嘅持久度再高一啲，用完佢可以明顯見到肌膚膨脹起嚟～就算坐喺冷氣房四五個鐘，都唔會覺得乾燥。 我亦都鍾意佢成份單純，唔會太多複雜化合物，只係透過ceramide持久保水，所以乾敏肌用都冇問題，而且成份不含香氣，唔會容易引致敏感~  性價比亦都十分高，喺日本購入，只係大約$100就已經有50毫升，對比起坊間其他保濕精華，差唔多價錢，可能只係得30毫升，用多啲都唔會肉痛！ 連續使用幾日，見到皮膚更加水潤透亮，明顯見到鼻嘅位置，就算冇化妝都好似微微水光感！整體保濕度有所提升，鼻頭脫皮情況亦有改善。唯一要習慣就係佢用完喺面上，會有輕微黏立感覺，如果即時化妝，可以抓住護膚品，係好事~ 不過如果即刻出街，或瞓上床，就可以覺得有少少痴面了~ 都係俾少少時間佢吸收入皮膚先~  
看全文>>
