LANEIGE 好用推薦產品

Chloeincosme好用推薦：🤍 質地與吸收：3.5/5 LANEIGE呢支乳液質地偏潤，推開後有少少油潤感，似精華乳液二合一～需要輕輕按摩一陣先完全吸收，建議夜晚用，朝早用可能會同防曬或粉底有少少「打架」～ 🤍 保濕度：4.5/5 保濕力確實唔錯！用完之後皮膚有種飲飽水嘅感覺，軟軟潤潤～就算吹成晚冷氣，第二朝起身塊面都依然保持水潤，唔會乾到繃緊，上妝都特別貼服！ 🤍 持久滋潤：4/5 持久度值得一讚～唔會話幾個鐘就打回原形，反而可以維持到第二朝，對於乾肌來講真係好友好，用完之後皮膚狀態好穩定～ 🤍 使用感：4/5 雖然吸收需要少少時間，但用完之後皮膚摸落去好滑溜，有種被滋養嘅感覺～整體使用感舒服～ 總結： 如果你係乾肌或者晚間想搵一支高保濕乳液，LANEIGE呢支Perfect Renew乳液絕對係唔錯嘅選擇～雖然質地偏潤唔太適合朝早趕時間用，但夜晚用就可以好好享受佢嘅滋潤同修復效果，第二朝皮膚水潤飽滿，上妝都特別順利！會考慮回購～

Kelvin好用推薦：乳液容易推開，流動性強。吸收後留有少許黏立，可以接受。晚上開冷氣較適合使用，朝早會感覺會太油。或者而家轉季需要滋潤少少嘅乳液，都幾適合現時季節用。 一枝多功能，方便使用。可以緊致皮膚抗衰老，用後皮膚較滋潤。不過對我嚟講緊緻皮膚抗老嘅效果就一般，但晚上保濕滋潤皮膚就唔錯。如果有興趣可以去專門店試吓，專門店都好推薦呢款產品🤣

格仔餅公主好用推薦：#火熱新品 佢個保濕幾啱夏天用，唔會好笠，搽完之後好快吸收，我之後直接上妝個妝會貼好多，俾我嘅感覺有啲驚喜，如果想搵三百零蚊保濕精華又有效嘅話可以試吓佢

Verna好用推薦：有一次逛專門店時，看到這個系列主打抗衰老，可以令皮膚更年輕和更緊緻，就買了同系列的幾個產品試試，因為我相信同系列的產品可以有協同效應，令護膚品發揮得更好 這個水活細胞再生補濕液是白色的乳液，因為是乳液的質地，所以很好推和皮膚都吸收得快，可以迅速補充皮膚的水份，和調節水油平衡，官方的用法是搽完這個補濕液後，再用後續的乳液或者面霜，但早上時間比較緊迫，所以我通常搽完它之後，就搽防曬乳，效果都很好

wingshan1124好用推薦：質地有少少杰，但都易推開，上面有少許笠唔算太清爽，味道方面就幾香嘅

Kelvin好用推薦：Toner 質地偏向濃稠，類似精華液嘅保濕水質地。呢個系列主要打係抗老、緊緻，滋潤度較高，添加了視黃醇，但又無寫，添加了幾多%。抗老效果一般，冇話特別緊致感覺，真係純粹用完好保濕。 或者夏天單用，不再疊加面霜較佳🫶🏻

maylam好用推薦：質地係有少少「杰」 搽上面都幾保濕同滋潤 但又唔會好油 幾啱夏天夜晚喺冷氣房用 我會用喺護膚嘅第一步

Milo101好用推薦：🌟雪芭質地挺有趣，creamy得來有點手感 🌟啫喱香氣 🌟略為覺得吸收於表層，用後滋潤 🌟只是淺層體驗，未有美白效果

Angie好用推薦：雖然係雪葩質地，不過出奇地笠，推開之後皮膚完全吸收唔到，勉強用咗幾次，塊面出晒粒粒，冬天同夏天用都搞唔掂，一用皮膚就會變差，最後都係當body lotion用

choichoi好用推薦：一盒有深淺兩色自由使用配搭，連眉刷也有兩個分別帶不同刷頭，比較扁斜的一個很適合描畫眉尾。防水度很好，不易暈染掉色外也很防油！畫出來帶點霧眉感，果然很有韓牌的風格～～整體很不錯，會再回購

lucrezianoin好用推薦：仲以為會好難用, 點知比起eyebrow mascara 仲易用! 因為兩隻色blend埋可以控制深淺色, 所以好容易襯到頭髮顏色 :-) 兩款brush都好好用!

Hamiii好用推薦：買sleeping mask 附送既產品之一.. 但唔太岩我用..油類既護膚品好多時都比較難做到而不膩. 呢款可能乾性皮膚會比較適合用.. 我係跟官網個mix n match用 將佢同bb cushion mix埋再上面 的確係做到貼服左.. 但….. 同時變左油光滿面😵‍💫 乾性皮膚可以試下，但如果同我一樣混合型. 就唔建議啦😌

natanatalie好用推薦：不大推薦，無功無過。專門店的價錢，但開架更為出色，感覺不了他所講的功效

mandy好用推薦：Laneige Radian-C Advanced Effector 抗氧淨白肌底液 $340/ 150ml 7大功效: 去角質+改善膚色+改善紋理+提昇光澤+緊緻肌膚+補濕+強化肌膚屏障 買抗氧淨白肌底液，會附贈化妝棉，這倒也是挺貼心的。 抗氧淨白肌底液蘊含眾多美肌成分，主要成分為抗氧化、抗衰老、保濕及美白等成分。 官方使用方法: 1.早晚用作爽膚水使用。 2.取適量蘸取化妝棉，由面部內側開始向外輕輕擦拭肌膚。 由於抗氧淨白肌底液具有去角質功效，最好在潔面後即使用， 倒在化妝棉後可以由內至外在面部打圈擦拭， 然後您會看到化妝棉上的污垢，就是來自面上的老廢角質。 在去掉老廢角質後，肌膚即時變得通透亮白及富透明感，抹完立即白一度。 保濕力不錯，而且沒有絲毫油膩感，使用感清爽水潤舒適。使用後肌膚也沒有不適或過敏。 含抗氧化成分: 凹緣金虎尾果萃取, 蔬食埃塔棕果萃取, 牛磺酸, 谷胱甘肽, 維他命C, 乙基維他命C 及 維他命E 抗衰老成分: 凹緣金虎尾果萃取, 蔬食埃塔棕果萃取, 牛磺酸, 谷胱甘肽, 維他命C, 乙基維他命C 及 維他命E 鎮靜消炎成分: 蔬食

　peg好用推薦：佢個質地好油同埋有啲立，如果個嘴唇乾到甩晒皮就會用佢，佢可以完全遮晒啲唇紋再幫個嘴保濕，完全做到嘟嘟唇嘅效果，同埋佢個頭係軟腍腍，好似個冬甩咁。不過佢啲顏色好唔持久，可能每一個鐘左右又要補一補色，如果唔係就淨係變咗好似一層油喺個嘴度冇顏色咁。 

Kitty 好用推薦：Laneige呢隻胶原彈力睡眠面膜，質地真係幾得意㗎！一打開見到佢嘅膏體係半透明啫喱狀，入面仲有啲白色細細粒嘅顆粒，望落去好似好有“料”咁。 一開始我仲以為會好黏，點知一搽上臉，輕輕按摩兩下，啲白色顆粒就好快化開咗，跟住消失唔見咗，好似俾皮膚食咗落去一樣～ 吸收速度真係要讚！我本身好怕瞓覺黐立立，但呢隻面膜按摩完一兩分鐘就已經吸得八八九九，摸落去乾爽，完全唔會癡頭髮或者黐枕頭，呢點對我呢啲夏天易出油嘅皮膚嚟講真係好緊要！ 講到效果，如果當係基礎保濕睡眠面膜用，絕對合格有餘，第二朝起身塊面都幾水潤，上妝都貼服啲。不過至於彈力同緊緻呢……老實講，我暫時都未點見到有明顯提升效果，可能要靠長期堅持先睇到分別？ 總括嚟講，如果你係想搵支吸收快、唔黏膩、純粹想補濕嘅過夜面膜，Laneige呢支可以一試。但係如果想靠佢黎KEEP住V面彈力，就可能要配合其他產品先得啦～