Lumi Kwan好用推薦：方便易用，旋轉式設計，筆頭都比較硬淨，可以做到一條調味冇嘅效果，我示範嘅係啡色，本身設有啡同黑兩色，如果成日染髮嘅人，就會嫌佢可以選擇嘅顏色太少，所以可能本身天然黑或者白色較深嘅人先會選擇佢。 佢同個妝都幾貼服，我會建議點都用眉掃掃返均勻，感覺會自然好多。買嘅時候已經有一個refill，所以相對來講性價比幾高。 對比圖: 由上而下- M.a.c , 1028, laneige

Jan好用推薦：質地幼細無顆粒 係水泥灰色 之前有用過Kiehl’s, Innisfree 同fresh 嘅clay mask 比起上面嘅牌子 呢款係最水感嘅泥膜 很易推開 不會太厚 但較難均勻地全覆蓋皮膚 使用時的溫和程度同fresh 差唔多 唔會有刺痛或發熱感 Kiehl’s, Innisfree 就相對刺激少少 等十分鐘左右變乾後會見到毛孔現哂形 容易洗淨 沖淨後感覺乾淨 皮膚滑咗少少 用後較乾 有緊繃感 要注意後續保濕

mandy好用推薦：抗皺、收毛孔的秘密武器 質地是水潤的乳霜狀，滋潤度剛剛好，不會有油膩感。可輕易在有紋的位置輕輕推開，使用感舒適。我的肌膚很適應維他命A醇/視黃醇，完全沒有引起對肌膚的刺激或敏感。基本上連續用一週，眼紋，法令紋及頸紋都得到改善，皺紋開始變淡，特別是眼紋真的比平日變得不明顯。此外，全面任何毛孔粗大位置都可以使用，有助收毛孔。

葉子🍃好用推薦：透明啫喱狀，入面仲有d藍色一粒粒，搽上面有d黏，吸收唔算快，搽完會有一層保護層係臉，不過夠保濕，冬天唔係太凍既日子都夠用

葉子🍃好用推薦：呢片係購物贈送，眼膜貼服，剪裁很適合眼部輪廓，精華易吸收，夠滋潤，本身好乾澀既位，用完都有舒緩到，唔會有精華澀眼情況，亮白效果唔多覺有

Jan好用推薦：有細微的磨砂粒子 唔會好嚡可以溫和去角質 易起泡泡 少少乾 但洗完感覺好乾淨

greenk好用推薦：係我用過最好用嘅BB cushion 💯 淨係包裝已經好靚，細細盒仲有埋鏡，好易帶出街補妝～ 色號方面，除咗基本嘅膚色深淺度，大熱嘅色號（21同23號）仲再分左冷同暖色，可以方便用家揀到完全適合自己嘅膚色，唔怕出現死白嘅情況。 我本身膚色暗啞偏紅，所以揀咗偏冷嘅21N色，用落會有提亮效果，而且睇落會有好氣息嘅色澤😊用附送嘅撲上妝可以將產品blend得好薄、妝感好自然。 個妝整體有光澤感得黎又唔會覺得好笠，用落皮膚亦唔會覺得焗，用完一個cushion都冇出現過生暗粒嘅情況👍🏽 最正係個妝好貼服，持久力亦好強，就算平時戴口罩都hold到全日唔會脫妝！不過上妝後半日都可能會出現輕微嘅浮粉情況，我通常用紙巾印一印返啲油就冇事～ 就算呢個bb cushion持久力強，但佢都非常容易卸，用普通卸妝油卸一次已經冇晒。 韓國購物網做promotion時買會比專門店平大概4成，而且仲會送贈品，真係好抵，一定要強力推薦！ 

Theresa好用推薦：滋潤度足夠，可能呢隻intensive cream 較適合成熟肌膚，所以未見其他功效

貝貝好用推薦：化妝師推介我用，亞洲人膚色有點黃，保濕後上粉底前，成塊面先用紫色薄薄上一層作為調色，可以有減黃嘅效果，再局部在泛紅位置薄薄上綠色，可以令塊面無紅印。不過唔可以上太厚，如果唔係會塊面太白好似面具咁。

葉子🍃好用推薦：質地係白色厚身狀既cream，搽上面易推同貼，可取代唔想化妝，但望落膚色又平均，臉上即刻白左兩度，試過夏天搽好油，冬天感覺剛剛好，加上有埋防曬35度，日常外出都足夠，不過效果又少少妝感