CANMAKE TOKYO 好用推薦產品

YiN好用推薦：因為太易用太百搭，所以已經回購過幾次03色，同埋買過其他顏色。依家有喺手就係呢幾枝。幼身扭出嚟扭唔返入去嘅包裝，每次都係扭少少出嚟畫。有試過唔小心跌落地但未試過斷芯。 ✅多顏色選擇 Canmake呢隻眼線筆時不時都會出新色迎合眼妝潮流。好似之前興色彩診斷，好多日本妹都會講邊個色號啱邊類人，正因為佢有冷色有暖色，好易會搵到啱自己嘅顏色。而最近多咗人畫下至線，佢又出咗15號cappuccino pink，相對淡而有血色感，我都考慮緊買唔買。✅線條流暢不暈染 當然最緊要係佢有一枝眼線筆必備嘅條件先咁受歡迎。本身筆芯偏柔軟，所以好易就畫到流暢線條，尤其畫內眼線唔會刮眼。等乾咗之後就唔會暈染，不過唔係完全唔會甩，而係就算甩佢都係一粒粒咁冇咗，而唔係溶到黑一撻救唔返。 整體我覺得佢係小資女開架品牌眼妝嘅好選擇，佢未必係好完美嘅產品，但一定係好高性價比嘅產品。未買過唔知揀咩色嘅，推介03 Dark brown，令眼妝更有神得黎唔會太銳利。

Emily Leung好用推薦：canmake家最好用的眼線筆 很喜歡這個細筆頭，能精準畫眼尾！筆芯很順滑好上色，乾得也快，很適合新手。 02淺棕色和03深棕色都是我愛用的顏色，都很日常好看！ 最重要是這款眼線筆防水防汗，用清水沖洗然後用手搓都沒有搓掉。畫了內眼線，一整天下來也沒有暈妝！真心推介！

Kura好用推薦：呢款眼線筆嘅筆頭幼細易畫，對於新手都非常友好，顏色係我最鍾意嘅啡色，用完呢款眼線筆可以畫到非常靚嘅眼線，亦都顯得眼睛非常有精神，我鍾意用黎畫內眼線，唔會溶，整體整容效果如最後一副圖，我會再回購 #眼線 @cosme #眼線

LenaC好用推薦：Canmake 既3-way Slim Shade Liner 自然輕透超纖細造影筆 有三種用法： 1. 眉妝 （可填補眉毛空隙） 2. 畫眼線 3. 塑造眼形 （可以加深雙眼皮及塑造臥蠶陰影） 質地非常輕透 能做出自然陰影效果 要深色既都可以畫多幾筆 如圖所見 顯色度都唔錯 筆頭經過精心設計 由根部至尖端均稱 而且十分纖細 確保每一筆線條皆不會過粗 喺防水防油方便都做得唔錯 即使畫於眼尾、內眼線等多眼水分泌既位置 都唔會化開或者變熊貓眼

jojoma123好用推薦：一直以來, 也十分喜愛Canmake Tokyo 的彩妝產品, 除了價錢親民之外, 產品亦夠多元化. 早前試了這款三合一眼妝筆, 當中設有圖中的01淡粉紅色, 出來的色調十分淺淡, 不怕太過濃妝, 由於筆頭非常之幼細, 可以輕易勾畫出線條, 於眼底位置輕畫幾下, 即使未之於造到很鮮明的卧蠶妝, 但多少有助突出眼部輪廓! 另外亦可於眼頭位置畫幾下, 同樣可以強化眼妝. #眼妝部門

Kura好用推薦：呢款眼線筆真係平價眼線筆嘅戰鬥機，顏色選擇多，對新手非常友好，容易畫，容易上手，顯色度高，好容易就畫到一條好靚嘅眼線，夏天用都完全冇問題，價錢非常親民，係絕對值得一試嘅眼線筆 #眼線 #夏天 @cosme

Ice好用推薦：又平又好用，成日買一送一。又多顏色可以選擇，包色都吾過分。又持久，大熱天時出咗成日 （8小時？）隻色都仲keep 到，非常之持妝，無溶妝或者脫妝。輕輕鬆鬆就可以畫到又靚又長又尖嘅眼尾。又平又靚，簡直就係學生黨、小資女同埋化妝新手嘅恩物。攞嚟練習畫眼線都完全唔心痛。非常推薦比大家選購，周圍都可以買到。

chasiutung好用推薦：0.1mm超幼細筆尖 容易描繪 出墨順暢 顯色度高 而且快乾 乾左搓吾甩 防水防汗防暈染 用黎畫眼線+下眼睫毛 夏天出汗出油都無甩 推介👍

fibee3b好用推薦：我用嘅喺2號色 暫時呢枝喺我用過最好用嘅眼線筆 好順滑同易畫 仲要真係好幼細 最緊要係夠持久（我最驚變熊貓眼）

Giselle 好用推薦：Canmake 極光碎鑽眼影液 01 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 因為我有畫開臥蠶嘅習慣，之前見到日本嗰邊流行搽閃粉係臥蠶位做提亮就入手咗呢款產品( ⸝⸝•ᴗ•⸝⸝ )੭⁾⁾不過入手後我先發現佢嘅閃片真係太大塊太閃所以唔太適合用嚟做臥蠶提亮(꒦ິ⌑︎꒦ີ)所以我而家係搽完眼影後搽上眼皮到令嗰妝望落去閃令令咁"(⌯︎¤̴̶̷̀ω¤̴̶̷́)✧︎雖然佢嘅膠水好快乾，但可能因為佢嘅閃片太大，所以有時候化完妝過咗幾個鐘後會見到幾粒閃片會出現係塊臉其他部位(*>_<*)ﾉ

chasiutung好用推薦：我最喜歡就係閃令令嘅眼妝 但眼影嘅閃粉吾夠閃 所以我好鍾意買依類嘅產品 點塗係臥蠶同眼頭 楚楚可憐 嘅淚光感 閃粉係銀色 有大有細嘅閃粉 吾會好誇張 掃頭好軟 不刺激眼睛 方便點塗👍

lucrezianoin好用推薦：性價比幾高既一個產品! 好易上色, 而且筆頭嘅size同埋形狀都好好, 初學者畫都冇問題! 不過持久力就爭少少...

Midori好用推薦：啡黑色的眼線筆，顏色飽和，容易描繪，適合用來畫內眼線，而且不易脫妝，持久度很高，唯一缺點是太粗，想畫幼細的眼線會較困難。