Kamanchan好用推薦：記得買果時係$7xx , 光影產品嚟講真係超級貴！但俾佢顏值深深吸引，加上cle de peau 一向都係信心保證，結果都係買下。。。。 但粉質來講真係有點失望，粒子粗了顯得毛孔都明顯了，妝感不夠細膩，唯一用時候不能取太多，少量少量嘅話，提亮效果是十分出色！重點係不能貪心啊！ 值得一提的是，她們家的化妝掃真係好出色^山

🌸好用推薦：我買呢個係聖誕限定版。包裝精緻，好有高級感。粉質細膩，唔會結塊，珠光細閃色澤自然，而且一盒可以用好耐。四季都適用。

維他他好用推薦：香味好吸引的乳液，乳液質地柔滑，好容易推開，亦都好快吸收，保濕方面做得非常唔錯，好高貴嘅包裝，亦都唔平嘅護膚品

lingbb好用推薦：-樽身好高貴 - 好好好淡嘅lotion味， 非常水潤好推快吸收，面即時水潤有光澤 - 會因為個香味而回購 - 適合夏天用

royu3好用推薦：唇釉中最喜愛之一，可惜的是這枝唇釉已停產 (;_;) 光是包裝質感已經無可挑剔，以厚玻璃製成，深藍色配上多角的折射切割，增添不少奢華感！我買的是11號，屬於裸粉色，很清新減齡👍🏻 質地潤身富光澤感，顯色度高，薄塗也OK。刷頭設計很優秀，不會沾過多唇釉、既不會造成浪費，又防止沾太多令唇妝厚重。開首提及過這枝已停產，或可考慮它家其他唇妝產品，一樣很出色喔！💯

mavis好用推薦：去日本円平，梗係買貴婦品牌試吓 用佢之前係可以唔搽潤唇膏 顏色自然透亮 亦都唔會有起死皮嘅情況 推介各位去日本一定要入手一支

sp_113好用推薦：一直愛用Cle de peau 底妝產品，cdp粉底液有幾出色唔洗多講，依支Base 亦無令人失望！趕住出門口/淡妝搽一層就夠，一支做到提亮膚色、遮毛孔及泛紅。 ✅調整膚色 本身見到吱出嚟係膚色，有啲擔心會唔會太黃/太白。點知一搽上面就融入膚色，全面有亮白效果，提亮暗黃位。 ✅遮毛孔 搽一層已經遮左鼻翼毛孔，出完全日行啲粉都唔會攝哂入毛孔。 ✅遮泛紅 輕易遮到輕微泛紅，泛紅位通常比較乾易甩皮，依款base油份重啲上完都唔會乾燥。 ✅有補濕效果 唔好見佢吱岀嚟比較水，以為好清爽，其實上面後油份感較重。 🥲遮唔到暗瘡/嚴重瑕疵 始終係一支base，唔預期會遮到暗瘡印、黑眼圈或者斑點。 🥲重香料味 CDP所有產品香味都較重，依支Base亦唔例外，對香料敏感要留意下。

Tsyyy好用推薦：有提亮膚色作用 不過作妝前護理會浮粉 對我嚟講 香味都唔錯

Youpi 好用推薦：Cdp 粉底我用oc02, 網上買粉餅就買咗二號色，點知原來粉餅深色好多，完全唔啱色。😩 夏天曬黑了再用，都係有色差，warm 得濟。 粉貨比cdp 的無敵碎粉明顯厚啲，始終佢係有遮瑕度的粉餅。 Point>> 如果毛孔較大（如我），單上會超顯毛孔，一定要先上碎粉，再上粉餅，就會好好多！

Elly好用推薦：用開BF20,粉餅粉質細緻，質感絲滑，蘊含亮肌修護粉末，令肌膚妝感幼滑細緻，有自然光澤✨，可以修飾到肌膚紋理，用掃上效果自然，用粉撲補妝有遮瑕效果，個妝都持久貼服。

mandy好用推薦：CLÉ DE PEAU BEAUTÉ MAGNIFICATEUR LÈVRES N  LIP GLORIFIER 完美亮澤潤唇膏 $330 第1次買入Clé de Peau 的美妝品, 始終是Shiseido旗下的頂級品牌, 價位當然是走貴婦路線。 Cdp最有名氣的是底妝產品,深受藝人歡迎。 完美亮澤潤唇膏也是熱賣產品之一。 #03 Coral珊瑚色的完美亮澤潤唇膏非常百搭, 帶少許甜美氣息。 具甜甜的蜂蜜及柑橘香味, 非常討好。 完美亮澤潤唇膏含有不少對肌膚有益的成分,  質地有如潤唇膏般滋潤好上色, 潤而不笠很好用。 跟市場上的其他有色潤唇膏一樣持久度一般，需要隨時補唇妝。 具透明感，顯色也是剛剛好的漂亮, 少少令, 不會太鮮色， 不論上班或放假都可用到, 非常實用, 很值得收1枝啊~ 含鎮靜消炎成分: 甘草酸硬脂酯 保濕成分: 乳木果 及 荷荷巴油 油性滋潤成分: 乳木果 及 荷荷巴油 抗氧化成分: 乳木果, 維他命E, 狗牙薔薇果油 及 荷荷巴油 肌膚修復成分: 荷荷巴油

sp_113好用推薦：平時化淡妝/素顏搽有色潤唇膏最方便，今次買左Red色號。上唇顏色自然，唔似搽左唇膏，令成個人有氣色。而保濕度中等，始終唔夠透明潤唇膏咁潤。由於唔係唇膏，持久度會較低，但抺完嘴仲有少少色係到，可以接受。

Lumi Kwan好用推薦：之前喺日本免稅店買，鉑鑽源亮細胞系列係各位用家入門之選，所以我都三個步驟買。 鉑鑽凝亮柔膚水，為缺水肌膚帶來即時深層滋潤效果，締造水凝膚質。鉑鑽日間防曬活膚乳液就保護肌膚免受紫外線傷害。鉑鑽夜間修護乳液強化肌膚彈性，締造緊緻美肌。確實用口個感覺係好滋潤清爽，最明顯嘅一個改善係皮膚蛋滑好多，不過價錢喺香港確實偏貴，而且好似斷咗唔用後就會皮膚打回原形，雖然我唔係確實係咩原因，但如果有心keep住皮膚好的話，可以大手購入。

Daisymo好用推薦：滋潤度唔錯，不過價格貴，感覺唔值依個價。同Estee lauder嘅微精華差不多效果。

sp_113好用推薦：空瓶分享！！！！！ 一直用開平價開架或磨砂牌子，腦海有「捽幾下洗咩買咁貴」嘅諗法。直到去日本旅行，買左依支cle de peau 磨砂膏，完全顛覆以前睇法！ 以前平價磨砂膏粒子一般比較大及密集，次次去完塊面會輕微紅，刺激性較高，唔適合敏感/暗瘡性皮膚使用。 而Cls de peau 依支磨砂膏，當中嘅粒子非常幼細及密集適中，有效帶走死皮之餘，唔會刺激皮膚。每星期用一次，長期使用加快暗瘡印減淡，膚色亦明顯均勻左。

維他他好用推薦：呢啲磨砂非常好用，因為佢嘅磨砂粒子好幼細，混合水在面上輕輕打圈，可以捽走面層的黑頭，粉刺，而且感覺不傷皮膚。過水後，皮膚非常乾淨，白左一個層次

mavis好用推薦：去日本円平，梗係買貴婦品牌試吓 但係眉筆嚟講真係冇乜特別 掃頭都冇話特別功能 同樣嘅價錢，我寧願買佢嘅唇膏

kameari好用推薦：眉筆易於控制，上色效果十分自然，刷頭唔算硬，用落好上手，唔錯試一下發現又幾好嘅一枝

🌸好用推薦：我呢個係舊版包裝。上而後皮膚顯白皙，有防曬功效。使用後冇敏感不適。

KumaXKuma好用推薦：幾好用， 唔會好似其他防曬咁油，夠清爽，唔會生暗粒， 好貼服 ， 會推薦