Clé de Peau Beauté 好用推薦產品

Natp好用推薦：响日本買左一盒， 除開都要成百蚊一次 查完1號精華， 再fu2號mask , 只fu 10min 咁貴fu 10min 真係好肉痛！ 但真係要跟指示、 試過fu 耐左， 塊面就覺得好焗， 因為mask係封閉形， 真係唔可能耐！ 真係10min就好有急救效果， 當皮膚狀態唔好果陣用就啱！ fu完立刻飽滿左， 好豐盈的感覺！ 但皮膚無咩嘢果陣就唔覺得佢咁勁

🌸好用推薦：呢set我喺結婚前買嘅 結婚前一星期隔日用，即時容光煥發，好似可以喺屋企做facial咁 去細紋同保濕都超強！急救一流！

🌸好用推薦：我呢個係舊版包裝。上而後皮膚顯白皙，有防曬功效。使用後冇敏感不適。

choichoi好用推薦：正正常常中規中矩的貴婦級別防曬，不會太過黏笠的質地令輕熟皮膚有滋感但不至易出油，防曬效果嘛，以最近數星期至少有3-4天戶外活動內說沒有曬黑喔

choichoi好用推薦：不會顯粉感也沒帶太大的面具感，夏天用不易出油，冬天用滋潤度亦剛剛好

kameari好用推薦：用落粉質算順滑，上面唔會好乾，遮瑕度都可以，而且細細盒方便帶出街

維他他好用推薦：香味好吸引的乳液，乳液質地柔滑，好容易推開，亦都好快吸收，保濕方面做得非常唔錯，好高貴嘅包裝，亦都唔平嘅護膚品

lingbb好用推薦：-樽身好高貴 - 好好好淡嘅lotion味， 非常水潤好推快吸收，面即時水潤有光澤 - 會因為個香味而回購 - 適合夏天用

Fng好用推薦：cdp pressed powder 蜜粉 質地輕盈細膩，粉質柔滑，貼肌， 同埋夠保濕 滋潤，顯著鎖水。有些許閃亮粉末， 本身肉色可遮掩些小色斑和膚色不均。

Conw好用推薦：隨身攜帶補妝神器 質感： 非常幼細粉狀，餅狀所以取粉不會飛粉 妝感： 無閃，透薄柔焦，毛孔遮蓋度不錯 使用感受： 上面會有滋潤感，在眼下皮膚亦完全不乾，補妝不會出現起皮一撻撻，剛上啞光質感，出油後不斑駁轉為奶油感。 輕易堆均，每次用量很少，會有輕微提亮效果，剛好補救粉底下午開始暗啞問題。 我選的是鋼琴焗漆的粉盒😍，體積非常細還自帶鏡及粉樸，放在迷你包甚至wallet on chain 都完全不佔空間。 缺點是貴，貴在粉盒，但細小慳位顏值高還要好用的碎粉餅確很少，值得投資。

🌸好用推薦：因為工作關係，我成日都需要捱夜，黑眼圈都幾嚴重 朋友推薦我用呢一隻cle de peau嘅筆狀粉底液 好似潤唇膏咁樣嘅設計，方便攜帶，而且用法非常簡單 輕輕鬆鬆就幫我遮住個黑眼圈同埋面上嘅瑕疵 而且色澤自然，妝感貼服，又唔會容易甩妝 卸妝都非常方便 可以極速上底妝，連遮瑕膏都唔使用

sammiimelda好用推薦：遮瑕效果好夠力 質地偏滋潤 不過要小心用量 我自己就唔會直接搽上面 用化妝妝掃輕輕擦係需要遮瑕嘅地方 之後再定妝 就可以做到好自然嘅素顏效果

Susu好用推薦：第一次用CDP牌子嘅foundation product，一直都聽講呢個牌子底妝好好用，但可能以家係夏天，我本人塊面又容易岀汗，所以有甩妝，都唔係好感受到妝感好靚嘅情況，希望個cushion頂到等過夏天再試

sp_113好用推薦：以前對CDP舊版粉底液印象一直麻麻，唔單止塊面好油亮，皮膚有點焗悶之餘，仲要非常快甩妝！用左依隻氣墊粉底絕對令我對CDP底妝有所改觀。
 官方聲稱氣墊粉底質感清新柔滑，粉撲形狀特別貼合肌膚。持久控油成分，能擊退暗啞，抑制油光，避免脫粧。最重要係唔會引致粉刺產生，更有護膚成分，蘊含十六夜薔薇果萃取，具抗氧化功效。 
用左一個月嘅感覺8成賣點係真實感受到。氣墊粉底粉質好細，非常貼面，光澤感自然，完妝後好似開左美肌filter。保濕度屬於中上，依加秋冬天乾肌冬天要先用保濕Base打底，混合肌反而更適合。遮瑕度屬於中下*，遮唔到深色斑點及紅印，只可以遮到較淺嘅瑕疵。而持久度方面非常有驚喜，出完街一日唔會甩到一忽忽（以往搽上CDP粉底液數小時鼻翼及虎紋位已甩哂）。依款氣墊粉底唔厚，所以用完無生暗瘡情況。 *見圖：係手上用紅及啡眼線筆模擬深色斑點及紅印，可以見到只遮到50% #秋冬愛用美妝

🌸好用推薦：我喺日本旅行嘅時候買咗四色同埋兩色嘅眼影，自行拼咗一個六色眼影盤出嚟 我哋今次要討論嘅，係下面顏色 雖然有少少飛粉，不過佢好容易上色，每次點少少就已經好顯色，呢兩隻紫色好有高貴嘅感覺，特別適秋冬天嘅妝容。 妝效持久，出去行咗一日街，眼影都冇甩色。

glo0_0好用推薦：2021年聖誕節特別版，外表包裝已經非常靚，無論點影相都好似雜誌product相咁，所以一出就俾佢外表吸引咗而入手。眼影粉質幼細，柔滑易顯色，亦因此要輕手啲。不過聖誕節推出嘅顏色比較鮮艷，唔適合平時日常使用。所以只可以特別日子先用到。

Hazel好用推薦：有幸攞到啲samples黎用，一開始以為係噱頭，但真係堅金色，搽上塊面即刻變咗少林寺十八銅人咁🤣，立立令！不過用完之後覺得效果真係非常好，皮膚變得好保濕好細緻，佢的確貴得有原因嘅⋯⋯

yamaelsa好用推薦：除左貴之後 都冇咩缺點 拎左試用裝黎用 最顯著嘅地方係塊面勁有光澤！ 好正！

Fng好用推薦：cle de peau the serum 第四代質地更清爽輕盈，容易吸收，一啲都唔黏笠，用後皮膚明顯光亮，就算熬夜後第二天皮膚亦冇疲態， 膚況會keep得穩定，不會爆瘡，有光澤飽滿水潤感， 不存在暗沉。 我用了幾樽後，發現自己皮膚明顯細緻咗，毛孔慢慢收細，有彈嫩緊緻功效，抗老必選，泵裝設計使用上更方便衛生，唔怕產品氧化。