MENTHOLATUM 曼秀雷敦 好用推薦產品

SammyN好用推薦：此乃乾燥大爆擦嘴唇拯救者！好快見效、如果嘴唇損咗都唔乸。有時個手指爆擦都會搽少少。實乃居家必備良品。

Hchan好用推薦：由於踏入秋季及經常待在冷氣房，唇部開始乾燥脫皮，本身得過唇炎，所以一直選用成份簡單的護唇膏，試過各種款式及品牌後還是覺得這款藥用的最好用。 這罐是新包裝，容量多但因不方便沾取的設計，平時會放家中使用，另外同款的條狀則會隨身攜帶用。 護唇霜的質地是如凡士林般的膏狀，沒有味道，塗開後會有輕微的薄荷涼感，初用時會有點不習慣，但我的敏感唇用後並無不適；塗後會變霧感，不會有常見的油亮感，男士也適合；滋潤度屬中等，約兩三小時需要補塗，日常晚上也會厚塗當唇膜用。 一直在回購使用，不知是否跟藥用的成份有關，唇炎並未有復發，價格相宜又大罐，推薦有敏感唇的人可以試試。

green好用推薦：想寫下呢個身體修護乳液，真係我既救星！ 之前去旅行時酒店冷氣好乾燥，皮膚乾到痕癢， 又抓損左，好唔舒服，咁岩當地有呢支身體修護乳液既旅行裝，買左返黎用，第二日皮膚已經保濕返，而且好清爽唔會焗住，之後keep住日日用，皮膚好左八成！因為我本身有少少濕疹所以點都會係沖完涼搽薄薄地係手手腳腳。 見呢度評論有啲少，一定要分享下。 而且佢成份都安全，無類固醇，用完唔會有黑印，我係香港返黎一次過買左兩支200g，宜家用緊第三支啦！雖然都會用下有機既護膚油，但功效都冇佢咁好！ 真心推薦乾燥皮膚既朋友試下，因我係會痕到半夜訓唔著既人，用左佢皮膚問題真係有改善。 （p.s. 用過曼秀雷頓ad軟膏，但呢款岩我用好多）

葉子🍃好用推薦：每當轉季，身體就開始痕癢，仲要嚴重到訓唔到，搽平時既保濕潤膚乳係完全無用，呢支係加左尿囊素、甘草酸鉀作為舒緩乾癢，乳白色，好易推，快吸收，賣點係60秒舒緩乾癢泛紅，搽左我感覺到少少涼，之後係無甘痕，真係幫到手

YYeman好用推薦：曼秀雷敦薄荷潤唇膏真係我每個冬天都唔可以冇嘅唇部救星！一到冬季，雙唇乾到繃緊、甩皮甚至爆拆，唔搽潤唇膏真係唔掂。而呢支薄荷潤唇膏就成為咗我冬季護膚 routine 裡面，隨身必帶嘅神器！ 保濕同修復效果相當唔錯： · 膏體軟硬適中，一搽上嘴就有陣清涼薄荷味，好醒神！而且涼涼哋嘅感覺，可以即時舒緩乾燥帶來嘅不適。 · 佢嘅保濕力好持久，唔係假潤嗰種。冬天出街前厚搽一層，可以維持幾個鐘唔覺唇部繃緊，就算戴口罩都唔會覺得黐立立或者好悶。 · 對於輕微爆拆同甩皮，佢嘅修復效果都幾明顯。我試過臨睡前厚敷，第二朝起身死皮會軟化，輕輕一抹就甩，唇部變得柔軟好多，冇再扯住痛。 冬季護唇心得： · 我會習慣喺搽唇膏或者唇釉前，薄薄打底一層，等幾分鐘吸收咗先上妝，咁樣可以減少唇紋，又唔會影響妝效。 · 如果唇部狀態特別差（例如嚴重爆拆），我會先濕敷再用佢厚敷，當作唇膜咁用，急救效果會更加好！ · 不過要注意，如果唇部有傷口，薄荷成份可能會帶來少少刺痛感，建議等傷口好返少少先用。 總括來講，曼秀雷敦薄荷潤唇膏係我冬季性價比極高嘅選擇！清涼感喺凍冰冰嘅天氣用特別舒服，而且保濕同修復能力都交足功課，細細

Kmggigi好用推薦：嘴唇皮膚狀況: 嘴唇偏乾，比較易甩皮，上唇色偏暗沉 講到潤唇膏，稱這支曼秀雷敦為經典始祖也不為過！ 春夏季雖然濕度較高，但日常唇部護理仍不可忽視 平時我就習慣用曼秀雷敦潤唇膏維持夏季唇部健康狀態🥳 潤唇膏質地輕盈水潤，無色透明但使用後會帶有自然透明感， 同時散發淡淡薄荷香氣，會有清涼嘅感覺 上唇後有即時保濕效果，同時亦不會過度滋潤或黏膩， 非常適合春夏季節使用。 另外因為質地透明，能有效撫平唇紋，作為妝前打底效果一流👏🏻 產品效果: 唇部明顯乾燥，唇紋較為明顯 上唇後，肉眼可見唇部狀態有明顯改善，唇紋顯著減淡

葉子🍃好用推薦：去旅行購入，白色膏狀，易吸收，皮膚乾燥時用佢，可以即時止到痕癢同保濕，蚊咬都可以消到腫，性價比高

Jayla好用推薦：比起買一罐我更鐘意用吱吱裝，感覺乾淨d。佢止癢嘅功效真係好好。我成日手手腳腳都會無端端起一撻紅腫蕁麻疹，每次拎嚟搽完等15分鐘就會止癢同慢慢消腫。搽完又唔會太笠，所以就算著返衫蓋住都唔會覺得黏笠。

agnessstang好用推薦：超級喜歡嘅潤唇膏❤️ 已經唔知用咗幾多支 用咗呢隻潤唇膏之後就冇再用過其他 最近仲出咗premium版本(暫時淨係喺日本🇯🇵見到) 最鍾意嘅味係蜜糖🍯、白桃🍑同無香料 我嘅嘴唇偏乾 係潤唇膏重度使用者 (總之一感覺到個嘴冇曬潤唇膏就會搽 搽任何唇膏之前都一定要搽潤唇膏打底) 搽咗呢款潤唇膏之後係真係感受到個嘴唇冇咁乾 化妝前搽厚少少 化完妝抹一抹走再搽唇膏就會好靚啦 補唇膏前用嚟打底都ok 同埋我習慣瞓覺前會厚搽 我冇咁鍾意綠茶味🍵嘅原因係佢冇咁潤 偏油身啲 有種搽咗啲嘢喺嘴唇上面但潤唔到入去嘅感覺 唯一缺點係價錢比普遍潤唇膏貴 通常我見萬寧有2送1就會買定🤣

Viannie好用推薦：買咗限定版英式紅茶味同焦糖pancake味，味道好得意，包裝仲好靚，好夠潤。 香港天氣唔啱夏天帶出街用，因為會熱到軟晒就溶咁。

貓餅好用推薦：非常適合喺秋冬天氣乾燥時使用，腳筋乾燥見到有一條條白色嘅痕，搽咗呢支膏，即時滋潤返，係有少少立，但係係咁樣先有效滋潤保濕

WSY好用推薦：每到冬天嘅時候隻腳就好容易乾，呢個嚟查吓腳筋，就會滋潤好多！！

Kura好用推薦：便宜又好用嘅潤唇膏首選，我通常會用黎做唇部打底再搽其他有色嘅唇膏，用完呢款潤唇膏會覺得好滋潤，搽上嘴好靚

beanya好用推薦：適合嘴唇有少少乾嘅時候搽，或者做搽有色唇膏前嘅打底，未足夠潤去死皮。

Hamiii好用推薦：由細用到大，一支最基本既護唇膏🫶🏻 試過好多好多隻味，都係鐘情士多啤梨味🫰🏻 薄薄搽一層，薄荷涼浸浸，好舒服🫶🏻 絕對係 平 靚 正 之選🫰🏻

Verna好用推薦：這支也是Lipice潤唇膏，是甜美粉紅（淺粉紅色）的修護潤唇膏，它扭出來是透明色，不過塗上咀也有點點顏色 但可能我的唇色比較深，加上它很淺色，所以我塗上咀，只是很淡很淡的粉紅色，不過也會覺得氣色變好了 在夏天用它，滋潤度也算足夠，但在乾燥的冬天用，我覺得它的滋潤度就不足夠了

bibubibu好用推薦：mentholatum潤唇膏真係由細用到大 什果冰系列都用過好多款唔同味道 佢搽上嘴有少少油潤嘅感覺 搽完之後好似有一陣油係嘴上 唔算係好水感滋潤 但當嘴唇好乾裂嘅時候 搽完佢都會有立即舒緩 不過用完之後都唔太滴合再搽其他唇膏

Giselle 好用推薦：曼秀雷敦 什果冰潤唇膏 （草莓味） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前見佢有同迪士尼合作嘅造型所以入手咗(ㆁᴗㆁ✿︎)因為算係平價嘅潤唇膏所以以前都有入手過呢款潤唇膏( ˙༥˙ )我自己覺得呢隻潤唇膏嘅滋潤度算係比較中規中矩，唔會令我有驚豔or覺得伏₍ᵔ·͈༝·͈ᵔ₎如果追求滋潤度嘅話，呢款就唔太適合lu (꒦ິ⌑︎꒦ີ)佢嘅香味就係一陣人工味嘅草莓味(◍︎•ᴗ•◍︎)所以對香料敏感嘅小夥伴唔適合入手哦₍˄·͈༝·͈˄₎◞︎ ̑̑ෆ⃛呢款比較適合對滋潤度同可以接受到比較人工香精味嘅小夥伴入手哦*ˊᵕˋ)੭

mysecretgarden好用推薦：呢支曼秀雷敦water lip潤唇膏用咗一段時間，真係有啲又愛又恨嘅感覺。首先值得讚嘅係佢個水感真係做得幾好，搽上嘴個刻即刻感覺到好水潤，唔會好似一般潤唇膏咁黏膩。而且佢帶有淡淡嘅薄荷味，用落好清新，個包裝設計都幾可愛，透明嘅管身可以清楚見到仲剩返幾多，唔會用到一半就唔知仲有幾多存量。 不過佢都有個幾明顯嘅缺點，就係搽完之後個嘴睇落會比較油亮，有啲似食完嘢無抹乾淨嘴嘅感覺。如果係平時返工或者普通出街，個妝感可能會太過明顯，要隨身帶紙巾印走表面多餘嘅油光先得。 整體來講，呢支潤唇膏嘅保濕效果同使用感都算唔錯，特別適合夜晚睡前使用，或者係喺屋企嘅時候用。但係如果係要化妝或者想要自然啲嘅妝效，就可能要考慮下其他選擇。至於會唔會回購，就可能要睇下當時需要啦，畢竟市面上都有其他類似產品可以揀。

oy 好用推薦：呢一款之前出咗minions特別版！係椰子味 潤唇效果冇好突出 但係夠可愛🤣