nicolesit好用推薦：最近購入了我的第一盒Lunasol眼影-春季限定色EX38～當初係見到雜誌介紹，見到model上眼好靚、又俾想像中多畫法，所以購入。見到真身更加愛🫶🏻櫻花粉色非常適合春夏季妝容，隻綠色上眼係帶金，有提亮、顯氣色效果💚唯一缺點係唔持妝

綺羅香好用推薦：去日本買彩妝，自然唔好錯過Lunasol 眼影，粉質好，顏色選擇多，本嚟好想買15號色，不過實在太搶手買唔到，就揀咗睇落幾實用嘅朱古力系列02號 Chocolat Amer 一打開眼影盤，就有一陣朱古力味，就連壓盤都壓成方塊朱古力一樣，粉質細滑，不過有少少飛粉，唔可以太大力取粉，雖然眼影睇落好深色，顯色度反而偏清透，試色由下而上分別係：霧面暖棕色，帶細亮片嘅米金色，有細珠光嘅淺銅色同霧面深咖啡色 輕手一啲係日常返工妝，重手啲會變smoky eyes，睇落好似同一般大地色眼影無太大分別，都係搵日入手15號，彌補下遺憾

giant_sharing好用推薦：【Lunasol眼影Swatches】 因為我唔想揀d好悶嘅朱古力/大地色，所以我就揀左呢盒貓眼石 @lunasolofficial Geminate Eyes N 01 揀左呢盒特別d嘅貓眼石，有格黃黃綠綠既色，同埋我鍾意中間個格閃片☺️望落中間好似綠色，但上手淡黃+灰底，上眼基本上只見到閃片，少少灰灰地色，其實冇乜底色！呢盒平均顯色度都比4色/matte色高，但都似傳統日牌眼影，顯色度中等唔算高，幾適合新手用~另外珠光色幾順滑，閃片個格摸落去係「鞋恰恰」的，真係giltter嚟~鍾意閃閃眼影嘅你都會幾鍾意貓眼石 聽聞朱古力系列/4色matte眼影都幾唔顯色，呢盒已經係比較顯色，所以用開歐美眼影嘅你未必慣用佢，我比較推薦比新手/化開淡妝嘅你用～

Tiffany好用推薦：一盒5色，比傳統4色眼影可以畫出更多眼妝。顯色度唔係好高，但都可以慢慢疊加。

Lumi Kwan好用推薦：日本購入，中學時代迷日系，係kanebo fan。銀紫色好lady，可以用打底，我平日會用手指直接用，好易用又唔會覺得好污糟，放工後都唔會sip左啲色落眼皮，幾好。

iliya 好用推薦：呢款單色眼影嘅顯色度高，不過最大嘅缺點係如果用手指上色，啲眼影好易sip入手指甲邊😩

choichoi好用推薦：踏實單純的眼影，挑了當時喜歡大地色系的顏色，微帶閃感，著色度一般，勝在不太飛粉

iliya 好用推薦：普通單色眼影，沒什麼驚喜，係帶點珠光效果嘅日系色調，有時會有飛粉嘅情況發生。

iliya 好用推薦：呢個四色眼影盤令我有小小失望，因為顯色度唔高，而且顏色嘅配搭有啲奇怪🙈

Fng好用推薦：color 20# mint on the rocks， 兩格都有細閃粉 ，珠光感，粉質地細滑， 顏色綠偏光，有少少幻彩感覺， 妝效持久。

Blueblueblue好用推薦：一盒眼唇盤就有齊眼影，唇彩，可以慳到存放位置。 唇掃係可以申縮嘅。