ettusais 好用推薦產品

Kathy Wai好用推薦：#火熱新品 Ettusais眼部提亮調色霜（眼部打底）評測 質地： 輕薄、唔乾、延展性高，用手指體溫已經可以輕鬆推勻。唔會一開就起擦膠碎，夏天用都唔覺得厚重。 調色提亮效果： 自然光澤型，唔係閃片，似由內透出飽滿感。重點喺眼頭、淚溝位輕印，即時柔焦，黑眼圈冇咁明顯，望落精神。做眼部打底仲可以均勻眼皮暗沉。 眼部打底表現： 之後上眼影更貼服、更顯色，輕微控油防積線。乾眼友好，唔會令眼周紋理更明顯。 持妝度（香港天氣實測）： 朝早上妝到下午，眼底冇變灰、眼影冇明顯積線，粉底冇裂開。 總結： 多功能型產品：自然提亮淚溝 + 均勻眼皮暗沉 + 輕度控油打底。最啱眼周偏乾、追求偽素顏妝感嘅人。遮瑕力中等，嚴重黑眼圈要配遮瑕膏用。輕至中度黑眼圈單用已經夠。 一句廣東話總結： 自然、唔乾、持久，懶人恩物。

東區蘇牙琳好用推薦：之前都冇試過眼影打底，以為都係啲智商稅，總之原來有用打底真係比較上色，因為通常呢啲粉色系嘅眼影上到隻眼都唔係好覺，而家好似令到啲眼影可以唔使抌咗佢了，可以拎返啲淺色啲嘅出嚟用啦！閃粉個格不過不失啦，啲粉都算幼細，係屬於邊橙色嘅閃粉，用嚟畫臥蠶都自然，但整體會買呢一個產品應該都係為咗佢個打底，平時上唔到眼影嘅姊妹可以試吓佢係霜狀，易推，不厚重。 #火熱新品

Poyobb好用推薦：質感類似Sofina Primavista 調色底霜，ettusais 呢支偏粉色，接近膚色狀態。 Primer控油能力強，用完之後皮膚會乾爽呈現霧面狀態。夏天日常可以淨係用喺T字位，減少出油情況，令妝感全日維持得更好。如果係油性皮膚可以全面用，用完控油度好強，面部感覺乾爽至少許繃緊，所以如果乾性皮膚就唔建議使用。 我買佢最主要嚟講都係增加底妝嘅控油度，至於修飾毛孔方面，有少少效果，建議用返修飾毛孔嘅底霜（豬油糕質地嗰種底霜）。呢支比Sofina嘅平約百元，視乎自己情況而買啦😉

Noelle S好用推薦：五月已經差唔多日日三十度超潮濕，混合偏乾都出油溶妝，用呢支妝前乳搽T字鼻翼就好好多，keep到成日妝。粉橘色mouse狀35PA++質地柔滑，撫平毛孔減少出油，加埋蜜粉就十分持妝。

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

Julianna好用推薦：一開始買呢支都係抱住試下心態，因為我皮膚比較容易泛紅，搵一款有tone up功能嘅妝前其實幾難。點知第一次用已經有驚喜，佢帶淡淡粉紫色，推開之後會中和到啲泛紅位，令膚色睇落勻淨咗之餘又唔會死白。重點係佢夠輕薄，質地偏水感，保濕度中等，適合春夏用～搽完個底乾淨晒，之後上粉底或者碎粉都好貼服。有時出街快快手唔化妝，淨係搽呢支都夠見人。不過就唔係太控油，T-zone好易出油嘅人可能要補啲定妝。好鍾意佢係物理+化學混合防曬，保護力高但用落唔刺激，敏感肌都應該ok。係我近期妝前愛用品之一！

mandy好用推薦：Ettusais Face Edition (Primer) for oily skin 毛穴控油修正液 $135/ 5.5ml 毛穴控油修正液已採用全新packing。  毛穴控油修正液是局部的控油primer, 可在底妝前、後隨時使用。 特別是容易在T字位出油時,  就可以用毛穴控油修正液來去油、 遮蓋毛孔 及 即時令肌膚變得啞緻。 毛穴控油修正液剛開始是液狀,  之後很快會變成清爽的粉末狀, 使用感舒適清爽不會覺得焗或悶熱。 如果介意T字位出油, 除了作局部控油primer外， 也可隨時帶備毛穴控油修正液以急救出油位置。 有了毛穴控油修正液，那就不用擔心油光及毛孔的問題啦! 含保濕成分: 雙丙甘醇 及 甘油 肌膚修復成分: 甘油 鎖水成分: 甘油 

VictoriaPanda好用推薦：ettusais 毛穴控油修正液好耐之前有用過，我覺得今次新包裝，外型好睇啲之外，個控油都做得好過之前。呢支修正液可以係出油及溶妝的部位使用。我自己就會朝早用黎當妝前底霜使用。都Keep到去下晝

wintonggg好用推薦：點解冇人推！！超級好用，係底妝前用嘅話，超級遮毛孔！！上妝勁貼，佢專門用係T- zone，貼之餘仲好控油添，同埋佢有薄荷涼感，搽上去好舒服，夏天必備！#火熱新品

natanatalie好用推薦：雖然標磅係乾性肌使用，但油性肌用剛剛好。 我屬於兩頰較乾T字位油，佢質地唔厚重，屬於透薄嘅底霜，好易推開，表面睇有調色功效，但推開上面後無乜遮瑕力，不過可以令膚色均匀一點。 油肌夏天用不太會出油，而且上面感覺舒服，考慮回購。

Fng好用推薦：ettusais face edition for dry skin 普普通通，又唔覺得特別保濕，又冇乜遮瑕度，遮毛孔好一般， 不值得買，閒置咗佢一排😒。

Charlotte好用推薦：今次要分享嘅係 ETTUSAIS SKIN MILK 亮肌素顏霜✨✨ 呢個素顏霜係面霜嘅質地，淡黃色，有好輕微嘅香味同酒精味👃 膏體唔會太厚重，算係容易推開，不過要留意要快速推開，一乾就會好容易有白色擦子膠碎 虛線右邊係搽咗素顏霜，左邊係冇搽 提亮效果明顯得嚟都算自然貼膚，乾性肌膚只要做好保濕上面效果幾好，冇乜毛孔同有效提亮膚色 但係佢只係一個素顏霜基本上零遮瑕效果 我通常用嘅時候都係用完再加少少遮瑕同碎粉或者粉餅 佢係有效快速出門口打造到水潤自然嘅肌膚✅✨ 但係❗️❗️❗️ 出門耐咗一出少少油啲毛孔就會出返嚟，並且佢個油光會令毛孔更加明顯 雖然佢嘅光澤感係唔錯但係我面頰中毛孔比較大就唔適合了 之後試吓用啲控油嘅碎粉唔知會唔會效果好啲 如果本身冇乜毛孔只係想提亮嘅話係幾適合 產品本身不過不失，但係呢個價錢我會選擇買有防曬同提亮效果嘅防曬產品或者隔離 可以一試但不會回購⭕️ 以下係產品成份比着重成份表嘅sis參考~ 保濕成分:甘油, 聚乙二醇-8 及 庫拉索蘆薈葉萃取 肌膚修復成分：甘油 鎖水成分: 甘油 鎮靜消炎成分:月

mandy好用推薦：ETTUSAIS SKIN MILK 亮肌素顏霜 ETTUSAIS 家早已推出的素顏霜， 毛孔、暗沉、泛紅 一瓶KO! 非常適合貪方便/趕時間的美女們。 亮肌素顏霜 有如乳液的水潤質感， 優秀的延展性也很令人喜愛。 使用後 有完妝的透明光澤感， 又同時 零妝感 且很有柔焦效果。 臉蛋整個就是水嫩水嫩的， 一瓶成功打造偽素顏美女。 即使平常習慣化底妝上班的人 休假時都想喘一口氣吧! 那何不偶爾改用素顏霜 來打造素顏美人的風格 我特別愛MIX保濕精華一起使用， 可以令肌膚更水潤 及 令素顏霜更貼服， 非常推介給累了不想化妝但又想美肌的妳~   含保濕成分: 甘油, 聚乙二醇-8 及 庫拉索蘆薈葉萃取 肌膚修復成分： 甘油 鎖水成分: 甘油 鎮靜消炎成分: 月見草油，庫拉索蘆薈葉萃取 及 迷迭香葉萃取   抗氧化成分: 母菊花萃取 及 迷迭香葉萃取

LenaC好用推薦：呢款質感會杰少少 顏色接近膚色 我自己皮膚偏暗黃 所以查咗上塊面會有輕微泛白 不過隔一兩個鐘出油後反而有奶油肌妝感 呢款持久度高 就算用清水洗完面都有少少留返低 啱我呢啲食完晏會用清水洗個面 但又懶得補妝嘅人

jackielai好用推薦：呢枝個名雖然係叫啫喱，不過質地就一啲都唔似啫喱，反而係似有色嘅bb cream多啲。搽落都算易推，但就有啲厚，好似焗住咗啲毛孔咁，用完嗰晚眼底即刻出油脂粒，唔敢再用。