The Ordinary 好用推薦產品

Fng好用推薦：The Ordinary Azelaic Acid Suspension 10%，係一支主打淡化痘印、提亮膚色、改善泛紅嘅高性價比護膚品。 ✨ 產品核心功效 · 淡化痘印、提亮膚色：壬二酸係一種天然存在於穀物中嘅抗氧化劑，能溫和干預黑色素生成，改善暗沉、膚色不均同粗糙感。 · 改善泛紅、舒緩敏感：相比其他酸類，壬二酸刺激性較低，特別適合泛紅、玫瑰痤瘡（Rosacea）傾向嘅皮膚。 · 溫和抗痘：有助於改善暗瘡同粉刺，對荷爾蒙痘都有舒緩作用。 💬 評價 · 質地與膚感：霧面乳霜狀，推開後清爽啞光，唔會油膩。質地偏厚、唔易推勻。 · 效果：膚色均勻咗、痘印慢慢變淡，皮膚摸落平滑咗。 · 最大缺點：搓泥（起屑）矽靈基底如果未完全乾透就疊加後續產品，或者用量太多、來回揉搓，就會起白色屑屑。有化妝習慣嘅用家話朝早用完再上粉底會好災難。 📝 使用貼士（避免搓泥） 1. 用量極簡：每次只需豌豆大小，點喺額頭、兩頰、下巴。 2. 垂直輕拍：用指腹輕輕按壓上臉，絕對唔好來回推拉或打圈按摩。 3. 耐心等待：按壓完等 3-5 分鐘，直到皮膚摸落啞光、唔黏手，先好上後續保養品。 4. 建議夜晚用：

Mani Tso好用推薦：超正，從未試過有產品令我一搽即愛上。 深色痘印真的有減淺，搽上面有絲滑感覺， 第一次買30ml未用完都急不及待再買定支100ml， 本身痘痘算嚴重又多痘印，相信會一直用落去。

Emily Leung好用推薦：同卡粉斑駁講拜拜！乾皮水光肌養成秘笈 作為長期卡粉嘅敏感肌，試過好多保濕精華都覺得爭啲，直到搵到The Ordinary呢支透明質酸B5精華，先至算搵到補水鎖水嘅完美答案💦 成分表乾淨簡單，主打2%透明質酸，含有5種唔同分子大小，可以層層滲入皮膚，從真皮層底層補水，好似同皮膚起咗個小水庫一樣，底層飲飽水先會透出自然水潤感。仲有維生素原B5同神經酰胺，前者可以修護屏障，後者幫皮膚鎖實水分唔流失。 支精華嘅質地係透明水凝狀，流動性好強，完全唔會黐立立或者有油膩感。上手推開就好似水一樣即刻化開，吸收得超級快，幾乎係「咻～」一聲就滲入皮膚，冇乜存在感。 用完之後皮膚摸落去係啞光乾爽嘅，但內裡有種即刻被滋潤嘅感覺，好似底層飲飽水咁，皮膚會變得軟身彈手，但又唔會留低任何黏膩嘅膜感。後續疊加其他護膚品完全唔會搓泥，反而令到乳液同面霜更加貼服。總括嚟講，係一支清爽又高效，專注補水嘅百搭打底精華 日常用法超簡單，洗面後擠3滴全臉按壓，吸收得好快，之後再搽乳液或面霜都會貼服好多，上粉底都唔會卡粉斑駁。偶爾熬夜或者皮膚特別乾嘅時候，就用2滴管厚敷，再加塊面膜敷10分鐘，急救補水真係一流！拎走面膜後皮

Miranda好用推薦：【質感】 質地係透明凝露狀，帶有少少「漿」嘅感覺，唔算好水。有人形容佢似「秋葵黏液」，滴管拎出嚟甚至有機會拉絲。上面嗰下延展性極高，半滴管就夠搽勻全面。不過，佢嘅 「黏笠感」真係一個大問題。吸收之後皮膚表面會有一層輕微嘅「薄膜感」，絕對唔係清爽嗰種，尤其喺香港潮濕天氣下，呢種感覺會更加明顯。 【使用感】 呢支精華最令人困擾嘅，一定係 「搓泥」 問題。有唔少用家反映用量太多、皮膚太乾、或者後續搭配不當嘅時候，會瘋狂搓泥。要解決呢個問題，有幾個方法：第一，用量一定要少，最多兩三滴就夠；第二，一定要喺皮膚微濕嘅時候搽（即拍完爽膚水未完全乾嗰陣）；第三，用拍打方式代替推開。跟住呢幾個方法做，搓泥問題會改善好多。效果方面，保濕力係有嘅，用完之後皮膚即時有飲飽水嘅感覺。B5成分亦有輕微嘅修復同穩定作用。 【持久度】 持久度方面，佢嘅 「即時補水」效果係明顯嘅，但 「長效鎖水」就取決於用法。如果喺乾燥環境下單獨用，或者之後冇疊加面霜鎖水，好快就會覺得乾。呢支精華嘅定位更似一個 「輔助角色」 ，負責幫皮膚「吸水」，但「鎖水」呢個步驟要靠後續嘅面霜完成。 【性價比】 最後講性價比。價錢一定係

Kura好用推薦：超強逆齡精華，我一直都好鍾意用呢一款精華，我稱佢為十全大補精華，質地好水潤，無香味，無酒精，搽上臉超快吸收，成分單純，用完細紋有減淡，皮膚水潤度好足，重點係價錢非常親民，係抗衰老嘅必備好物 @cosme #逆齡護膚品分享 #逆齡護膚品分享

mandy好用推薦：The Ordinary 的賣點當然是便宜啦! 用慣了種價位, 實在很難回頭,  自然覺其他品牌真的很貴呢。 但是也不是所有The Ordinary 的產品都好用, 在The Ordinary找到喜歡而且適合用的產品, 真的會很划算,  完全能滿足大家想省一點錢又想護膚的心願。 就連皇室一員的Kate Middleton, Duchess of Cambridge也愛用 The Ordinary。本產品有Sephora Vegan + Cruelty-free認證, 不會做動物測試。 現在The Ordinary母公司Deciem已被Estee Lauder Group 高價收購, 藉此打入低價護膚品市場，可見The Ordinary 的受歡迎程度。 名為buffet, 是指跟品牌大部分的單一功效的護膚產品不同, buffet 是一款集合保濕及抗衰老功效(加強肌膚彈性/緊緻)的多功能精華, 可說是The Ordinary 最具代表性及高質的產品之一。 質地水潤清爽，保濕力非常好，延展性佳又好吸收。喜歡作為晚間精華使用，含豐富的保濕及抗衰老成分，同時可鎮靜消炎穩定膚況，是很

Sanna Cher好用推薦：產品是透明水份質地，不帶油份和乳液精華，非常爽身。 使用份量是將爽膚水擠出三至四次，倒在化妝綿上，再輕輕抹塗於面部。可在洗臉後使用產品，增加面部保濕。使用產品後，面部帶有輕微光澤。

維他他好用推薦：呢支the ordinary 嘅去角質爽膚水非常出名，出名又平又大枝又好用，佢係一支去角質嘅爽膚水，用咗可以改善毛孔，同埋令皮膚更加光滑，建議喺晚上使用。 呢支去角質爽膚水非常有感，因為用完之後塊面會有少少拮拮地，微刺，同埋會泛紅，我試過連續兩個星期夜晚使用，可能用得太多太密，皮膚連日頭都紅卜卜，但係唔係健康嗰隻，係敏感嗰隻紅，哈哈，可能我太刺激皮膚了 所以一開頭用嘅話，可以逐漸使用，唔好連續每晚使用 ，間唔中用下就OK，用完之後，皮膚係會滑咗啲，毛孔會細咗啲，佢都算係溫和嘅去角質，聽講仲可以用喺頭皮上，有好多用法 呢支去角質爽膚水，係真係非常水狀，好似水一樣流動性好高，淡黃色，冇味道，敏感肌嘅朋友應該唔適合，可能會比較刺激肌膚。  呢支嘢間唔中用吓，重點係佢真係好平，好似$100都唔使就有一支大大支，夏天應該可以用得密啲

jhope0725好用推薦：基於自己皮膚喺夏天相對多油，刻意今年搵一啲專攻油性皮膚嘅精華使用，呢支煙酰胺精華，正正就係好多人分享針對油性皮膚、出出皮膚、暗瘡肌使用，主打收毛孔，平衡皮膚油脂。 第一次使用佢有少少驚訝，因為冇諗過佢會帶嚟輕微刺痛感覺，一向都係使用酸類產品或者A醇先會出現呢類情況，不過佢嘅刺痛感唔算太誇張， 1分鐘之內就會完全消退。使用完，即時會見到皮膚有膨脹，吸收咗水份，所以肌膚光澤會有所提升。 使用大約半個月時間，其實我都唔期望塗抹精華可以幫助到收縮毛孔，所以的確收毛孔效果唔太明顯。不過喺平衡油脂方面，略見功效，早上只用佢，午間出油情況略見減少。 雖然一用完，保濕成份會令到皮膚整體亮度提升，但保濕持久力中規中矩，但我認為佢同品牌嘅其他保濕精華，效果會更加卓越。

Miyabi好用推薦：我想講呢枝嘢我係work㗎喎😳暗瘡印完全去曬，個效果嚇咗我一跳，價錢親民，又有效果，真心推👍🏻 嚟姨媽前或食熱氣嘢嗰排都會生暗瘡，我係會用手擠嘅人，之後再貼暗瘡貼，但啲暗瘡印真係令我好頭痕，屎窟痕見呢枝嘢平就買嚟試下，我都有買呢隻牌子嘅其他產品試，覺得呢個牌子啲嘢以呢個價錢嚟講算唔差，當然有麻麻地嘅產品，例如咖啡因眼精華嗰枝嘢，用咗2枝都冇效果，但我朋友成功去到黑眼圈🥲激死我。 呢枝嘢話收毛孔就唔多覺佢表現凸出🤔但袪痘印就好得，所以我一枝都用好耐😂主要重點搽痘印。 質地同其他網民形容嘅一樣，有啲似膠水，吸收好快，吸收咗就好似有塊膜喺度嘅感覺。😂

Jasmine L好用推薦：The Ordinary 30%果酸2%水楊酸去角質面膜精華液係我近期喜歡的去角質產品，整體感覺強效但要小心使用。 質地係黏稠紅色液體，我每次只用5分鐘就會沖洗，果酸加水楊酸組合去角質力好強，一星期用1次，洗完即時覺得皮膚滑溜咗好多，粉刺、閉口同老廢角質明顯減少，毛孔都細緻啲。 最明顯係提升肌膚透明感，膚色透亮清晰，暗沉同粗糙感減輕，化妝時底妝貼服自然得多。但敏感肌一定要留意停留時間唔可以太耐，感覺到刺痛同紅熱就一定要洗走，之後一定要做好保濕同防曬。 而且性價比高，但敏感肌女仔要由短時間開始試。效果快但刺激度較高，適合想快速煥膚追求透明感嘅人，長期用落去膚質會更平滑透亮。

Bendict好用推薦：好物分享😺👍 我之前皮膚狀態好差 呢支本身只係諗住試下嘅心態去用 用左兩個多星期 每星期2次 （一星期兩次好嘞😂） 每次10分鐘內 洗完面係覺得明顯皮膚光滑咗🙀😻 堅有用 但一個星期唔可以用多過兩次 同每次用都係最多敷10分鐘 唔係會傷到角質層😂

Nicole 好用推薦：是有點稀的油質地，不算太油膩，延展性和流動性很高。 我把它塗在髮尾上和混在body lotion 里塗，染後頭髮髮質改善得比較快，身體乳保濕度也提高。

WSY好用推薦：用完之後啲細皺紋真係淡咗好多，效果都幾明顯，不過吸收得唔係太快

Paris merci 好用推薦：The ordinary 佢有咖啡因眼部精華，去眼腫係非常犀利 雖然佢係好稠身嘅gel，但我覺得佢保濕度係唔夠。朝頭早淨係用1滴原液，精華液係淡黃啡色，水劑基底，佢推開係好滑，然後吸收完之後表面會乾同有黏感。 其實已經回購過幾次，但係因為佢實在太大支茶喺眼部，所以次次都用到過期就掉咗。 因為佢係好平，the ordinary係全部都係講關於佢嘅成份原料罐 ，我比較鍾意喺朝頭早眼部浮腫嘅時候，輕輕用手指打圈按摩，之後再用冰匙羹去浮腫。除咗去浮腫仲話可以去黑眼圈咁但佢黑眼圈就不太大效果了。

YiN好用推薦：之前聽講咖啡因成份可以幫助血管收縮，ecgc又可以美白抗氧化，改善血管型黑眼圈，所以我走去買咗枝The ordinary eye serum黎試。擠出嚟係杰杰地微黃色，唔會太水好難搽。一開始會覺得有保濕感，之後好快就會吸收變到完全乾爽。 我本身黑眼圈嘅困擾比較大，搽呢枝serum未見到立即有功效，但搽耐咗覺得係有改善。至於大家話超級有效嘅去水腫效果，我本身呢方面問題唔係好大，就講唔到佢係咪好有用喇。 我自己嘅用法係早晚厚搽眼周，再on top加眼霜，輕輕按摩幫助吸收。

940727.0好用推薦：佢呢一個嘅精華有個好處係可以係朝早預防色斑沉澱，但係之後一定要搽防曬。 Alpha Arbutin（熊果素）負責「抑製」 喺皮膚底層抑制黑色素細胞（酪氨酸酶）嘅活性，阻止新的黑色素生成。 大約用咗一個禮拜個效果都感覺啲色斑冇咁加深

Kura好用推薦：超有效嘅美白精華，我每晚都會用呢款美白精華，美白效果真係一流，質地超級水，搽上臉可以極速絳紅，完全唔油膩，超快吸收，對於淡痘印都非常有效，我堅持用一個皮膚提亮咗一個色號，無香味，cp值爆嘅一款美白產品，想白必試嘅一款產品 #美白精華 @cosme

WSum So 好用推薦：The ordinary出名用最基本，減少不必要嘅添加成份去製造產品。 今次我想同大家講吓呢個玫瑰油。玫瑰水好多人都會用，但其實玫瑰油都係好不錯嘅補濕選擇！而且我都用左3-4枝！真心推薦比大家呢個性價比極高嘅油！ 我建議大家可以係晚間用，可以加落cream到溝埋一齊再上面！吸收好好，而且溝埋一齊用可以減低油膩感！ 如果皮膚太乾但又需要化妝都可以加1-2滴落妝前乳到，幫助皮膚係化妝時更有水份，減低乾燥感。

Hamiii好用推薦：玫瑰味唔算好重，但足夠保濕👍🏻 呢一支拎左黎按面用😌 年紀開始大，買左部按摩美容棒🤫 用呢支油滴幾滴搽上下巴淋巴位， 再用支按摩棒碌下碌下， 聞住玫瑰精油味，精神好紓緩， 精華油吸收得好快，塊面可以持續滋潤之餘仲可以順手瘦面🤫 正丫😆😆