The Ordinary 好用推薦產品

940727.0好用推薦：佢呢一個嘅精華有個好處係可以係朝早預防色斑沉澱，但係之後一定要搽防曬。 Alpha Arbutin（熊果素）負責「抑製」 喺皮膚底層抑制黑色素細胞（酪氨酸酶）嘅活性，阻止新的黑色素生成。 大約用咗一個禮拜個效果都感覺啲色斑冇咁加深

Kura好用推薦：超有效嘅美白精華，我每晚都會用呢款美白精華，美白效果真係一流，質地超級水，搽上臉可以極速絳紅，完全唔油膩，超快吸收，對於淡痘印都非常有效，我堅持用一個皮膚提亮咗一個色號，無香味，cp值爆嘅一款美白產品，想白必試嘅一款產品 #美白精華 @cosme

mavis好用推薦：用咗一段時間，保濕效果唔明顯，好清爽，搽完都無咩分別，不會回購了

Circlecyy20好用推薦：一般保濕精華 滋潤都唔錯 不過後續應該要用番lotion 或者cream鎖番水份

Kura好用推薦：超強逆齡精華，我一直都好鍾意用呢一款精華，我稱佢為十全大補精華，質地好水潤，無香味，無酒精，搽上臉超快吸收，成分單純，用完細紋有減淡，皮膚水潤度好足，重點係價錢非常親民，係抗衰老嘅必備好物 @cosme #逆齡護膚品分享 #逆齡護膚品分享

mandy好用推薦：The Ordinary 的賣點當然是便宜啦! 用慣了種價位, 實在很難回頭,  自然覺其他品牌真的很貴呢。 但是也不是所有The Ordinary 的產品都好用, 在The Ordinary找到喜歡而且適合用的產品, 真的會很划算,  完全能滿足大家想省一點錢又想護膚的心願。 就連皇室一員的Kate Middleton, Duchess of Cambridge也愛用 The Ordinary。本產品有Sephora Vegan + Cruelty-free認證, 不會做動物測試。 現在The Ordinary母公司Deciem已被Estee Lauder Group 高價收購, 藉此打入低價護膚品市場，可見The Ordinary 的受歡迎程度。 名為buffet, 是指跟品牌大部分的單一功效的護膚產品不同, buffet 是一款集合保濕及抗衰老功效(加強肌膚彈性/緊緻)的多功能精華, 可說是The Ordinary 最具代表性及高質的產品之一。 質地水潤清爽，保濕力非常好，延展性佳又好吸收。喜歡作為晚間精華使用，含豐富的保濕及抗衰老成分，同時可鎮靜消炎穩定膚況，是很

Hchan好用推薦：The ordinary 的產品一向價格不高又有效，剛好這段時間轉季，皮膚不穩定會間中起痘，留下的痘印又久久不退，見到這枝新推出主打去印，蘆薈成份又有舒緩功效，希望能改善一下。 精華液是滴管裝設計，質地是如水般的液狀，少許滑順感，沒有味道，上臉後容易推開及吸收，對暗瘡肌也沒有負擔，由於我是在夏天至轉季期間使用，後續再上面霜保濕度亦足夠了，但因質地十分清爽輕盈，乾燥的天氣可能要再搭配其他高保濕產品。 用後覺得膚況有變得穩定點，暗瘡減少了，淡化痘印的功效就不太明顯，不過如果只看穩定膚況這點我會再回購，因為像痘印及色斑這種的，我會另外再用它家的維他命c精華乳局部塗就已經十分有效淡印。

Ceccinmydin好用推薦：以酸類精華黎講，the ordinary杏仁酸係超溫和，唔會用到甩皮/乾得滯，主要可以令皮膚整體平滑，但要堅持用同記得防曬 精華係淡黃色嘅，質地油，膚感麻麻，上面要等佢5分鐘左右先吸收，勝在夠溫和，敏感肌都啱用 👍🏻 係入門友善嘅選擇。比BHA，A醇溫和啲，對初階刷酸或者易敏感嘅人相對冇咁刺激，想試酸類可以試下呢支平價入門版，但就未必係最有感🤣 因為佢比較油，所以我只係局部喺T區用，持續用一排之後，鼻同下巴粉刺少咗啲，整體膚況穩定，唔易出粒粒，油脂控制都好啲✨

Maz好用推薦：含有杏仁酸10%+透明質酸精華，但係用後出其地冇拮拮地感覺，性質溫和唔刺激皮膚，敏感肌都適用。質地偏油，不過用上面後很快吸收。用左十日左右（唔係日日用），肌膚望落好光滑咗，毛孔細咗。同時，皮膚感覺比以前更易吸收。最主要價錢唔貴，性價比高，會回購。

Fng好用推薦：The Ordinary Copper Peptides💎湛藍色水感質地，推開略帶黏膩，吸收速度中等。夏天用可能稍嫌厚重，建議晚間使用。我混合偏乾肌用後T位還好，但兩頰可能覺得唔夠保濕，必須疊加保濕精華！ ✨效果與反應： 用後皮膚確有緊緻感，熬夜後冇咁殘，毛孔睇落細緻咗。但高濃度銅肽刺激性較強，初期每週只能用2-3次，否則易泛紅刺癢！⚠️不少用家提醒：千萬不能與維他命C、酸類產品同用，否則易敏感。 ✨適合邊類人： 適合耐受性高、追求抗老嘅熟齡肌，但極乾肌必須做足保濕打底💡！油肌反而更易接受其質地。 總結：功效與風險並存📢！ 效果雖好但必須建立耐受性，新手建議每星期先試兩日先～慎用！⛔️

So Fun好用推薦：主要是看了YouTuber介紹所以使用這個產品，而且peptide這成份最近都很熱門，自己都很想試試他的功效 這個品牌其他的精華一般都比較便宜，這個算是比較偏貴，所以他的成份都值得期待，其他牌子如果有這些成份會貴很多，所以都值得嘗試 使用了一段時間後，感覺自己皮膚有小小透亮感冇咁暗沉，我也喜歡他的成份不會太乾，也不會太腍，感覺很快吸收到

Emily Leung好用推薦：同卡粉斑駁講拜拜！乾皮水光肌養成秘笈 作為長期卡粉嘅敏感肌，試過好多保濕精華都覺得爭啲，直到搵到The Ordinary呢支透明質酸B5精華，先至算搵到補水鎖水嘅完美答案💦 成分表乾淨簡單，主打2%透明質酸，含有5種唔同分子大小，可以層層滲入皮膚，從真皮層底層補水，好似同皮膚起咗個小水庫一樣，底層飲飽水先會透出自然水潤感。仲有維生素原B5同神經酰胺，前者可以修護屏障，後者幫皮膚鎖實水分唔流失。 支精華嘅質地係透明水凝狀，流動性好強，完全唔會黐立立或者有油膩感。上手推開就好似水一樣即刻化開，吸收得超級快，幾乎係「咻～」一聲就滲入皮膚，冇乜存在感。 用完之後皮膚摸落去係啞光乾爽嘅，但內裡有種即刻被滋潤嘅感覺，好似底層飲飽水咁，皮膚會變得軟身彈手，但又唔會留低任何黏膩嘅膜感。後續疊加其他護膚品完全唔會搓泥，反而令到乳液同面霜更加貼服。總括嚟講，係一支清爽又高效，專注補水嘅百搭打底精華 日常用法超簡單，洗面後擠3滴全臉按壓，吸收得好快，之後再搽乳液或面霜都會貼服好多，上粉底都唔會卡粉斑駁。偶爾熬夜或者皮膚特別乾嘅時候，就用2滴管厚敷，再加塊面膜敷10分鐘，急救補水真係一流！拎走面膜後皮

Miranda好用推薦：【質感】 質地係透明凝露狀，帶有少少「漿」嘅感覺，唔算好水。有人形容佢似「秋葵黏液」，滴管拎出嚟甚至有機會拉絲。上面嗰下延展性極高，半滴管就夠搽勻全面。不過，佢嘅 「黏笠感」真係一個大問題。吸收之後皮膚表面會有一層輕微嘅「薄膜感」，絕對唔係清爽嗰種，尤其喺香港潮濕天氣下，呢種感覺會更加明顯。 【使用感】 呢支精華最令人困擾嘅，一定係 「搓泥」 問題。有唔少用家反映用量太多、皮膚太乾、或者後續搭配不當嘅時候，會瘋狂搓泥。要解決呢個問題，有幾個方法：第一，用量一定要少，最多兩三滴就夠；第二，一定要喺皮膚微濕嘅時候搽（即拍完爽膚水未完全乾嗰陣）；第三，用拍打方式代替推開。跟住呢幾個方法做，搓泥問題會改善好多。效果方面，保濕力係有嘅，用完之後皮膚即時有飲飽水嘅感覺。B5成分亦有輕微嘅修復同穩定作用。 【持久度】 持久度方面，佢嘅 「即時補水」效果係明顯嘅，但 「長效鎖水」就取決於用法。如果喺乾燥環境下單獨用，或者之後冇疊加面霜鎖水，好快就會覺得乾。呢支精華嘅定位更似一個 「輔助角色」 ，負責幫皮膚「吸水」，但「鎖水」呢個步驟要靠後續嘅面霜完成。 【性價比】 最後講性價比。價錢一定係

jhope0725好用推薦：基於自己皮膚喺夏天相對多油，刻意今年搵一啲專攻油性皮膚嘅精華使用，呢支煙酰胺精華，正正就係好多人分享針對油性皮膚、出出皮膚、暗瘡肌使用，主打收毛孔，平衡皮膚油脂。 第一次使用佢有少少驚訝，因為冇諗過佢會帶嚟輕微刺痛感覺，一向都係使用酸類產品或者A醇先會出現呢類情況，不過佢嘅刺痛感唔算太誇張， 1分鐘之內就會完全消退。使用完，即時會見到皮膚有膨脹，吸收咗水份，所以肌膚光澤會有所提升。 使用大約半個月時間，其實我都唔期望塗抹精華可以幫助到收縮毛孔，所以的確收毛孔效果唔太明顯。不過喺平衡油脂方面，略見功效，早上只用佢，午間出油情況略見減少。 雖然一用完，保濕成份會令到皮膚整體亮度提升，但保濕持久力中規中矩，但我認為佢同品牌嘅其他保濕精華，效果會更加卓越。

Miyabi好用推薦：我想講呢枝嘢我係work㗎喎😳暗瘡印完全去曬，個效果嚇咗我一跳，價錢親民，又有效果，真心推👍🏻 嚟姨媽前或食熱氣嘢嗰排都會生暗瘡，我係會用手擠嘅人，之後再貼暗瘡貼，但啲暗瘡印真係令我好頭痕，屎窟痕見呢枝嘢平就買嚟試下，我都有買呢隻牌子嘅其他產品試，覺得呢個牌子啲嘢以呢個價錢嚟講算唔差，當然有麻麻地嘅產品，例如咖啡因眼精華嗰枝嘢，用咗2枝都冇效果，但我朋友成功去到黑眼圈🥲激死我。 呢枝嘢話收毛孔就唔多覺佢表現凸出🤔但袪痘印就好得，所以我一枝都用好耐😂主要重點搽痘印。 質地同其他網民形容嘅一樣，有啲似膠水，吸收好快，吸收咗就好似有塊膜喺度嘅感覺。😂

mavis好用推薦：見價錢唔貴就買黎試下，用咗一個月，睫毛長咗少少🤏🏻，有效果好開心🥳

Circlecyy20好用推薦：精華質地幾清爽 用上眉毛同睫毛都唔會好笠 不過效果唔算突出 有少少空虛

Jasmine L好用推薦：The Ordinary氨基酸維他命B5面部精華質地好似水一樣好清爽，吸收極快完全唔黏膩。 保濕力中等持久，用完T字位唔會悶油或產生粉刺問題，敏感冇任何刺痛。感覺上有點雞肋，效果冇乜，作補水打底用。

Jan好用推薦：Ordinary 有幾款保濕精華 試完海洋精華之後感覺幾好就想試埋呢支 質地介乎海洋精華（最清爽）同透明質酸（最稠）之間 稍微黏笠 係舖頭試用唔覺 但原來搽上面後會有明顯嘅刺痛感 無留意包裝亦有寫 用咗一兩次發覺皮膚接受唔到就放棄了