YVES ROCHER 好用推薦產品

ying好用推薦：🌼 YVES ROCHER 金蓮花亮肌精華 正常 未到好有效果 真實用後感・唔吹捧 ✅ 正常 質地係ok嘅，輕盈唔笠， 用完之後皮膚有保濕到， 唔會敏感，唔會出粒粒。 以一支精華嚟講，佢係合格嘅。 ✅ 天然成分 97%天然成分，植萃維他命C， 用嘅時候感覺安心。 敏感肌都應該用得。 ⚠️ 未到好有效果 官方話「+78%瞬間亮肌」、 「4週後紋理更細緻、細紋被撫平」， 但我用咗幾支細支裝， 都未覺得皮膚有明顯變細緻。 亮肌效果：有少少，但唔明顯。 細紋改善：未見到。 膚質細緻：未feel到。 唔係話佢差， 但係冇官方講到咁神奇。 💡 總結： 呢支精華係「正常」嘅。 用完唔會敏感，有基本保濕， 但唔好期望佢會令你皮膚有明顯轉變。 如果你追求「好有效果」， 呢支可能會令你失望。 #YVESROCHER #金蓮花亮肌精華 #真實用後感 #正常 #未到好有效果 #唔吹捧 #天然成分 #溫和精華 #亮肌精華 #skincare #hkbeauty #火熱新品 #新品

Also melon好用推薦：Yves Rocher金連花亮肌精華，呢個牌子用過佢嘅頭髮產品，護膚產品就第一次使用。 質地係屬於好清爽類別嘅精華，輕盈，推開之後，吸收得好快，一啲都唔笠身。成份方面97%天然成分，植萃維他命C，即使敏感皮膚都可以使用。用完之後皮膚冇特別反應。 佢係屬於一支美白精華，而且係一支敏感性皮膚都用得嘅美白精華，所以相對嚟講精華係好溫和，用完之後美白嘅反應唔會過快，反而係有令皮膚有明亮感覺。去皺紋嘅感覺就不見。 如果係想平穩，見到皮膚膚色均勻，咁就適合使用。 #火熱新品

kammy好用推薦：有邊個唔想年年18歲 入馬會 賭場俾人查身份證 除左心態年輕 外表都需要 我係早幾年前開始用唔同嘅抗衰老精華 直到最近再做皮膚測試佢話我 除咗有一條好幼細嘅動態表情紋之外 就無啦 聽到開心嘅係得一條幼嘅 好過全面都有紋 唔開心嘅係我有紋😭 不過又咁講我覺得護膚品都係一樣令我望落年青嘅原因 Yves-rocher花萃幹細胞再生全效精華$985/50ml 呢款精華 我最少回購左10枝 （係保守計算） 呢款精華我之前就有介紹 佢係可以令到捱完夜 唔夠訓 但人地會話 你今日咁有光澤 好精神 利申無誇大嘅成份 之前做嘅行業多野做到 6:00a.m起身 02:00a.m訓 當然唔係日日都係2:00訓 但早極都12:00a.m 但對比同事之下無論係自己覺得 、朋友覺得 、同事覺得 望落唔似捱完夜 同埋呢枝精華唔係單一功效 減淡皺紋 加倍緊緻 延緩衰老 增加彈性 更見飽滿 促進再生 煥發光澤 均勻膚色 我覺得$985/50ml 物有所值👍🏻👍🏻

mysecretgarden好用推薦：都係做會員送嘅試用品。 首先講佢嘅質地，真係比我用開嘅精華都要稀，流動性超高，倒出嚟嗰陣似化妝水多過似精華，甚至比我平時用開嘅化妝水再稀薄啲。推開個下完全唔使點用力，輕輕一抹就已經吸收得七七八八，吸收速度真係快得驚人，之後再搽面霜都冇打交，皮膚都感到有水份。 成分方面，佢主打花萃幹細胞同抗老修護，配方都幾溫和 ，敏感皮膚用都冇咩唔舒服嘅反應。 我覺得佢係夏天同潮濕天氣嘅好選擇。用完之後皮膚唔會增加負擔，都感到保濕感。至於支精華主打通抗老同再生效果，可能就要用長時間先見到。 總括來講，呢支嘢不過不失，勝在清爽，夏天同潮濕天氣用就幾啱。

GinGin好用推薦：依款精華幾保濕，不過用完再加防曬，成面都起擦膠碎，雖然精齋華質地薄而且易推，但完全唔適合用完化妝

葉子🍃好用推薦：凝膠狀既精華，上面都好快吸收，但會同粉底、防曬撞（起晒膠粒），轉左夜晚用淨係護膚品就無咩事，唔會考慮購入

Mo Wong好用推薦：呢款精華睇黎係有D杰身，本來有D擔心唔好推及吸引，點知用落有驚喜，佢幾易推開，只要係面上點幾點再推開好快搽完，而且佢好快成膜同吸引，有少許香味唔會太濃，整體感覺幾舒服。 佢保濕度ok，我搽完佢再加平日用開嘅面霜，第二朝都唔覺得乾，而且無出油，如果只搽面霜瞓，一般第二朝T字位一定出油嘅。 至於減淡皺紋同增加皮膚彈性方面，試嘅時間太短，未測試到。 #火熱新品

Emma W好用推薦：這款精華能有效保濕，使肌膚感覺柔軟光滑。一搽上面後，會有香香的感覺。一開始以為會好難吸收，因為雖然質地不油膩，但都幾黏下，但係拍拍面部後，就好快吸收。感覺好似面部有滿滿的骨膠原。 但化妝人士留意，佢容易起擦膠碎，作為護膚唔錯，但唔好係化妝時使用。 適合肌膚：任何 成效度：4/5 保濕度：4/5 吸收度：4/5 質地：gel 狀 持香度：3.5/5 #火熱新品

mysecretgarden好用推薦：做會員送的試用品。 精華嘅質地流動性超高，倒出嚟嗰陣似係一隻好稀好稀嘅gel。推開個下唔使點按摩就已經俾皮膚吸收晒，吸收速度真係快得驚人，用完之後個膚感好乾爽，啱晒我呢種怕黏立立嘅人。 不過支精華嘅氣味有少少特別。聞落有啲膠膠地嘅感覺，個人就唔係太鍾意。 而保濕效果，我覺得只適合夏天。用完之後皮膚都有水潤感，又唔會增加負擔，後續再搽防曬都完全無問題。不過如果係冬天或者皮膚本身比較乾嘅話，單靠佢就一定唔夠力，一定要再搽返保濕力強啲嘅面霜先得。 至於支精華主打通嘅抗污染功效，老實講我真係唔係好感覺到。話晒污染呢家野肉眼又睇唔到，皮膚有冇受到保護真係好難判斷。用完應該唔會回購了。

格仔餅公主好用推薦：隻味有啲濃，個質地都有啲杰有厚度，我覺得啱秋冬用多啲，夏天用有啲焗，冬天用佢做到保濕感之餘同埋皮膚穩定，揀啱天氣用係唔錯㗎

Mo Wong好用推薦：透明啫喱水狀嘅精華，带微香且質地清爽，上面易推好快吸收，用完感覺肌膚平滑左，用左幾日感覺有少許皮膚緊緻，會想買黎繼續用。