Coyee C.好用推薦：一直都好驚用錯/唔岩自己髮質既洗髮用品會笠痴痴，頭皮痕癢等等問題🥺 感謝@cosme 抽中 試用YVES ROCHER 木莓水漾亮澤護髮醋 ，第一次接觸呢個品牌既洗髮用品。木莓水漾亮澤護髮醋 Deep Clean x 護髮超順滑輕盈感！任何髮質適用；每週使用2-3次，在洗髮、護髮後使用，將適量髮醋塗於頭髮搓勻，包括頭皮部分，按摩2-3分鐘後用水沖淨。 (避免在染髮後的1-2星期内使用)第一次接觸髮醋，以前未用過，感覺幾新奇😆佢質地係水狀，而且有淡淡清香，第一次用既時候因為我洗完頭就直接用再洗，仲以為自己用錯方法🤣不過用後係清爽既！最鐘意係佢陣淡淡香氣❤️

H好用推薦：未收到呢支試用品之前，我係從來冇使用過任何髮醋。只係有聽聞過佢嘅功效，一直都半信半疑。而呢款髮醋，用咗第一次就立即，係立即，見效！令人驚艷！ 大推呀，一定會再買！！ 先講講包裝，佢嘅樽身唔高，樽蓋好似波板糖咁，方便手濕嘅時候都可以扭開。擠口好似一般化妝水嘅設計，要輕輕chok下個樽先會流出嚟，可以好好控制用量。 我自己嘅用法係護髮素過水後，將髮醋直接倒落頭髮，頭頂至後尾枕、左至右總共六下左右，搓混後靜止大概5分鐘左右先再沖洗乾淨。因為濕髮用，所以搽咗髮醋都咩大感覺，只係髮絲再濕潤啲，完全無似髮膜嗰啲高度潤滑嘅感覺。 而神奇嘅事就發生係沖水後，過水後頭髮係異常順滑而且莓味嘅香氣可以停留喺頭髮到超過二十四小時，就連你第二日洗頭後都仲有淡淡（2/10）香氣。經過你身邊嘅人一定會問你點解你今日隻香水唔同咗？🤣我個人好鐘意呢種莓味，成日聞自己啲頭髮🤣可惜嘅就係因為髮醋係酸性，唔可以日日用，大概一個星期兩至三次就夠。 除咗即時有陣怡人嘅香味，吹乾頭髮之後即時見到頭髮比無用髮醋豐盈順直，好自然嘅空氣感。瞓咗一晚之後頭髮狀態同香味一樣保持到，輕撥頭髮揾返啱嘅髮界就出可以出門口啦～ 真係好好用

jas2468f好用推薦：配合同系列洗髮水使用有效減輕脫髮問題，但以護髮素來說順滑修護效果一般，不適合受損髮質

inkitsung好用推薦：超過 98%天然成分 ，❌0%矽 、❌0%人造色素 、❌0%PARABEN 防腐劑 ～ 配方蘊含天然白羽扇豆種籽精華及龍舌蘭精萃～ 有效強化髮質韌性同時鞏固髮根、減少及防止頭髮脫落～ 一定會配埋個洗頭水一齊用~ 一齊用左一排覺得甩少左頭髮，但係當我漂染勁個時用，就覺得就算搽幾多護髮素都好喇，保濕度都係唔夠~