找產品
暗瘡痘痘 推薦好用產品
677 件指數降序
kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD
<看全文>natanatalie好用推薦：夏天炎熱又潮濕，作為油肌嘅我有時會覺得面霜太厚重，會令我覺得太笠唔舒服。🥺 呢一款清爽型乳液一定要推介俾油肌，我一試愛上！🤤 佢質地好流質，完全唔厚重，但又有足夠保濕效果，開冷氣用都夠，唔會乾！💓 而日頭用完佢，亦唔會同化妝品打交，係我嘅夏天最愛，性價比好高！👍🏻 #夏季必備保養
<看全文>
auntiemuscle好用推薦：呢個產品見到好耐一直冇買黎用 原來係好好用 我平時化全妝 mascara會用專卸mascara搽左睫毛先 直接用呢個乾手乾面捽落面 捽埋面都可以 我覺得唔嗱眼唔刺激 打圈按 可以做埋按摩咁按 睇到啲底妝溶晒出黎 再加手乳化打圈捽過水 乳化會會收乳白色 得左 再用自己平時洗面膏 一啲都唔乾！ 同埋係卸得乾淨 依家變左我秋冬 同皮膚乾既日子專用黎落妝
<看全文>Fng好用推薦：用了很多年，有試用其他卸妝產品，最後都會回購這款 ，因為卸得清爽乾淨，又不會致敏，生暗粒， 最重要係乳化得快，容易清洗，唔會生粒粒。無論冬天夏天用都適合 ，容量大，價格大眾化，cp值極高。 zero卸妝膏質地具延展性及保濕力，同時溫和卸除防水妝品(如 眼線lip tint)， 用法簡單👉，記得抹乾雙手取卸妝膏，取適量卸妝膏後，塗抹在全臉，然後沾濕雙手輕力打圈按摩大約10~20秒， 待卸妝膏乳化徹底卸除彩妝，最後用清水清洗，另外，⚠️我會用潔面乳二次清潔，確保冇殘留物阻塞毛孔， 呢樣嘢我絕對唔會懶。⚠️😊
<看全文>
jessvenusfung好用推薦：多謝Cosmo抽中咗試用呢支精華， 我本身是混合偏乾性加季節性敏感肌， 試用了兩個星期，每天用一次，由於是A醇，所以只在晚間使用，隔天日間一定會用防曬，整體來說，呢支精華更加像乳霜，面霜，滋潤程度不錯，更適合秋天使用。 （*****為滿分） 整體合適度：**** 「整體膚感不錯，夏天用略嫌有點太滋潤」 質地：乳霜到面霜質地 乾爽程度：*** 「比一般精華更加滋潤」 滋潤程度：***** 「秋冬使用會更加不錯，夏天略為有點太滋潤，如果屋企開冷氣的話使用效果會更加好」 抗皺效果：*** 「使用14日後，虎紋位置淡了一點點，不期望會完全消失，陳年深頸紋好似淡了少少，但係 效果不明顯」 導敏度：* 「使用後，基本上沒有敏感」 質地大概是乳霜 使用前： 使用後：
<看全文>LenaC好用推薦：精華篇🤣 終於的起心肝 試咗Kiehl's嘅醫學淡紋緊緻再生精華（Retinol Skin-Renewing Daily Micro-Dose Serum） 一直唔夠膽用A醇 因為成日聽人講敏感肌膚唔適合用 好驚會用爛塊面 不過最終都係踏出咗呢一步 而我一啲都冇後悔 Kiehl’s 嘅retinol A醇劑量啱啱好 適合每天使用 質地係滋潤乳狀 好易推開 搽完感覺其實就好似保濕乳霜咁用咗一排 我覺得毛孔係緊緻咗 皮膚都好似白滑左 好似生左一層新嘅肌膚咁🍑 最緊要係 皮膚無特別不適感或異常敏感症狀#BA照
<看全文>
Gloria好用推薦： 好開心可以得到Cosme X 毛孔護理專家Benefit PORE CARE毛孔護理系列-毛孔水份導入精華（爆水泡泡珠）嘅試用。佢呢個爆水珠珠，係一個水性嘅啫喱入面有油性嘅珠珠，啫喱狀可以好易推開，滋潤的油就慢慢滲透入皮膚，接摩吸收完，會覺得皮膚有一層精華油嘅膜咁好滋潤，但又清爽不立痴痴。佢呢個啫喱狀接觸到皮膚就開始慢慢溶化，而佢個玻璃樽加上樽口設計，要大力少少先可以倒到出嚟，所以較難控制用量。我T字位容易出油，毛孔好粗大，特別下巴位置有好多粒粒。 試用時覺得出油少咗，不過毛孔無變化，皮膚就變得有光澤又好水潤咁。大概第14日，朝早發現下巴位的粒粒裏面啲污糟野浮晒出嚟。用化妝棉清理浮出嚟嘅污糟之後，下巴即刻光滑咗好多，粒粒減淡咗。 用左兩星期嚟講，我覺得用爆水泡泡珠，對於毛孔粗大嘅情況我覺得冇乜太大幫助，但毛孔會乾淨咗，出油情況係改善好多可以keep到成日，同埋皮膚好光澤，膚色均勻咗，摸落去係滑咗嘅。
<看全文>Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 講下個包裝先，好少讚包裝靚，但佢隻色真係好鬼靚，一打開個內盒係粉紅色，撞得好靚，一路開一路期待試呢支 毛孔水份導入精華（爆水泡泡珠）😍 一拎出黎，嘩，d爆珠睇落閃令令，好靚，即刻試用下先！ 試上手，少少份量已經可以推開全隻手。啫哩質地水潤柔滑，一抹即時補充水份。乾燥既細紋即刻被撫平，用後肌膚明顯感到滋潤同嫩滑❤️❤️ 前後前後搽上面時，會聞到淡淡既玫瑰果清香，感覺舒服😌 持續使用兩星期，配合其他benefit產品（滑溜毛孔去角質粉、緊緻毛孔睡眠面膜），面部肌膚變得柔滑，面頰毛孔變細緻。而且感覺後續護膚品更易吸收👍🏻👍🏻👍🏻 肌膚依家水油平衡，訓醒冇再滿面油光😍返工坐喺冷氣房內，到下午都只係出少少少少油，個妝貼服左好多！好開心好鍾意❤️ 推薦給水油唔平衡，T字位油，面頰乾既混合肌🫶🏻
<看全文>
Sophia好用推薦：NARS光亮柔滑遮瑕霜（Honey色號）質地輕薄滋潤，延展性佳，能輕鬆推勻，不會卡粉或顯乾紋。遮瑕力中等偏高，能有效遮蓋黑眼圈，提亮眼下區域，使眼周看起來更明亮有精神。Honey橙調色號適合暖調膚色，對於偏黃肌來說，能自然地修飾黑眼圈，而不會顯灰沉。持久度表現良好，即使長時間帶妝也不易脫妝或暗沉。整體來說，是一款值得推薦的遮瑕產品，尤其適合用於遮蓋黑眼圈，打造自然無瑕的妝容。👀✨️
<看全文>Wing好用推薦：**遮瑕效果出色**: 有效遮蓋痘痕、黑眼圈，易於融入肌膚,不易起白斑 **持久性高**: 持久性高,即使係炎熱潮濕的環境下都唔易甩，即使成日外出都唔需要經常補 **自然服貼**:好自然服貼的妝感 **色調選擇豐富**: 能夠完美遮蓋我既黑眼圈 但質地有少少乾
<看全文>
mandy好用推薦： Estee Lauder Double Wear Stay-in-Place Makeup 持久防曬粉底 Spf 10 Pa++ $435/ 30ml Estee Lauder Double Wear 粉底 一向持妝特別出色，不需補妝。 妝感做到透薄自然， 使用感舒適輕盈不厚重不焗束。 擁有中至高的遮瑕度，而且可以在 需要的位置輕輕疊加粉底而不顯厚重。 有效遮蓋毛孔，令毛孔不再明顯。 但保濕力及防曬效能稍遜。 如需進行戶外活動，在使用粉底前需 先使用SPF50 PA++++的防曬或妝前底霜。 完妝效果: 半啞緻 遮瑕度：☆☆☆☆ 均勻膚色/提亮：☆☆☆☆ 輕盈度：☆☆☆☆ 防曬系數：☆☆ 持久度：☆☆☆☆☆ 含保濕成分: 丁二醇 及 醋酸鹽維他命E 防曬成分: 二氧化鈦 抗氧化成分: 醋酸鹽維他命E 及 季戊四醇四（雙-t-丁基羥基氫化肉桂酸）酯 抗衰老成分: 醋酸鹽維他命E 鎮靜消炎成分: 醋酸鹽維他命E
<看全文>Tobimak好用推薦：呢支Estee Lauder既Double Wear粉底我已經回購過最少4支了，因為佢能夠在唔用遮瑕膏的情況下，單用都能夠令暗瘡印、色班完美地cover晒。❤️用左佢之後化出嚟既妝係一個霧面既妝效，但維持左大概4個鐘左右之後臉上有少少出油時，就會變左一個好靚既奶油肌。所以呢支粉底液我極度推介比趕時間出門口，而臉上又較多瑕疵既女孩們🥰 #我的最愛粉底液
<看全文>
Circlecyy20好用推薦：之前喺法國藥妝店度見特別平，所以買咗。好適合用來做妝前嘅保濕，對於後續嘅底妝唔會打交唔會粒粒，反而會令到個底妝會更加貼服。 我覺得喺夏天使用就未必咁適合，因為滋潤度好高，而係冬天使用之後，亦都可以係乾燥嘅天氣使用粉狀嘅粉底。  本身一支都比較大枝，所以可以用好耐大概三至四個月都已經夠用，便宜好用。
<看全文>unclecar好用推薦：感謝 @cosmeHK 今次送出Embryolisse Sensitive Multi-fonction Nourishing Moisturizer試用裝。呢枝低敏護膚霜，集合洗面、面霜面膜同身體潤膚乳等多重用途，無香料並有高達98%天然成份，大人、小朋友同七個月大或以上BB 都可以安心使用。 保濕霜係輕盈偏水狀乳霜質感，相對普通藍色款個人感覺比較薄身十分容易推開。只需要少量就可以搽曬全面，吸收快，用後亦無黏笠厚重感。岩岩轉天氣日子一直有輕微敏感及甩皮，但係早晚都用咗大約4-5 日，已經得到舒緩，甩皮嘅問題亦都無再出現，皮膚仲柔軟咗少少。係早上用後再搽防曬，唔會出現擦膠碎，面部全日都無癢同乾燥不適感。 屋企人有濕疹問題，比佢哋當身體乳霜用係患處亦舒緩唔少，雖然產品無止痕成份，但因為有鎖水平衡水油比例，患處有明顯改善，最主要係潮濕天氣都唔會有黏笠感覺。 本身有一直用開普通款，但試用咗妤敏保濕霜之後覺得更加好用，回購清單必備。
<看全文>
wingbks好用推薦： 前幾排天氣忽冷忽熱，一到春季、潮濕嘅天氣就攪到我敏感不斷😔！ 幸好收到@cosme 今次嘅試用，係Origins 嘅「靈芝菇菌抗逆舒緩精華」，以前都有用過佢嘅「菇水」，覺得降紅好有效。 今次都好實用幫到手，咁啱潮濕天氣，塊面多咗啲一粒粒紅腫又唔係暗瘡嘅物體，咁就試吓用佢。 一拆盒，發現唔太完美嘅係佢冇蓋，如果嚟緊旅行想帶出門就比較難😅！泵出嚟係白色cream狀，塗上面，好似「疏乎厘」咁，推開好滑，好似有層薄膜保護肌膚咁～～雖然第二朝啲紅腫未退，但塊面已經冇咁痕；大概5日左右，啲紅褪得七七八八；用咗大概10日，啲紅腫唔見曬，仲連印都冇，令我終於夠膽除口罩示人🤭！ 而家用咗接近一個月，平時好易敏感嘅我，覺得皮膚膚質好咗，冇咁易泛紅、過敏，油都出少咗，肌膚好似平滑咗咁！ 價錢都唔算貴，好似我咁敏感皮膚嘅男女都值得買嚟「幫皮膚打好個底！令皮膚更健康！」
<看全文>hellolulu好用推薦：非常榮幸再次入選@Cosme活動，有機會試用Origins 全新的靈芝菇菌抗逆舒緩精華。還記得三月中正值經期前後，加上工作壓力和轉天氣，皮膚持續發出冒痘、脫皮、粗糙、泛紅、灼熱等SOS敏感警號，正在納悶困擾之際，便收到@Cosme寄來這款精華，可謂是及時雨呢! 再次感謝😃 產品簡介建議配合同系列菇水使用，但敏感肌不宜同時試用多於一款新產品，所以沒有刻意購入菇水。試用期間除了轉用Origins精華以外，其餘護膚品和程序不變 (清潔>爽膚>精華>面霜)，因此亦更能測試到這款精華對肌膚的效果和分別👍 包裝是綠色磨砂玻璃瓶，簡約而有質感，左右扭動就能開關瓶口，使用起來方便衛生👍 精華不含香料沒有香味，感覺天然，敏感肌安心使用～ 質地呈cream狀較濃潤，以乾肌個人習慣來說，取用量比平日慣用精華少，現在的春天潮濕季節大概用半泵(早上)至一泵(晚上)便足夠，容易吸收得來是會有一點存在感的，但好處是皮膚看上去會較有光澤飲飽水的感覺👍 首次使用已即時舒緩灼熱不適和乾燥脫皮(圖3)，同一位置之前用保濕精華後即時效果可以但很快又再脫皮，而使用Origins精華一兩次後，基本上已沒有再脫皮了👍 持續
<看全文>
Desse好用推薦：唔記得由幾時開始.. 多咗個每月做1次醫美療程嘅習慣.. 每次打完.. 臉都會痛2-3日 我就會用Avene活泉水幫手做護膚底層🧏🏻♀️ Avene抗敏活泉水 💡紓緩敏感泛紅 沖完涼.. 印乾臉上水份.. 直接噴5-6吓.. 咩都唔好做.. 等2-3秒吸收 重覆2-3次..🧏🏻♀️ 直到感覺到皮膚有多餘水份.. 然後輕輕印吓 療程後敏感感覺會無咁明顯🌟 配合其他舒敏產品.. 大約1-2日就可以輕鬆處理🧏🏻♀️ 💡小朋友曬後使用 官方介紹產品可供嬰幼兒使用.. 我夏天多數會備一支細嘅喺手袋.. 方便同小朋友出去..玩完噴幾下降溫用👶🏻 喱款產品已經用咗好多年.. 【2025】當然都唔少得佢🌟 🌟留意返.. 喱款噴霧只係好單純做紓緩抗敏效果.. 如果需求係妝前單用嚟打底.. 要高保濕.. 又要成膜.. 就要考慮吓🌟
<看全文>CLS24好用推薦：抗敏降紅補水必備！不論係甩皮敏感，抑或係妝前保養，都可以當爽膚水咁用！濕敷又得！噴霧細膩，直接「轟」塊面都不刺激！（甩皮敏感個陣都係保持距離比較好😂）易入手，CP值高，讀書時期已經開始用啦，無限回購👍🏻
<看全文>
皮皮爱马桶好用推薦：感谢@Cosme这次Benefit试用体验, 本人也是首次使用这个品牌。老规矩先上一张大合照。 图中左上方为Benefit柔雾控油毛孔细致霜(旅行装2支)，右上方为强力无重定妆喷雾（旅行装2支），下方为柔雾控油蜜粉（虽说是迷你装，但是好大一盒，比我在别家买的正装还要大） 本人夏季肤质为混合偏干，两颊中性肤质，T区比较容易出油，尤其是鼻翼非常油。为了体现产品定妆效果，本次测评分为左右脸进行，其中观众视角左脸使用了Benefit定妆三件套，右脸则没有定妆。 首先上一张素颜图，只做了基础护肤步骤，上了水、精华、乳液。然后右脸上妆前乳，用化妆蛋轻轻拍开；左脸上Benefit柔雾控油毛孔细致霜，用手点涂后抹匀。全脸上粉底液，用化妆蛋拍均匀。左脸用Benefit柔雾控油蜜粉定妆，可以看到粉质是肤色，比较细腻，不会假白；右脸无定妆。左脸再用Benefit强力无重定妆喷雾定妆，按照说明以一个手臂距离喷上；右脸无定妆。刚上完妆左右脸的对比图如下: 左脸有定妆:右脸无定妆: 持妆6小时后对比图，可以看到未定妆的右脸已经有微微浮粉+脱粉，左脸则基本和刚上完妆的区别不大，妆效保持较完好。 左脸有定妆:右
<看全文>Tobimak好用推薦：係情人節呢啲浪漫嘅日子，最怕就係比男朋友近距離見到粗大的毛孔。唔想比毛孔破壞氣氛，用呢支primer就可以完美解決困擾了。💋 呢支毛孔細緻霜係Benefit既皇牌產品之一，我已經回購過兩次。佢唧出黎既時候係有少少深既肉色，但千祈唔需要比佢嚇親，因為推開既時候佢係透明的。❤️ 用呢支底霜係無需全面搽，只要重點搽係毛孔粗大的位置便可。係面上推開左之後果d位置會明顯平滑左，連粗大的毛孔都會消失埋！之後再上粉底液便能造出一個完美的底妝，連影相都唔使再加Filter😊
<看全文>
royu3好用推薦：約會前一定要好好打理肌膚，特別是夏季帶著口罩，潮濕又悶焗，容易產生暗粒和粉刺。用這盒Lush薄荷清爽面膜就最好不過了！ 它是一款深層清潔的產品，成分天然，紅豆碎和月見草籽可以去除角質；自然防腐配方蘊含較高比例的有機蜂蜜，所以質感較滋潤，用後完全沒有繃緊感，亦有助護膚品的後續吸收。而最令我喜愛它的原因是，成分中加添了胡椒薄荷精油，可促進皮膚底層的血液循環，用後臉色即時變得紅潤而有光澤🌟翌日上妝會更貼服，已回購好幾次，絕對是約會前肌膚保養的必備品！ #夏季戀愛感妝容
<看全文>Rinka好用推薦：Lush產品中我最喜愛的其中一款面膜 第一盒用完後馬上購買了最大的size （也快用完了） 面膜是綠綠的，帶有清爽的薄荷味道 自然防腐配方含有蜂蜜，對於我這種混合性偏乾肌膚非常適合，再去角質同時帶有保濕功效 敷上面的時候清清涼涼的，10分鐘後配合簡單按摩，皮膚明顯乾淨，輕摸肌膚更會有明顯的潤滑感 我大概每個星期使用兩天，當作簡單的深層清潔使用 這款真的大推！
<看全文>
cheng2001好用推薦：濕疹敏感肌here～ 因為又又又濕疹發作，咁自己之前都有用la roche精華覺得唔錯，但係今次洗臉/用化妝水都會拿… {(-_-)}所以就搵緊d cream product用。 使用感：自己就單塗呢隻抗敏cream係濕疹位，因為自己濕疹位真係好乾燥，差不多隔一至幾個鐘feel到少少乾燥感就塗多次，如果一痕又會再塗少少。如此類推，用左2日就好快已經淡左紅同有好轉，止痕效果相當出色，保濕不錯。 總結：非常推薦臉部濕疹敏感肌！
<看全文>Sarah好用推薦：由20歲開始當面霜用，一用就好多年，已回購無限枝，皮膚一直沒有敏感問題。不過最近覺得保濕力不夠了，要轉其他更滋潤有抗老成份的產品。
<看全文>
Emma W好用推薦：修飾隔離防曬3合1皇牌底霜，其輕盈的質地，易於塗抹且不油膩，加上搽後有種裸妝感，適合自然妝容、日常裝扮。另外其具有保濕成分，令妝前打底更貼服。所以，也可以減少補妝的次數。妝後不會顯乾紋，水潤潤的，仲last 到夜晚。 Block Booster具有高效防曬、抗污染、水漾持久。保護肌膚免受紫外線及污染物 pm 2.5 等侵害，塑造水漾美肌，能夠平滑肌膚，讓後續化妝更加服貼。 其防曬效果，（SPF50+ PA+++）都算係底霜少有的高防曬coverage。可以唔駛搽多一層防曬，令肌膚少啲負擔。 適合肌膚：任何 成效度：4/5 保濕度：4/5 貼合度：4:5 質地：cream 狀 光澤度：4/5
<看全文>mandy好用推薦：Shu Uemura Unlimited Block:Booster Protective Moisture Primer 水潤隔離防曬底霜 (冰透粉紫) SPF50+ PA+++ $400 水潤隔離防曬底霜質地水潤易推不黏笠， 以防曬及保濕成分為主，另含其他養膚成分。 防曬保護達SPF50+ PA+++，是等同防曬級別的妝前底霜。 此外，妝容持久度不錯，午後沒有出油溶妝， 省回不少補妝的時間。 具調色功能，共4色可選，包括自然杏色、冰透粉紫、 清新粉紅色及透明。 自然杏色-->均勻膚色 冰透粉紫-->美白提亮、增加透明感及光澤 清新粉紅色-->增加紅潤感，肌膚立即白裏透紅 透明-->不影響後續的粉底顏色 一瓶水潤隔離防曬底霜=防曬+調色+妝前底霜， 真的非常方便唷! 含防曬成分: 水楊酸鹽, 奧克立林, 帕索 1789, 乙基己基三嗪宗, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪, 二氧化鈦, 2,2-亞甲基-雙-(2H-苯並三唑-2基)4-(四甲基-丁基)1,1,3,3-苯酚 及 甲基水楊醇 保濕成分: 丁二醇,
<看全文>
Emma W好用推薦：其是酵素粉界的No.1。不斷地拿第一，一定有其原因。其添加了蛋白分解酵素、皮脂分解酵素、胺基酸，能清潔毛孔、黑頭、角栓污物。另外，也加入玻尿酸，係清潔之餘，都要注重保濕。 加水混合後好易起泡，用後面不會好乾、好崩緊，摸到好似冇凹凸不平的感覺。但由於係清潔洗顏粉，建議一星期2-3次使用，以作特別護理。 推薦對象：皮膚粗糙者 起泡時間：非常快 泡泡質感：空氣感泡泡（輕柔蓬鬆） 乾淨度：5/5 保濕度：3/5
<看全文>mandy好用推薦：Suisai beauty clear powder wash N SUISAI酵素洗顏粉N $130/ 32粒 SUISAI酵素洗顏粉基本上是元祖級別的開架洗顏粉, 可說是Kanebo非常有名氣的產品。 現在日本開架洗顏粉王者之爭基本上就是 Fancl小黑鑽洗顏粉及SUISAI酵素洗顏粉之間。 由於兩者不相伯仲, 各有支持者, 戰況激烈。 Kanebo Suisai 除了酵素洗顏粉N以外, 另推出了更能清除黑頭粉刺的好評新作黑炭泥淨透酵素粉, 連男士油性肌也可使用，直接迎戰小黑鑽! SUSAI酵素洗顏粉N用起泡器起出來的泡沫 不算企身，比較水感柔軟，泡沫量也不少。 保濕力很好，潔面後非常乾淨，可以深層清潔毛孔。 使用感舒適。 使用後，肌膚不感乾燥，不會緊綳。 由於是深層清潔產品，只須一週使用1-2次。 敏感肌最好一週使用1次。 美白效果不算十分明顯，不過潔淨力非常好，而且不含酒精、香料及色素, 即使敏感肌也可使用。 性價比高，品質比得上大牌，價位很合理親民，所以名氣銷量俱佳! 含抗氧化成分：二丁基羥基甲苯 及 玻尿酸鈉 保濕成分: 雙丙
<看全文>
CC1997好用推薦：先多謝 cosme 同 Benefit 今次抽中我試用呢個全新嘅系列嘅幾樣產品，等我都分享下我嘅使用後感先。 先講下缷妝油： 唧出嚟係清澈嘅油狀，帶有少少果香味，甜甜地嘅感覺我都幾中意。 乾手乾面搽上面之後加水好容易就乳化到。過完水之後大部分嘅妝，例如粉底眉毛等肉眼睇都已經缷得七七八八，不過眼妝就要自己另外再落，例如溫水可卸睫毛膏就比較難缷，會留一撻黑色嘅蹟係面或者眼到，變左好似黑眼圈咁。 我本身係油性皮膚容易出痘痘，過完幾次水之後皮膚都唔會有緊繃或者刺激嘅感覺。而且用咗兩個星期皮膚都冇特別敏感，或者起粒粒。不過因為我平時都化開眼妝，會用眼線眼影睫毛膏，所以之後就未必會長用呢隻卸妝油喇。 洗面泡沫： 根據官方嘅使用方法，用完卸妝油之後要用Good Cleanup洗面泡沫洗一次面。呢個洗面泡沫唧出嚟係透明gel狀，加水之後慢慢捽佢就會變成泡沫。洗完面之後塊面摸起嚟好滑，唔會有好乾或者緊繃嘅感覺。整體嚟講，用咗冇生暗瘡，皮膚冇特別敏感，對呢款洗面泡沫嘅使用體驗都唔錯。 保濕霜： 搽左自己嘅爽膚水同精華之後就可以用benefit嘅Smooth Sip保濕霜喇。呢個保濕霜係呢
<看全文>Kaorichannn好用推薦：感謝@cosme邀請我參與「Benefit PORE CARE毛孔護理系列試用活動」，今次可以試到Benefit最新Pore Proffesional既Skin Care Product，一set試用入面包括【暢通毛孔深層潔淨卸妝油】、【清潔滑溜潔面泡沫】、【緊緻毛孔爽膚泡沫】、【滑溜美肌輕感保濕霜】、【深層淨化毛孔泥膜】、【皇牌毛孔細緻底霜】。 而家就等我同大家分享下【暢通毛孔深層潔淨卸妝油】既用後感！一直覺得卸妝油一定會用到成手油Lumlum，乳化同冲乾净都比較麻煩，不過Benefit呢次帶比我既體驗有令我對拒有改觀。 使用方法： 卸妝時乾手乾面使用 打圈按摩後逐少用清水乳化卸妝油 用清水洗走再用【清潔滑溜潔面泡沫】/ 平時用開既洗面產品清潔 而家終於唔洗戴口罩，可以密密化妝！為左唔好比殘餘化妝品堵塞毛孔，一定要好好做足卸妝潔面步驟！不過我本人眼妝比較濃，少部分眼綫同大粒閃粉單用距係卸唔乾净，要額外用眼唇卸妝先得，不過係好正常！因爲呢樣產品主要針對毛孔清潔，所以大家要按自己化妝習慣衡量啊!
<看全文>
saraleungyc好用推薦：多謝Cosme邀請第一次試用產品 Step 1 The POREfessional Get Unblock 暢通毛孔深層潔淨卸妝油 卸妝油有微微香味，我覺得可接受，但唔鍾意香味既人要諗諗。質地比較稀，卸妝唔錯，落得都算乾淨，但本身油性皮膚既人需要再用洗面產品洗多次。 Step 2 The POREfessional Good Cleanup 清潔滑溜潔面泡沫 質地水狀，較難起泡，我比較鍾意多泡啲既感覺好似清潔啲。用左兩個禮拜，收細毛孔既效果就未有所以普普通通。 Step 3 The POREfessional Deep Retreat 深層淨化毛孔泥膜 因為本身係T字位多油就唔用哂成塊面，有清潔到少少油脂但黑頭仍然係到，睇黎我啲黑頭太頑固都冇咩辦法😭Step 4 The POREfessional Tight'n Toned 緊緻毛孔爽膚泡沫 雖然介紹話用呢個爽膚泡沫係唔需要用化妝棉，但我個人覺得用番化妝綿感覺乾淨啲，啲泡好快化開變水，同可以輕輕去角質，唔建議日日用，兩三日用一次就ok。之後要搽番啲補水既精華。Step 5 The POREfessional Smooth Si
<看全文>jessvenusfung好用推薦：Benefit Cosmetics MORE FOR PORE 主要針對毛孔阻塞、粗大、粗糙感！迎接細緻毛孔、均勻平滑肌! 自己本身混合，偏油性肌膚，由於工作需要，需要成日化妝，可能平日卸妝清潔功夫做得唔夠,皮膚毛孔粗大, 黑頭白頭都有 使用期：16日 整體使用感：4/5 我使用完16日之後，由毛孔粗大，黑頭白頭都有愛有，到毛孔明顯減細，黑頭少咗👏🏻 Step 1 : The POREfessional Get Unblock 暢通毛孔深層潔淨卸妝油本身好討厭用卸妝油，但係佢又真係卸得好乾淨 用後感：4/5 清潔力好，膚感不錯的 Step 2 : The POREfessional Good Cleanup 清潔滑溜潔面泡沫 用後感：2/5 質地就是泡沫，不過略嫌清潔力不足 Step 3 : The POREfessional Tight'n Toned-緊緻毛孔爽鬳泡沫 由於成份包括AHA果酸, 所以，開頭用嘅時候需要有耐用期，但是用了一個星期之後, 毛孔粗糙感有明顯減少 用後感：4/5 Step 4 : The PORE
<看全文>
KDing好用推薦：坊間有好多三色遮瑕膏，Excel 呢款同樣都有可調色的功能，對於唔知點揀顏色既新手黎講係好入門的產品。 Excel呢款遮瑕膚偏乾少少，佢唔係油潤型遮瑕，但呢個唔係缺點，好視乎本身膚質使用，比較遮痘痘用呢款偏乾少流動性既遮瑕，會比較易遮紅腫地方，唔會咁易blend走。如果要遮眼底黑眼圈，適合非乾肌同埋眼紋唔多既人用，所以要了解自己膚況再買。 持妝力方面，雖然佢本身乾身少少，但係佢又唔會隨時間而拔乾左皮膚，感覺都唔錯。 另外佢配附既掃具有兩頭，一邊扁平寬身少少 咁大范圍用，另一邊幼頭岩用點點既方式上係細微既位置。年末想要靚靚咁見人，簡單易用既遮瑕係好緊要！ 遮瑕力：4/5 流動性：2/5 （視乎膚質需求）
<看全文>takemyokane好用推薦：已聽聞多時的三色遮瑕，終於有機會入手了！可以作為單色使用，也可以將顏色混合，壘加或調出適合的顏色。雖然外觀是固體狀，但因為含有三種植物油成份，有足夠的保濕功效，一沾上會發現是很水潤的膏體，上臉不用擔心眼下出現乾紋。 由上至下分別是深 Beige 色，橙色以及淺 Beige 色。我會將深 Beige 色及橙色混合，塗在希望重點遮瑕的位置。一些較淡色的瑕疵就直接用淺 Beige 色。如大部份遮瑕一樣，逐少壘加顏色就能做到透薄不厚重的效果。之後再上蜜粉，毫無破綻的眼妝就已經完成！在最近的炎熱天氣下，即使外出半天也沒有溶妝或起乾紋等情況。如果眼下本身有較深的摺紋，還是會顯出一條線，但只要上妝時避開該位置就可以。 唯一缺點是附贈的迷你掃不太好用，除非每次用完都會清洗，否則毛頭會逐漸變硬，上遮瑕會有痕跡。 Before After
<看全文>
bibubibu好用推薦：一向都知道呢款粉餅喺開架彩妝嚟講好受歡迎 sofina成日都會推出好多期間限定嘅外殼 粉紅色外殼好有少女心  我揀咗一個比較自然嘅顏色 佢上面唔算太修飾毛孔 都有明顯嘅妝感 持久力尚可 唔算甩得勁 當然用紙巾抹汗嘅時候都會見到佢有甩 氧化程度一般 以佢嘅價錢嚟講，佢表現都算唔錯 不過唔知點解我冇跌過佢落地 佢自己就無啦啦碎咗
<看全文>格仔餅公主好用推薦：用佢好少浮粉，超趕時間出門都會簡佢，可能佢同我皮膚好夾，所以我keep住有再買用完一位又一盒。如果冬天用佢之前噴一噴保濕噴霧之後就好貼唔會話好乾。薄薄地都夠力遮到眼圈同痘印，但紅卜卜既痘印最好用返遮瑕膏會無咁明顯。 個價錢都唔貴所以大力推薦比返學黨啦同埋貪靚又要慳錢既靚女。
<看全文>
KDing好用推薦：我用既色號係15號，顏色對於自然肌嚟講係偏白少少，但係用嚟打兩黑眼圈淚溝嘅地方或者有八字明嘅地方我覺得都算幾出色。 你知遮瑕膏唔可以攞嚟單用喺遮黑眼圈，因為佢有帶少少嘅灰白色，好容易令到黑眼圈有種灰灰暗暗嘅感覺，但係如果本身黑眼圈有做調色嘅打底，咁再遮一層上去就會效果好少少。 我幾鍾意用呢一支嘅遮瑕膏代替打量嘅產品，因為佢本身個持妝力都極高，而且佢唔帶閃粉，所以做出嚟提亮嘅效果都幾容易，而且佢一物多用，有時都好易輕微遮少少嘅遮瑕，新年拜年想快快手化個靚妝就岩曬啦。 質地：流質 遮瑕度：3/5 色調：偏灰白
<看全文>Burnyourwallet.hk好用推薦：多謝cosme提供試用，今次試咗Maybelline既開價粉底同遮瑕液。我係混油肌，夏天用matte finish既粉底就最啱！ 呢支matte finish好適合油皮，上妝超貼面同清爽，有控油效果，而且好有流動性，完全無痴泣泣既感覺，妝感好薄好靚。不過佢遮瑕能力唔算太高，可以配合埋同系列既遮瑕膏重點用 都唔會加重粉感，但呢款粉底液乾肌同超級瑕疵肌未必啱用。以上係好薄一層既試色，有需要既話，直接再薄薄疊加就可以！要讚係佢唔會卡粉 浮粉！ 半日後會有專櫃品牌一樣會有既少少暗沉問題，但以呢個價錢有呢個效果已係超值得入手，尤其係油肌朋友，戓者追求裸妝效果都會好適合。香港春夏天又熱又濕好易出油，呢個粉底可以大大改善出油問題！ *照片有機會有輕微色差問題
<看全文>