zetalhc好用推薦：定妝效果普普通通，油性肌覺得兩三個鐘之後開始脫妝，需要加蜜粉定妝。不過呢款噴霧可以用係化妝前保濕，覺得有令妝感貼d

agnessstang好用推薦：用過柔霧版 而家用緊呢款Pinklite係珠光版✨ 不過官網已經冇得賣 專櫃姐姐話妝前妝後都可以用 不過我習慣完妝用 其實佢係冇定妝成分 所以唔係會成膜嘅定妝 夏天/油肌未必啱用 我自己膚質間中會有少少偏乾 有時上完碎粉/蜜粉餅會有少少乾紋 之後用MAC呢支噴完會顯得冇咁乾 所以可能比較適合乾肌/冬天用⛄️ 啲珠光粒子會沉底 所以每次用之前會搖勻先 專櫃姐姐話隔20cm距離噴 呢款珠光版噴完之後會微微多咗少少光澤 唔係太明顯嗰種 噴頭表現真係一般 有時會噴一條直線 係噴水唔係噴霧😂 不過大部分時間都算正常嘅 Overall覺得普通 當保濕噴霧用係ok 做定妝噴霧嚟講就真係普通

Rin好用推薦：繼續想當年去韓國旅行的時候買的， 一開始我覺得他平平無奇，為什麼會把它推薦到天上有地下無 我是失望的，後來發現可能是我自己用的方法有問題，我一直以為他是精華是用在toner後，但後來經了解後，原來他是肌底液用在所有的最前面 喚醒你的皮膚吸收 （但是年代已經非常久遠，我已經記不清楚是不是這樣，所以如果大家不懂得使用，記得一定要問清楚） 因為某些產品的先後使用次序是絕對會影響他的效果

WSY好用推薦：綠茶可以幫助皮膚回復水油平衡。同時亦都好補濕，化妝前用都唔錯！

mandy好用推薦：Sulwhasoo 雪花秀 First Care Activating Serum Ex 潤燥精華EX 功效: 保濕 + 抗衰老 雪花秀代言人為凍齡女神宋慧喬，這些年持續擔任韓劇女主角， 而雪花秀產品也必然在她的作品中亮相。 潤燥精華EX是作為潔面後第一步的肌底精華使用。 質地很水感，易於推開，卻又十分滋潤。 塗抹在面上後觸感有少少黏, 但沒有悶熱厚重感。 帶雪花秀經典韓方香味。 使用感極緻舒適, 用後肌膚水潤飽滿、保濕力、彈性、透明感及光澤 都有所提昇 彷如重生, 而且隨著持續使用而膚況穩定。 含有不少對肌膚有益的成分, 使用感舒適, 雖然中高價位, 但物有所值。 現在潤燥精華EX已昇級為潤燥再生精華, 有興趣可以一試。 除了潤燥精華, 也十分推介潤燥精華面膜, 同樣好用。 含保濕成分: 丁二醇, 甘油, 甜菜鹼, 雙-PEG-18 甲基醚二甲基矽烷, 蜂蜜, 乙基己基甘油, 馬齒莧萃取, 茶葉萃取, 鹿角菜膠, 生物糖膠-1, 丙二醇 及 氫化卵磷脂 抗衰老成分: 甘油, 甘草根萃取, 蜂蜜, 胡桃籽萃取, 可哥萃取, 馬齒莧萃取, 茶葉萃取, 棗

Noel好用推薦：個人一向鍾情於韓方肌底液，於免稅店購入了雪花秀的護膚套裝💛 潤燥精華呈深啡色，流動性高，帶有香濃的韓方藥材味道。 塗抹到面上，精華很快被吸收，所以在我晚上的護膚程序中，我會多塗一次潤燥精華，才繼續用後面的產品。使用這枝肌底液後，感覺皮膚更易吸收後續的護膚品，而且水潤感覺可以 hold更長時間啊！ 徐了日間用一次，晚上用兩次的小習慣外，敷面膜前都會多多使用，絕不手軟啊 😂 缺點方面，應該係純粹不幸… 用了 2/3枝左右，泵頭就泵唔出了，每次都只能手動倒出來😅

Ruby Wong好用推薦：本人皮膚比較白，所以好容易有暗啞或者雀斑嘅情況出現。一直以嚟我都用好多美白產品，雪肌精以前只係用過碎粉，一直想試下用佢呢條line嘅其他產品，咁啱見到松本清有29蚊支旅行裝，就入手嚟試下啦。 先講質地，乳白色有少少杰身，但係搽上面之後又唔覺好立喎，算係清爽嘅類型，幾好。不過個人覺得相對地搽嘅量要多少少，先起到保濕嘅效果。 用咗幾晚之後明顯見到皮膚亮白咗，冇咁暗啞，所以都幾滿意。當然啦，雀斑嗰啲就冇可能淡到嘅，話曬我都唔係配合埋佢其他product黎用，所以有咁嘅效果我已經覺得好驚喜。 如果有機會我都想試埋佢其他產品，又或者需要美白嘅時候我應該第一時間會諗起佢😆

Fanc好用推薦：好多謝@cosme 抽中我試雪肌精☺️ 今次係我第一次用雪肌精呢個品牌 藥用雪肌精美白化妝水倒出黎嘅化妝水唔係透明，而係乳白色，有淡淡嘅香味，如果唔係完全接受唔到香味嘅，都會接受到呢個氣味，唔會覺得好濃好香精味咁刺鼻～ 倒出黎乳白色都係比較水狀輕型嘅質感，睇說明話要用大概5毫子大小嘅份量，拍上面之後都覺得好快吸收左，唔會停留係面上好耐先吸收到，感覺真係有補水到，做到保濕😺 連續用左成10日，係冇任何敏感不舒服嘅情況出現，係我身上今次嘅體驗我就唔太感受到短時間之內可以有美白效果，但係我見到有其他美妝kol介紹可以用黎濕敷，我都試下濕敷，當刻嘅效果好似係會比就咁用手拍上面係更大，所以我比較推薦用濕敷呢個方法用呢枝藥用雪肌精美白化妝水👍🏻 我暫時未知會唔會回購，但係第一印象都唔錯，最唔鍾意嘅一個點係設計樽口上，凸起嘅樽口位唔太好用，倒化妝水好難控制份量，易倒過多份量，又會有化妝水積聚係樽口位，我覺得可以改善一下呢個位。🙏🏻

Cyu好用推薦：價格 ★ ★ ★ ★ ☆ 亮膚 ★ ★ ★ ★ ☆ 淡斑 ★ ★ ☆ ☆ ☆ 清爽度 ★ ★ ★ ☆ ☆ 先黎講吓PROX by OLAY抗氧淡斑精華既樽身設計，泵頭型設計，可以保持到護膚品嘅新鮮度又十分之衛生。精華液質地濃厚，但延展性十分好，亦非常容易吸收，大約半泵就可以搽勻成塊面。對於我呢啲混合性偏油嘅膚質，夏天用都唔覺得黏笠。用完即刻有提亮既效果，有一定的保濕程度，搽完毛孔會脹卜卜返，紋路亦都冇咁明顯，而且呢款精華液入邊冇酒精冇香料冇防腐劑，容易敏感嘅皮膚都好啱用，冇負擔。 短時間內淡斑功效唔算特別明顯，係意料中事，希望長期用落去會有改善。而改善泛紅，提亮膚色，抑壓黑色素變深，呢幾方面都有做到。 另外，呢款精華液唔會起擦子膠碎，搽完 PROX by OLAY抗氧淡斑精華再上妝，完全冇同粉底液打交，亦都完全唔會影響妝效持久度。 總括而言，以呢個價格做到膚色均勻提亮，有一定保水，能改善泛紅，又做咗抑制黑色素，效果已經相當令人滿意，十分推薦大家一試。

Jasmine Yuen好用推薦：新升級OLAY抗氧淡斑精華以獨家「NIA + SDL」專利淡斑配方，高效激活抗氧信號，根源穩定黑色素母細胞，令肌膚重拾淨白細膩無瑕！ 我用 Olay spot fading essence 大約一星期，就發現我的色斑淡了一點。肌膚的質地也變得更加光滑，感覺很不錯。 一支可以用到大約三個月（我晚上揸），我發現色斑明顯減少淡啲，肌膚變得更加均勻，比以前更有光澤和彈性。我會繼續使用這個產品，因為對我的肌膚有效。 ⬇️已經用哂嚕✌🏻會再買

venusyuet好用推薦：呢個我願稱為史上最好用嘅primer 都算係用過唔少嘅底霜、毛孔修飾等等 效果都一般般 Primavista令我重新認識過primer 上手感覺水狀，肉肉地色 好易推開 上臉唔會覺得笠/焗 推開係透明嘅 平時鼻翼少少甩皮，上primer會特別明顯 但Primavista冇呢個程況出現 之後再上粉底可以feel到好貼服 甩皮位置亦冇任何痕跡，毛孔都有修飾到 整體感覺唔會乾/濕，好似中和平𧗾咗肌膚嘅狀態 然後係最重要嘅持狀效果 最近天氣都開始升返溫 我混油肌，平時用再好嘅粉底都會出油 通常完妝之後四個鐘就會少少出油 係，換過好多打底同粉底 呢個問題都係會有 但今次用咗Primavista再上妝 平時應該出油嘅皮膚，一啲油光都冇 ！！！！明唔明我係幾咁激動 至於最耐可以keep到幾耐我冇實測 不過出一次去6-8個鐘係有嘅 基本上係冇見到出油 呢個夏天有救了

takemyokane好用推薦：已經回購超過五次，一直沒有遇到控油能力比它更好的底妝！基本上一年四季也是靠這一支作為基礎去保護妝容不易脫妝，即使是炎夏也一樣保持妝容完美，特別是現在戴口罩，塗上它都不會再有印妝在口罩的情況。質地透薄易推開，不太有遮瑕效果，但基本上都當做打底用途，所以遮瑕度不是重點。 試過與各種粉底、cushion等配合也可以互相融合，沒有卡粉等情況。價錢作為開架化妝品性價比極高，以後也會繼續回購。

Wing好用推薦：**質地輕盈精緻**:質地好輕盈滑溜，上妝時感覺好滑順,易融入肌膚，冇厚重感。 **遮瑕效果出色**:呢支粉底液有遮瑕能力，可以均勻膚色 **自然貼服妝感**:上妝後會好自然咁融入肌膚，冇明顯粉底痕跡

mssylviaa好用推薦：已經用到第三枝power frabic，因為底妝嚟講真係唔錯。 質地🌟🌟🌟 比起Dior、Lancôme，Armani相對冇咁液體，但流動性高，好易推，同埋唔會上手就好快乾，新手都好易handle。不過相較之下，我覺得上面後感覺冇其他牌子咁薄。我自己夏天用掃上，冬天用手上。 遮瑕度🌟🌟🌟🌟 質地偏厚身，我覺得遮瑕度比其他牌子高。簡單紅印一抹都遮到，不過如果係紅腫暗瘡就要另外加遮瑕膏。 持久度🌟🌟🌟🌟🌟 早上化妝，去到夜晚先會見到明顯浮粉，持久度十分高。我通常去到下午就會輕輕用紙巾印印粉，補補碎粉。不過長時間戴口罩的話，沾粉情況都嚴重。 色號🌟🌟🌟🌟 我用3.5，黃調自然白，大部份亞洲人都啱用，有自然提亮功效。不過記得當初都曾經中伏，專櫃staff揀咗隻深一度嘅顏色俾我，結果我用咗少少就冇再用。所以最好認真去專櫃試清楚先買。

Noel好用推薦：因為帶囗罩的關係，粉餅類 foundation 成為了我的 makeup routine，這三年試了好幾個 powder foundation，感覺都不錯： 1️⃣ 透薄，沒有負擔 2️⃣ 沾囗罩遠比粉底液 / BB cream 少 MUF 的粉餅很火，先講一下它的雙面粉撲，一物二用，分白色及黑色兩邊，個人會用白色的一邊作全面上妝，而黑色一邊就用作重點的遮瑕部份，如：暗瘡疤，鼻側泛紅等。帶妝 6小時左右，額頭會有少少出油，用紙巾輕壓額頭後，可以直接 reapply 👌 粉底算是貼面，不易浮粉；遮瑕度達 6～7成，可以堆疊👍而且對我這類乾肌友善，使用時沒有感覺到乾，如果怕 dry up 皮膚，最好配 gel 類防曬。 （將會回購這個粉底，但要先清左手上幾塊粉餅～）

sp_113好用推薦：因為擔心會好乾同好厚粉，一直都好怕用粉餅。但係好多朋友推薦依隻makeup forever粉餅，見Sephora 有折就入手！ ✅中高遮瑕度 搽左兩層就遮到手上嘅墨7成，輕易遮蓋一般暗瘡同瑕疵 ✅透薄自然 高遮瑕度但做到透薄自然，第一層用粉撲白色面上全面，然後第二層用粉撲黑色面重點上瑕疵位置，非常自然唔會厚粉！ 🥲有輕微閃粉 毛孔粗大嘅朋友可能要留意，粉餅有輕微閃粉，如果扮顯毛孔就要考慮下

Cy好用推薦：呢支洗面奶特色係含6種保濕植物精華又不含Paraben防腐劑、香料、色素、酒精、礦物油等成分，任何膚質都用得擠出來是白色膏狀物，能用手心輕鬆搓出泡沫，起泡後我會由T字位開始劃圓按摩，最後先到面頰2邊，過程大概10幾秒雖然泡沫不算多都算夠綿密，如果想要綿密啲可用起泡網 。 使用感受：洗完臉後感覺臉部幾乾淨清爽，洗淨力都唔錯，日常毛孔內嘅污垢都可以輕鬆洗淨，就算係用完冇防水性嘅防曬都洗得好乾淨，洗完面後即使冇即刻擦護膚品，依然有保濕感👍🏻完全係冇繃緊嘅感覺～推介

Hamiii好用推薦：種草好耐既洗面 果然唔錯 呢個牌子既賣點係無酒精 無防腐劑 低敏👍🏻 搓幾下就起到好綿密既泡 洗完又唔會覺得皮膚乾 價錢亦唔貴👍🏻 用完呢支會買新版繼續用👍🏻👍🏻

黃詩婷好用推薦：第一次接觸小棕瓶大概係二十出頭既年紀，當時覺得無咩特別(青春無敵嘛😌)！轉眼之間已經27歲，感覺到開始有初老症狀(皮膚鞋/毛孔粗大/無光澤)😭所以我決定買小棕瓶對抗衰老，試吓有冇廣告講到咁掂！點知佢真係好好用，用左三日毛孔已經細緻左皮膚好有光澤👏🏻我夜晚就會用兩bomb加強效果，日頭就用一bomb💰所以好快就用左大半枝💰不過有咁既效果我覺得算性價比高！未用晒手頭上個枝已經再落單買多枝！建議大家可以去官網買(一來包係正貨，同埋佢送超多sample又可以試新野)

Cherly_ch好用推薦： 小棕瓶第二次回購了 ， 質地滑易推 ， 搽上面有滋潤皮膚 ， 撫平細紋既感覺 。 用了幾次覺得有慢慢收細毛穴同幼滑肌膚。 我主要晚上當精華用，尤其轉季對平衡肌膚很有用。 圖中是之前買護膚品的贈品👍🏻