防紫外線 推薦好用產品

Angie好用推薦：用咗3個月左右，天氣熱嘅時候用有少少笠🤏🏻 最近比較涼同乾燥，用落好舒服👍🏻 調色效果明顯，搽嘅時候要慢慢推，如果唔係會容易唔平均。搽完明顯氣色好咗，有時懶唔上粉底都ok🤭 化妝當base用都唔會同粉底液打架，都幾易用👍🏻

Milo101好用推薦：🌟左邊這款偏白色帶微微粉，質地比較濃稠，有提亮作用 🌟覺得較難推開，個人比較喜歡右邊款比較水潤的

Kelvin好用推薦：Ettusais提亮保濕妝前防曬底霜SPF50+ PA++++ 防曬到最高，水潤易推開，有少少珠光粒子喺入面，有潤色效果及保濕功能，各方面都顧及到👍🏻👍🏻👍🏻 用咗一段時間，坐冷氣房全日底無乜甩。我試過配搭YSL恆持，cpb 鑽光粉底液，都融合得好靚，冇起碎碎。 而家嘅天氣，混合肌至乾肌都岩用。$155/35g 咁嘅價錢有依種質素好surprise，我會比滿分💮可以話係平替版cpb 長管（cpb 再保濕多少少） #火熱新品

So Fun好用推薦：這個妝前底霜有修飾的功效，使用後面色會有很自然的水潤感。 滋潤度很高，看成份有很多保濕功能，我本人的皮膚偏乾，不過略嫌太潤，剛塗上的時候感覺很不習慣，有小小黐立立，但過了半個鐘至1小時後感覺會吸收返，整體來說冬天使用可能會更好，夏天使用可能會太立 但是此產品的調色功能我覺得不錯，塗後有很自然的水光感覺，也不會太影響後續使用的化妝產品

Ni好用推薦：小小一瓶 高防曬係數 用噴的使用方便也快速 不粘膩 主要是拿來頭髮防曬跟身體補擦用

Tjhinn好用推薦：噴霧防曬好方便，樽身都輕，質地清爽吾笠，防曬能力都好

Fish Tse好用推薦：唔同既底霜令妝容會帶來唔同既效果，如果皮膚比較偏黃、暗沉想皮膚睇落去白d可以用哩款紫色既底霜黎調色 針對暗沉位置例如係嘴唇邊既位置做提亮再上粉底會令成個妝既一致性會做得更好，但好似黑眼圈哩d暗沉位就唔可以用紫色既底霜去調 哩款底霜除左調色以外都比較保濕，除非成塊面都係暗沉蠟黃如果唔係就唔建議全面上，要分開局部位置用返相應既底霜

inkitsung好用推薦：make up forever 妝前霜有好多色揀，可以比你單用外仲可以自由調配混合用～ 好似我手上呢支就會係紫色，上面後即時退黃亮白～ 啱曬捱夜過後嘅暗啞肌膚用～

wintonggg好用推薦：依款性價比高啊，綠色好好修飾泛紅部位，不過對我來講有D唔夠滋潤

choichoi好用推薦：超好用，很喜歡它透薄不黏焗，一丁點量已能延展全臉又不泛白，適中的防曬系數單獨使用也很足夠

T.C好用推薦：普普通通的素顏霜，遮瑕力一定唔及粉底好，不過因為我皮膚唔係好多瑕疵，所以平日淡妝都會用佢,扮素顏用佢都ok，不過就冇咩特別，價錢偏貴就冇打算回購。

stardustz好用推薦：这支素顏霜的遮瑕度较弱，所以非常适合喜欢自然妆感，肤况不错的朋友们。輕輕塗上一層，便可帶出肌膚的水潤光澤感及均匀肤色。质地非常水润，很容易推开， 一分钟就能得到水光裸肌。防晒润色 一举两得! 😁

Karman28好用推薦：用過兩支既粉底霜，我係配合番佢支base 同碎粉使用。超好用，幾貼服。皮膚乾時使用，都唔會太卡粉。 正正因為base 同佢都滋潤，乾燥皮膚都可以好貼妝，同埋唔怕公司冷氣抽乾哂，會現乾紋。

mandy好用推薦：Covermark Moisture Veil Creamy Liquid  柔滑美肌粉底霜 SPF38 PA+++ $300/ 25g 粉霜延展性不錯，易於推開。 使用美妝海綿上妝，只用一點點粉霜，妝容透薄自然，不厚粉，不焗，不悶熱。 保濕力OK的霜狀質地, 但不是好水潤，比草本漢方修護粉底霜清爽。 有效遮蓋泛紅，毛孔變得不明顯幾近消失。 自然美白提亮，擊退暗啞。 持久度很好，午後也不出油，不溶妝，維持帶光澤的柔焦美肌。 跟其他Covermark粉底一樣含有草本漢方成分。 SPF38 PA+++足夠應付返office 工或長時間在室內的防曬保護。 價格比草本漢方修護粉底霜便宜少少，個人比較喜歡草本漢方修護粉底霜的水潤質地。 含保濕成分: 甘油, 丁二醇, 庫拉索蘆薈葉萃取 及 聚季銨鹽-51 抗衰老成分: 甘油, 人參根萃取 及 赤芝萃取 肌膚修復成分: 甘油 防曬成分: 桂皮酸鹽, 氧化鋅 及 二氧化鈦 鎮靜消炎成分: 庫拉索蘆薈葉萃取 抗氧化成分: 人參根萃取 及 赤芝萃取

Kura好用推薦：呢一款蜜粉嘅粉質非常細膩，同埋帶有防曬度數，好適合日常出街用，用完皮膚冇咁易出油

Hazel好用推薦：佢有4隻色，我唔敢揀珠光，最後係有色同透明之間都係揀左透明無色。 好鍾意佢個粉撲，超柔軟，而且用好耐洗完都仲保持良好狀態。 雖然話係透明無色，但輕拍或掃完上面會有光澤感，仲好似有提亮作用，皮膚睇起黎好細滑，粉感唔會好重，而且有控油效果，持妝力唔錯幾longlasting下！

congiehip好用推薦：初夏的時候，見到cosme店推廣有涼感的碎粉。再看看牌子是Chacott 就決定買了（因為在春天時，買了用品牌的粉餅套裝，持久度也很好，適合香港潮濕天氣用。）。 涼感碎粉雖然得一個色號，冇閃粉及亮肌效果，粉嘅顏色：肉色粉比白色透明粉上面時更顯自然。碎粉質地算幼滑貼膚，平時日常護理後上bb cream加呢個碎粉就快靚正，性價比亦不錯，碎粉上埋頸嘅位置，眼附近及頸位置真係有輕微涼涼感覺。感覺唔「拿」，出左汗都感覺清爽。

Circlecyy20好用推薦：沒有很愛這碎粉 因為客易取粉太多 妝感會厚 但是夏天使用會很控油

ChingLam好用推薦：好記得我特登去專門店問過，專櫃姐姐話依支係一半物理一半化學原理嘅防曬。 所以佢除咗唔易敏感之餘，仲可以做到輕薄嘅感覺 搽上面後好快成膜，妝感比較啞緻 夏天搽佢都唔會過分出油，控油效果不錯 不過防曬我會成日轉來轉去用唔同牌子 所以就冇長時間使用佢嘅習慣

cindysyy好用推薦：原價$320，萬寧特價一支$220送7粒潔顏粉😳 遇上特價都可以值得一試，如果只搽面大約可以用到一個至個半月！美白就唔多覺，但起碼做到唔敏感同透薄😙

940727.0好用推薦：持久無暇，水潤透薄👍🏻針對不同肌膚需要 專業級妝前打底，不油膩 全膚質適用 ， 神級服貼 🤤✨ make up forever 🙌🏻fans必備！ 紫色 Purple 去黃底霜 針對亞洲人暗黃膚色， 減退黃氣同時不會顯灰或有「面具感」

wintonggg好用推薦：保濕度唔錯，唔會同粉底液打交，好帖服，同埋tune色都tune得好好

lingbb好用推薦：- 試完大驚喜！考慮入手正裝 - 質地係薰衣草紫乳霜帶點珠光，剛搽上面真係覺得塊面好紫好奇怪，而且有點厚身，但過多一陣，顏色會慢慢同皮膚溝埋一齊，令皮膚有提亮唔會死白之餘，毛孔有收細，皮膚好靚嘅感覺，泛紅都唔見埋，只需要局部作遮瑕就可以完成底妝。 - 就咁定妝就出門，回家除口罩無甩妝之餘仲keep得幾唔錯，一整日下落塊面唔會好乾唔舒服冇敏感 - 推介俾唔鐘意粉底只想調色，又有多個好選擇👍🏻

Kpl6be6好用推薦：薫衣草色調正好用嚟較正偏黃膚色～質地幾潤～因為已有SPF 35 PA+++～所以唔會額外再搽一層防曬～只會薄薄上多一層粉餅就出得門～

Noel好用推薦：這款是 Albion 的 SmartSkin 美白粉餅，我用的是白色盒包裝，粉餅上印滿了 SmartSkin 字樣。粉餅的手指觸感幼滑細緻，還有一點點清涼的感覺，神奇❣ 粉餅的遮瑕度高，能有效修飾毛孔，有點陶瓷肌的妝效👍基本上塗了防曬或底霜，就可以印上 SmartSkin 粉餅，上妝快速➕方便❗而且帶有 SPF40作為防曬的補助，及簡單補妝都適合！

VickiChan好用推薦：雖然佢係粉餅形狀，但實際上質地有d似生朱古力，好滑，上妝又快又方便。遮瑕度算中高，亦好貼面，修飾毛孔效果好好。混油肌嘅話會比較適合秋冬天用，出油後，有奶油肌效果。係一款值得受更多關注嘅底妝產品，唯一可惜嘅係只有3個色號。

agnessstang好用推薦：非常黏笠嘅防曬 上年5月歐遊嘅時候用 每日都係勁熱+暴曬 未出門搽完已經覺得好笠 出咗街開始出汗溝埋啲防曬越嚟越笠+焗住皮膚 而且好容易泛白 不推薦

格仔餅公主好用推薦：去親行山或者戶外運動包括sea surfing都會用佢，因為真係唔易甩好持久，又唔會曬黑或者紅噹噹，當然你都要乖乖keep住補搽先有最大功效！

auntiemuscle好用推薦：舊版都用過 當時冇感想 新版依家又入手 入左三隻色 工作用😀 牙膏吱裝 我自己鐘意用oil free呢隻版本 有防晒 雖然oil free冇閃 但佢唔係啞色 吱出黎都係cream狀 都算易推 遮霞度係低既（記住佢係tinted moisturizer 唔係粉底）但均暈膚色一流 而且上完係有似皮膚好好既狀態有好自然既光澤感 唔係閃果種 想遮得好啲 就上多少少 比較適合 唔鐘意用粉底 唔想有粉感 皮膚好想均暈啲同埋慳時間既朋友 因為用手推用手上都ok 持久度就弱 但如果想持久度高 就再加碎粉好好多 絕對用呢個好過bb cream 因為佢有分唔同色 bb cream個效果出黎太灰白 乾性皮膚建議做好保濕 佢唔算好潤 但唔算乾既

sinman1110好用推薦：好自然夠薄，啱晒而家戴口罩又想均勻膚色既我 買左佢地既cushion foundation 先，我平日每日都戴8-9個鐘口罩咁制，用左一排cushion就唔知點解暗粒暗瘡多左，跟住停用左再買佢地呢款粉底就舒服好多了。 不過就唔好期望佢有高遮瑕度，主打輕薄、調色、控油！

940727.0好用推薦：早排拎咗佢哋嘅sample試用，開頭以為佢哋呢隻粉底液好保濕，但係原來係啞面嘅質感。容易推開，出咗去幾個鐘都冇出油，因為我平時都好容易T位出油，之後個樣就好污糟。幾開心佢係冇依個問題。 另外遮瑕度都算係高。

YolandaAuYeung好用推薦：質地／易推度：4.5分  粉底液質感輕盈順滑，流動性很好，十分易推開，推開後輕易造岀啞緻透薄妝效。   遮瑕度：4.3分  粉底輕盈透薄，塗一層已可遮蓋80%痘印、泛紅位置，塗兩層，瘀紅黑眼圈位置變得不明顯 持久度：4.3分  塗粉底後，膚色看上去有啞緻輕盈妝效。一整日也不脫妝，帶著口罩也不泛油亦沒氧化 總評： 每次使用它都能逐步改善你的肌膚狀態，顯著調整膚色、改善膚質及持續潤澤肌膚。使用短短8星期後，即使卸了妝，肌膚都顯得均勻透亮，細緻平滑妝感清爽輕透。

royu3好用推薦：很喜歡IPSA 的護膚品，沒想到連底妝產品都做得很出色，成為了我一年四季都愛用的粉底液👍🏻我使用的色號為100。 這枝極致透光粉底液的伸展性高，妝感非常透薄，貼服到好像本來的皮膚一樣❗️而且持久度很不錯，即使外出大半天，完全沒有斑駁的問題，亦沒有出現妝感氧化變暗的情況⭕️ 下圖為前後對比，妝感透薄，相對遮瑕度一般，有痘印的話需要額外重點遮瑕。上妝後令皮膚看上去很有健康活力，在蘋果肌、鼻樑的位置自帶光澤感，非常透亮🌟適合本來皮膚沒大瑕疵、或喜歡淡雅清新妝容的女生。 不過它的質感相對較為清爽，春、夏季使用是很剛好的；但秋冬較乾燥的天氣使用時會顯乾紋❌乾肌上妝前一定要做好補濕，或建議配合同系列的護膚油使用。

crystalhm好用推薦：膚質：乾燥混合肌、輕微敏感 差唔多用哂成支，呢支除左冬天最乾燥既時間用會唔貼之外，其他日子用都好適合。我除左冬天既日子都會用佢，佢係有種second skin的感覺，單上一層已經好自然同精神左，而且會有自然光澤感。上面大約coverage 6成左右，黑眼圈/深的暗瘡印唔會遮得太多，但紅印同均勻膚色係可以的，用掃/手/海綿上都ok，都易推的，唔夠遮瑕度可以再疊加1～2層！平時我會配合碎粉用，上面大約6小時後鼻同面頰會有少少油，但印一印妝感都仲係度，唔會甩太多，基本上唔係出太多汗既話，全日唔補妝都可以，溶妝都唔會核突，會有奶油肌感覺，沒有氧化情況～ 而且我皮膚比較敏感，用超過12小時都唔會刺激到生暗瘡。 但毛孔粗大者要留意，我覺得佢唔太遮毛孔的，溶的時候仲會溶落毛孔度，有白點點咁樣... 甩皮時亦會更顯乾，乾性皮膚做好保濕打底就可以！皮膚比較凹凸的可能需要多少少時間推開，佢近似lotion狀但未至於非常流質。 色調來講佢都係適合亞洲人，我用100色號，比較黃調，上面好自然，一般香港女仔膚色都一定有個色號岩你。 總括來講佢都係一支幾中性的粉底液，上面方法都唔難，可用季節算多，而且價錢都

Anna好用推薦：一上面會有油潤感，等一陣就成膜，感覺輕薄，唔覺有泛白，都唔黏立。但係補塗幾次後，發現鼻翼兩側甩皮，可能太乾喇，乾性皮膚一定要做好保濕。防曬效果唔錯，行山、去水上樂園，面部都冇曬黑。另外，佢都唔太致粉刺，就算補塗2次，加戴口罩，都只生左少少粉刺。

Yannesyan好用推薦：質地清爽，透薄，有SPF 50+ PA++++高防曬度，戶外活動時用有好好防禦能力！當我只搽防曬冇再化妝時，戴完口罩會見到有白色點點係臉上，但當我再on top化妝加碎粉就冇呢個問題！所以我用佢一定要加上碎粉了

lingbb好用推薦：- 俾妹妹燒到入坑。 - 全新絲滑配方, 有SPF30 PA+++，夠夏天平時用。 - 含21%氧化鋅Zinc Oxide的專利配方，能阻擋100%UVB和99%UVA。 - 雖然價格比較貴，呢款防曬賣點係有抗衰老﹑日常保濕﹑防紫外線三合一，另外成份天然，無添加任何化學成份，不刺激皮膚。 - 薄薄塗抹一層已可做到防曬效果之餘，仲可用作日霜或妝前打底霜用，真係一枝就可以出門口！ - 呢枝仲適合小朋友、暗瘡、敏感和任何皮膚，做laser朋友都適用， - 質地輕透清爽，唔油膩，的確係幾好用，如果想一枝搞掂哂，又追求成份既朋友可以考慮呢枝👍🏻

UglyMaa好用推薦：Mi Ming Mart經常Hard Sell這件貨品。坦白說研究上它的成份是很好的，100%物理防曬沒有太多化學防曬成份。塗在臉上雖然不會泛白，但非常非常乾。 個人覺得大部份防曬只要不是身體防曬，其實沒有什麼立黐黐或者泛白問題。不過通常都很乾，特別在冷氣地方尤其明顯。我還在尋找一隻不會吸乾面部水份的防曬。

Yin_sharing好用推薦：較為滋潤，用完膚色有少許提亮，但我覺得唔多keep到妝容，反而太潤，過咗半日連粉底妝都浮起晒。要真係好乾皮膚用先ok，或者要用好少好薄好薄一層先好啲。

Yan好用推薦：每日用，一支都可以用好耐，所以其實都幾抵用。 我會直接將佢溝隔離霜，少少遮瑕，然後用化妝蛋上妝。因為佢本身都有調色效果，搽完塊面會白咗一度，所以如果再加粉底會好厚妝。相反，我淨係搽佢加少少遮瑕，上妝效果更加透亮同自然。 質地方面，佢都算幾水潤，淨係搽佢唔會有浮妝問題，之後再加上遮瑕都唔會太kick。我覺得佢都幾適合好乾嘅皮膚用！