肌膚彈性 推薦好用產品

kn好用推薦：謝謝@cosme 同Freeplus 自己本身一直有用開freeplus 嘅卸妝膏，超好用，已回購數支XD 卸得乾淨，用完唔乾，質地好似洗面膏咁，快便快捷。所以收到同系列產品充滿期待。 首先，係呢支‘溫和淨潤洗面乳’有一樣水準。質地係乳白色嘅膏狀，加水有泡。搽完用清水洗面，覺得洗得好乾淨，清爽，但亦有滋潤感覺，完全唔會乾到崩緊。 第二樣收到嘅產品，係保濕修護化妝水（清爽）。香港夏天悶熱，即使自己係混合偏乾皮膚都偏向用清爽產品。而Freeplus 呢支化妝水，我倒落化妝綿用，抹完非常有感，好保濕，但都怕之後會有層野係皮膚表面，好立。點知完全唔會，吸收哂，真係做到保濕但清爽XD水狀但又唔會好稀無搽過野咁。 第三樣係保濕修護乳液（清爽），半透明乳液。同樣好適合香港夏天天氣，保濕但唔會太潤。臨瞓前搽，吹左成晚冷氣第二朝皮膚都唔乾，朝早洗完面搽佢再化妝亦唔會好立，唔會起屑。不過滋潤程度如果係冬天或者對皮膚屬於好乾性既人就未必足夠。 整體黎講，三件產品都好滿意，全部都溫和保濕又無令我生粒粒/敏感。令我對呢個系列嘅其他產品都好有興趣。推薦！用完試用會想買正貨XD

Viannie好用推薦：習慣爽膚水會用化妝棉抹，freeplus爽膚水可以做到二次清潔，抹完面棉花會黃黃地，質地係流動性高嘅水狀，無色無味全透明，用後幾舒服。

Handm Little好用推薦：之前一到冬天嘅時候，皮膚會乾到甩皮，於是朋友推介下搵到一支平平哋嘅精華，冬天用會即刻感受到嗰種補水刺痛感（超乾嘅朋友應該明白呢個感覺），然後第二朝立即見到塊面補水得唔錯，已經買咗好多支！ 不過美白淡斑效果唔明顯，保濕效果就不錯！

Nicole 好用推薦：我最喜愛The Ordinary 這枝2%透明質酸+B5，回購了好多次👍🏻 主打保濕，適合各種膚質👌🏻 它的質地是透明的，上臉還算是清爽，但是多少還是有一點點黏黏的感覺，不過過一會吸收就好了，堅持使用下來明顯感覺皮膚更光滑和變得穩定。

黃詩婷好用推薦：第一次接觸小棕瓶大概係二十出頭既年紀，當時覺得無咩特別(青春無敵嘛😌)！轉眼之間已經27歲，感覺到開始有初老症狀(皮膚鞋/毛孔粗大/無光澤)😭所以我決定買小棕瓶對抗衰老，試吓有冇廣告講到咁掂！點知佢真係好好用，用左三日毛孔已經細緻左皮膚好有光澤👏🏻我夜晚就會用兩bomb加強效果，日頭就用一bomb💰所以好快就用左大半枝💰不過有咁既效果我覺得算性價比高！未用晒手頭上個枝已經再落單買多枝！建議大家可以去官網買(一來包係正貨，同埋佢送超多sample又可以試新野)

Cherly_ch好用推薦： 小棕瓶第二次回購了 ， 質地滑易推 ， 搽上面有滋潤皮膚 ， 撫平細紋既感覺 。 用了幾次覺得有慢慢收細毛穴同幼滑肌膚。 我主要晚上當精華用，尤其轉季對平衡肌膚很有用。 圖中是之前買護膚品的贈品👍🏻

lonia好用推薦：每逢戶外活動長時間曬太陽之後，皮膚就好容易變紅變乾，或者秋冬季節，日常護膚都不足以補濕嘅時候，就會敷mask幫皮膚補補水。 呢款mask價錢唔貴，所以屋企會長備作補水用。mask嘅前裁比一般mask闊，可以fit到不同面形大小嘅女生，完全cover到全塊面，同時非常貼面。敷上mask之後我會輕拍不同位置，幫助吸收精華液。敷完之後完全感覺到充足補水嘅效果，連帶膚色都有所提亮，皮膚當堂有一種水潤透亮感。

Verna好用推薦：我用開這品牌的保濕爽膚水，覺得很不錯，所以對這保濕面膜也有點期望，而且它無香料無色素無酒精，敏感肌也可以用 洗完面後，我會首先用花水噴濕整塊面，然後才敷上面膜，我覺得這樣做的效果會更好。敷上面膜紙，就發現它的剪裁很貼面，而且敷的過程也沒有走位 看包裝，它的精華液有23g，我覺得份量剛剛好，拿出面膜紙後，袋內還有少許精華液，我會把它倒出來再搽上面，這樣也沒有水滴滴 敷了10分鐘，我就跟包裝說明拿走面膜紙，面上仍然殘留少許精華液，是透明有少許黏稠的，不過我也習慣過一過水，然後才搽上護膚品 我覺得敷完面膜後，皮膚立時變得水潤了，毛孔細緻了，連膚色也好像有點白淨了，我覺得可以當作急救面膜，而保濕效果也可以維持一兩天

lingbb好用推薦：- 秋冬最乾既時候上粉，不少得bobbi brown既皇牌冬蟲草精華粉底液。 - 一小滴就好易推。推到半塊面，因為配埋佢既精華非常smooth非常滋潤既感覺，帶有光澤既finish - 之前覺得自己乾肌時一定好需要用所以買咗成枝，結果就用極都用唔完 - 香港天氣比較潮濕，對我黎講唔係成日都用到，一定要天氣乾時先好用，香港既冬天又唔耐，乾既日子都唔耐， - 如果熱一點就會好易溶🥵。 - 天氣乾無咗佢又唔係好得，有時皮膚乾但天氣濕，我會集中用係乾既位置，出油位置就避開 ，希望快點用哂 #我的秋冬愛用彩妝

Hazel好用推薦：佢有淡淡嘅中藥味道，唔算勁流質但好水潤，搽上塊面有種涼浸浸嘅感覺，延展性都唔錯，不過遮暇力一般．

Fng好用推薦：by terry補濕碎粉， 乾皮嘅我覺得 補濕力極好， 全日唔會起乾紋。 極幼細粉末，與肌膚自然融洽，遮到毛孔細紋，天鵝絨妝質感。

黯然仙人掌好用推薦：超細緻嘅粉，係會打開就飛走嗰隻，粉係白色，但上面係透明，妝感係薄透，唔會有粉感，混油肌用會有啲易溶，可能會比較適合乾肌人士

橘子貓好用推薦：此生最愛的護手霜❤️ 一直對Ahava這個以色列國民品牌好有好感，用過面膜、肌底液都好好用。今次巧碰沒有帶手霜外出，便到藥妝店打算選枝手霜隨手用一用，看見Ahava有便攜裝，便它吧！ 一試成主顧。Ahava滿足了我對手霜的要求：潤而不笠，即時嫩手，長效滋潤。 手霜在雙手堆勻之中會由cream變成有點稠，像霜狀，再按摩一陣，會再由霜感變得油潤，然後漸漸被皮膚吸收，不會像有層膜在手上。 雙手的乾紋即時撫平，皮膚不覺得乾燥。就算洗手也依然覺得有滋潤感，不會像其他手霜洗手後就需要補塗。 小小一枝，膚感好又有效，我幾天就塗完了。於是我網購了正裝，嘗試了同系列另一款味道：柑橘雪松。雖然同是死海礦物手霜，但這個味道的質地更偏慕絲狀，更易吸收，相對滋潤感持久度低一點。感覺更適合夏天。 兩款味道我都喜歡，mini size是原味，青梅檀香，聞起來先是梅果味，有一點點脂粉香，後調是木質味，持香比較久；正裝是柑橘雪松，有一點柑橘果肉味，然後淡淡的中性木香，基本上不留香。 不多說了，我要去再回購原味的正裝，現在天氣用剛剛好。又購入了其他味道的手霜，幾款試下來，原味是最滋潤的，其款香味的質地更light，手、身體

皮皮爱马桶好用推薦：这个护手霜是老公当时去以色列旅游带回来给我用的，我本身双手有湿疹，这个上手不粘腻，一会儿就干了，而且洗手也不会有什么滑溜溜的感觉，用了一段时间后我湿疹的情况反而有所好转，真的非常宝藏的一款护手霜

lauraqq好用推薦：Fresh 嘅玫瑰爽膚水，夏天加冷氣房使用，保濕程度都夠，用完有種滋潤嘅感覺。加上有玫瑰花喺水入邊飄下飄吓，使用體驗都幾夢幻。 但唯一嘅缺點係，用到後期啲玫瑰花會塞住個洞口，好難先Chok到啲爽膚水出嚟。

Yanny好用推薦：第一次用Fresh嘅產品 一直想試佢呢一個玫瑰化妝水 有陣陣玫瑰花香味 搽落去係有少少滋潤感，但係不失清爽 因為我自己唔鍾意太過黏笠嘅感覺 特別而家係夏天準備轉入秋天，天氣比較悶熱 如果太黏笠皮膚會好辛苦，而且如果吸收唔到就會影響之後上妝的感覺 我覺得呢一隻化妝水就係滋潤得來，又唔會太黏笠 但唯一缺點就係啲玫瑰會塞住 去到最後好難倒出嚟 下次會想試吓佢另外一隻產品 

kammy好用推薦：精華爽膚水$650/150 枝精華水分左2層 用前要搖勻再用 而2枝用後我嘅感覺就係 好保濕、塊面有光澤、同個排皮膚狀況都幾穩定 如果要睇到更多功效我諗應該要用耐少少先睇到😂

saphi好用推薦：空瓶系列~~ 由冬天好乾好乾既時候開始用到夏天, 可以令皮膚keep住穩定又保濕, 氣味有淡淡蜂蜜味, 質地喺爽膚水黎講岩岩好唔會太杰身 但價錢上偏貴, 會試下其他brand之段再考慮下個冬天會唔會回購佢

Cosmeemee好用推薦：Bicelle 嘅產品絕對係做完面部脫毛後嘅保濕救星🌟 作為混合乾性肌膚嘅裱裱者😂 每逢去做facial定係做面部脫毛 都會比美容師話我嘅皮膚好乾 唔夠2秒已經吸晒佢幫我搽上去嘅gel 😂 所以有做過脫毛嘅人 都知道一做完激光就一定係再乾啲 有時仲可能會甩皮🤧 然後有朋友介紹我用呢隻面霜 用咗一排再做下research 先發現專係for啲人做完激光脫毛 可以幫面部肌膚做深層補水💦 呢款亦係我第一款用嘅B5產品 效果真係好好 keep住用仲會改善到原本皮膚因為乾而帶嚟嘅煩惱 例如用完之後會更加上妝、冇咁容易乾到痕 用頭一個星期已經feel到有分別 有時萬寧做特價/有set裝嘅時候買最平！ 大推‼️

Karman28好用推薦：已經回購過五六支，十分推薦，我是配搭同品牌的b5 gel使用，屋企一定會買定幾支精華同cream看門口。呢支cream係偏向gel狀。 夏天用呢支cream，是十分清爽，唔會有暗粒問題。而且呢隻b5係我用過入面唯一一隻化妝唔會起擦膠碎而又夠保濕。 冬天敏感肌，都係全靠b5 gel同呢支cream救番d皮膚。一d都唔刺激皮膚，仲好快有保濕既作用。

皮皮爱马桶好用推薦：感谢@Cosme这次Benefit试用体验, 本人也是首次使用这个品牌。老规矩先上一张大合照。图中左上方为Benefit柔雾控油毛孔细致霜(旅行装2支)，右上方为强力无重定妆喷雾（旅行装2支），下方为柔雾控油蜜粉（虽说是迷你装，但是好大一盒，比我在别家买的正装还要大） 本人夏季肤质为混合偏干，两颊中性肤质，T区比较容易出油，尤其是鼻翼非常油。为了体现产品定妆效果，本次测评分为左右脸进行，其中观众视角左脸使用了Benefit定妆三件套，右脸则没有定妆。 首先上一张素颜图，只做了基础护肤步骤，上了水、精华、乳液。  然后右脸上妆前乳，用化妆蛋轻轻拍开；左脸上Benefit柔雾控油毛孔细致霜，用手点涂后抹匀。   全脸上粉底液，用化妆蛋拍均匀。左脸用Benefit柔雾控油蜜粉定妆，可以看到粉质细腻，而且是肤色，上脸不会假白;右脸无定妆。左脸再用Benefit强力无重定妆喷雾定妆，按照说明以一个手臂距离喷上；右脸无定妆。刚上完妆对比图: 左脸有定妆:右脸无定妆: 持妆6小时后对比图，可以看到未定妆的右脸已经有微微浮粉+脱粉氧化:左脸则基本和刚上完妆的区别不大，妆效保持较完好:由此总结得出，B

Jolicious好用推薦：好開心得到@cosme 邀請，得到Benefit The POREfessional 柔霧控油系列試用機會，呢個系列一向口碑好好，每逢夏天日常需要維持抗油抗汗嘅妝容時，油肌人士對benefit The POREfessional一定唔陌生，係最穩陣嘅首選！ 今年夏天，The POREfessional推出左全新升級版，其中之一係「柔霧控油蜜粉」 💖將「柔霧控油蜜粉」重點上左易出油嘅部位，包括T字位同鼻翼兩側，粉質好滑好細緻，帶調色效果，掃上面零粉感偏貼服自然，而且明顯睇到毛孔被柔化 ✦上妝同時用左同系列「柔霧控油毛孔細緻霜」同「定妝噴霧」，測試控油同持妝度 🔼剛上妝效果 🕗持妝8小時 上妝後嘅行程係出入户外(高達32度另加一兩陣驟雨）同室內（商場同餐廳溫度大約22度)，去到第4-5個鐘，鼻翼有微微出油情況，比起平時2個鐘已出油，出油量明顯減少，輕輕用紙巾印走油後(無進行任何粉底補妝)持妝度無乜影響，而且面臉表面明顯係比平時清爽唔會黏笠笠，8小時後，成個妝容都仲係幾完整keep到近8成，對油肌人士黎講係好大嘅福音！

Kura好用推薦：CANVAS玫瑰滋潤補濕睡眠面膜 用完令到皮膚容光煥發嘅一款滋潤面膜，味道超香玫瑰味，質地好容易搽上臉，我唔會敷過夜，通常厚20至40分鐘就會洗走，但已經吸收曬，同埋呢款面膜好容易清洗，後續發現塊臉會提亮變白咗小小，我有keep住每日用，皮膚都有改善，價錢個人感覺偏貴小小，不過值得乾性肌膚再回購，我都會再回購，因為好鍾意佢嘅玫瑰香味，同埋夏天用真係好正 #夏日必備保養

zetalhc好用推薦：作為overnight nask使用非常保濕同埋我個人覺得第二朝油光都少左，平衡左油脂分泌。介紹有話呢個產品可以促進膠原蛋白再生，但效果暫時未見。另外味道都好香好清新，會再回購！

Kura好用推薦：呢款磨砂膏係長期 @cosme 榜單上非常有名，用完皮膚真係變滑咗，但唔係假滑個種滑，係用完過咗幾日皮膚都keep住滑嫩嘅感覺，磨砂膏嘅質地係似雪葩咁，但磨砂粒子好幼細，用上皮膚都唔會覺得有好大感覺，但係用完皮膚唔會覺得乾，同埋唔會有種油luplup嘅感覺，保濕滋潤度都唔錯，同埋沖涼過水就可以清潔得非常乾淨，我皮膚黑色素沉澱嚴重嘅位置用咗幾次之後都會變淡，令到我整體嘅膚色都變得均勻咗，我通常會一個禮拜用一次，但夏天會用得密d，因為夏天出油比較多，身體角質會厚d，但經常用都唔會好心痛，因為價錢唔算貴，所以非常高性價比，仲有唔重香味，非常好用，我會繼續回購呢款磨砂膏 #我的崇光感謝祭必買去角質 #去角質 #我的崇光感謝祭必買去角質

Heychauchau 好用推薦：一直有耳聞Oh!Baby身體去角質磨砂膏不錯用，最近到藥妝店買來試用看看。磨砂和平常使用的差不多，顏色是呈白色，沒有加上額外的色素，沒有難聞的香氣，而且性質溫和，目前使用過程中沒有強烈不適。每週使用一至兩次，可以清除皮膚表面的死皮，以及老廢角質，使用後讓皮膚看起來很滑嫩，以及有水潤和通透感。 這款蠻適合喜歡比較簡單一點磨砂膏的人，畢竟是使用天然成分為原材料，性質也很溫和，而且也沒有香料、色素，以及礦物油。即便沒有加上額外特別成分，也可以達到去除老廢角質。相對其他磨砂膏，Oh!Baby身體去角質磨砂膏的性價比較高，570克價格也大概是15x，使用時間也可以接近/超過兩個月（如果有按照時間表使用，一週一至兩次），持續使用可以讓皮膚變得啵亮、乾淨，目前預計是會繼續回購的產品之一。

Nicole 好用推薦：這支磨砂膏的磨砂顆粒很細，所以在身上搓起來一點都不疼，而且好推開，用一個五元硬幣的量就可以推勻單腿，遇水也特別好沖洗，還有淡淡的自然香。 用完之後皮膚真的變得光滑，而且又不會繃緊，性價比超高，值得回購！

Ming好用推薦：呢支身體磨砂膏好好用，有少少香味，沖涼嘅時候，濕咗皮膚，用少少磨砂膏卒勻全新，用完之後皮膚會變到好滑，磨砂粒子好幼滑，就算大力啲捽都冇問題，滋潤保濕度夠。

bearbear246好用推薦：面膜質紙材透薄，所以非常貼面，同時大小適中。 有大量既玻尿酸精華液可以掛係面膜紙既同時唔會掉落，所以就算敷住面膜都可以做其他野。敷完有保濕感，但又唔會太黏立。皮膚吸收度高，敷完洗面後有潤澤又有彈性感覺。產品價格偏高，會等待特價時入手。（約$280/8片）

Ming好用推薦：面膜好貼面，容易吸收，皮膚吸收得好好，敷嘅時候，皮膚有少少感覺，好似真係導入緊啲精華咁，好似有少少吉吉地，敷15分鐘塊面膜已經乾晒😅精華份量正常，因為有三層面膜，所以覺得好重，但係其實中間嗰張面膜紙好薄，保濕效果都好明顯。呢款面膜只有保濕，冇其他功效，以呢個價錢嚟講，性價比不高。

橘子貓好用推薦：TTM的面膜我一向很喜歡，早年去台灣旅行還會特地去買（當時香港還沒有)。現在幸運被抽中試用，可以更新一下我的使用心得！ 簡單來說，生物纖維面膜（以下簡稱生纖面膜）組成基底是細菌纖維素，有別於一般傳統膜布的片裝面膜，它是類似用於燒燙傷口的皮膚敷料，能很好跟人體皮膚貼合，形成一個獨立的封閉空間。當面膜被體溫加熱，精華能更有效被皮膚吸收。 基於生纖面膜的特點，比起敷一般布面膜需要更多時間。最好在洗澡後毛孔張開，臉頰還濕潤的時候敷上，敷25-30分鐘，最能體會其好處。 TTM的生纖面膜是我用過眾多之中，數一數二的好，甚至比許多歐美大品牌都好用。 第一，面膜厚度及柔軟度剛好。上臉貼服，只要不做大表情，不太會移位；第二，精華濕潤度足夠。有些生纖面膜偏乾，就算我先用精液打底去敷，都有種敷完好像沒敷的感覺。但TTM的，敷完揭開膜紙那下，雖然沒有一般布面膜般即時水潤感，當過完水，會摸到皮膚潤潤滑滑的，感覺想精華已經被皮膚吸收到底層，而不是洗完臉就把精華洗掉了般。 黑蜂蜜這款是我在三款之中沒有購入的，用了Cosme送來的試用後有點後悔（笑）。敷上臉時就聞到一股淡淡天然蜂蜜甜味，精華液跟其他兩款不同

二階堂優希好用推薦：好榮幸今次抽中提提研嘅試用活動! 我收到三款唔同嘅面膜,分別係「TTM 保濕金箔黑面膜」、「TTM珍稀原萃-黑蜂蜜活源新肌生物纖維面膜」同埋「TTM珍稀原萃-永生苔瞬活修復生物纖維面膜」 收到當晚我就開左黑蜂蜜活源新肌生物纖維面膜黎用,睇番介紹寫佢有強化肌膚屏障,延緩肌膚老化仲有減少皮脂生成嘅功效,都幾令人心動 打開包裝見到入面係幾厚一疊野,拎出黎先知原來係有兩張方形網上下咁夾住塊面膜,第一次見到咁嘅包裝感覺幾新奇 拎開兩張網之後中間就係主角黑蜂蜜活源新肌生物纖維面膜喇,佢係好似蒟蒻質地嘅膜布,滑捋捋嘅手感有少少難拎住,第二次敷嘅時候我就其中一層網同面膜一齊撻上面再撕走張網,咁樣會易d敷上面 面膜上面感覺會有少少向下跌,主要係嘴附近嘅位,但唔會覺得焗住塊面,有少少冰冰涼涼嘅感覺 敷完唔會覺得黏,唔洗過水都好清爽,同埋即時係感覺塊面水潤左毛孔細左,其他效果暫時未感受到可能要敷多幾塊先feel到 整體上,佢敷完唔黏好水潤,除左上面之後有會少少下向跌之外冇咩缺點,我覺得呢款面膜係值得大家一試嘅

inkitsung好用推薦：「基本4️⃣點」為佢地嘅基礎保養組合～ 透過深層保濕➡️促進代謝➡️補充滋養➡️保護防禦，一層一層去養護每一寸肌膚✨✨ 🤍7️⃣保護乳液Milky Veil Lotion，作為護膚最後一步，滲透力高、質感清爽 ~ 能補充皮脂缺乏的營養成分及滋潤肌膚，從而調整皮脂平衡、強化肌膚抵禦~ Full set我用左3-4日左右，我覺得每一樣都極好吸收👍🏻👍🏻 就算晚晚開冷氣瞓覺，第二朝依然keep再保濕彈潤～ 明顯有極高嘅保濕滋潤度⬆️⬆️連帶覺得皮膚更光澤透亮添～

Beautyfish好用推薦：今次的試用品由@cosme提供，非常感謝，讓我可以好好體驗一下這個在日本非常受歡迎的牌子— Domohorn Wrinkle 。 從他們的網頁得知，這個品牌的產品是由製藥公司研發，採用了很多有效中藥成分，而他們更是第一間在日本以膠原蛋白製作乳霜的公司。 這次的試用品是基本4點的half set, 足夠30天早晚使用。雖然這個是半set套裝，但產品包裝一絲不苟，用上了磨砂玻璃樽，簡約得來很有質感呢！由於基本4點要順序使用以達到最佳效果，包裝紙盒內清楚列明產品的使用步驟及份量，產品樽身上亦有對應步驟的數字，這些細節令我覺得這個品牌很細心。 每一種產品都有不同的使用方法，品牌的網頁有短片示範產品該如何使用能達到最佳效果，我覺得這一點很貼心。網頁亦有列出產品的全成份表，我發現其中有很多是天然的植物成分，這對於喜愛天然成份的我來說很吸引。 我的皮膚狀況：混合性偏乾，尤其兩頰頗乾燥 試用時天氣：寒冷而乾燥，濕度只有30-40% Milky Veil Lotion 基本4點內的第四件產品是Milky Veil Lotion，是Cream 20之後的step，用一pump份量在面上輕輕推開，用

graceky好用推薦：感謝抽中今次試用 抽中試用組合係美白保濕：綠茶+柚子 連續6日會交替使用 未用前額頭都比較暗沉 唔係好白淨嘅柚子係屬於乳液狀面膜 今次覺得都有啲貼心設計 多左兩側嘅角角 會方便拉返平整 令面膜更貼服 而乳液方面 都唔會話好水/好黏 都幾適合呢排嘅乾燥天氣眼周 鼻翼都比以前嘅更貼服 感覺係唔錯👍🏻 After敷完之後明顯保濕度提升咗 額頭甚至已經冇咁暗啞 第二日都覺得皮膚唔會乾淨淨 保濕度都持久 以下係6日交替使用後嘅皮膚狀況水潤度 光澤度都有提升保濕效果都係唔錯 😌 額頭冇咁暗啞 皮膚都有飲飽水嘅感覺 整體幾好😌

Meow好用推薦：十分感謝 @cosme 邀請試用 INNISFREE 天然能量面膜 Energy Mask (綠茶三片，柚子三片) 。 我抽到嘅綠茶同柚子面膜功效係美白保濕，其中柚子喺保濕嘅基礎上加上令肌膚可以亮白嘅成分，從而改善肌膚暗沉嘅狀況。而另一款綠茶面膜主要係保濕舒敏同埋改善肌膚乾燥嘅問題。 INNISFREE 天然能量面膜可以每日使用，而我收到試用後亦都連續敷咗六晚。 柚子面膜有一陣好好聞既柚子果香味，令人聞落非常之放鬆，而每一片面膜嘅精華有22ml，非常足夠浸潤整張面膜紙。 面膜紙十分貼合面型，使用感到舒適，唔會移位，面膜紙剪裁方面做得唔錯。 喺乾燥嘅轉季季節中，我嘅皮膚比較乾燥同埋容易出現繃緊嘅情況，柚子面膜嘅精華液同綠茶面膜唔同，柚子面膜嘅精華係乳液狀，而綠茶面膜嘅精華比較水狀。 對比起綠茶面膜，使用柚子面膜後明顯感覺到滋潤，而且可以即時見到有透亮嘅效果，不但可以改善肌膚繃緊同缺水情況，仲可以美白，同綠茶面膜交替使用後，可以達至保既濕鎖水又透白嘅功效，對於成分天然既面膜黎講十分唔錯。 面膜浸潤圖： 面膜貼臉度： 使用後：

pink1314923好用推薦： 感謝 @cosme 邀請 試用 INNISFREE 天然能量面膜 Energy Mask (綠茶和巴西莓) ，這六天也晚上敷1片 。 我抽到的綠茶面膜能保濕舒敏和抗氧化，而另一款巴西梅能滋潤補水和緊緻皮膚，面膜的精華也有22ml，非常足夠滋潤保濕。 首先講一下INNISFREE 天然能量面膜 Energy Mask的賣點： 它用上天然原料的純素面膜，純素材質質地薄而不會容易撕裂。這款面膜適合每天使用的溫和面膜，有通過皮膚科醫生測試，性質溫和，皮膚比較敏感的人每天使用也不用擔心。 INNISFREE 天然能量面膜 Energy Mask 用後感： 巴西莓面膜：知道巴西莓含有豐富營養成份，可令皮膚變得更光滑有彈性。我連續敷上6片面膜後，感覺到改善了我皮膚不平滑的問題，有飽滿、透亮光澤的感覺。面膜紙厚度適中，貼膚度很好，敷上後很舒服，能覆蓋在面上不會皺起，很適合我的面形，面膜有些少像雲呢拿味的香味，這種香味我很喜歡，甜甜的我接受到而且不會太刺鼻。精華液份量也多，精華顏色奶白色的，比起綠茶面膜更水潤保濕，與綠茶面膜相比在第二天早上化妝更加貼妝，這個很讚喔。如果兩者面膜相比之下，

sallysays好用推薦：【去黃助手︰INNISFREE 天然能量面膜】 一向都知道自己臉色暗黃，少時候胡亂減肥的後果:( 不過沒有想過皮膚黃會帶來如此大的影響! 話說人生重要大事我找了一個很信任的MUA，覺得化妝技巧好，人人都可以變女神；所以LAST MIN BIG DAY 最後一星期才試妝。出來發現，總是沒有人家bridal look很白很清的感覺，與MUA研究一輪才發現，我的臉太黃了! 當然使用調色的化妝用品也可以有幫助，不過要妝感好，皮膚狀態也十分重要! 在我瘋狂研究去黃時，我發現重點是要抗!氧!化! 只要抗氧化做得好，就可以由根源改善膚質，INNISFREE 天然能量面膜 巴西莓+綠茶組合正正是抗氧化，來得正合時。 巴西莓面膜質地明顯厚身，精華是呈奶白色的，與綠茶清澈質感明顯不同。上臉很滋潤卻不會感覺很封毛孔。精華的份量也很多，第2天起床覺得毛孔細緻了，而且有很鎮靜的感覺。 除了由內在入手，外在的護膚品對於去黃也十分重要，特別是面膜。我喜歡在睡前敷，感覺加強了護膚的功效，把我其他抗氧化的精華等效果擴大。抗氧化是持久戰，這產品成份天然，使我安心天天使用! 我有信心去回購，期待持續使用後的抗氧化去

Cosmeemee好用推薦：感謝@Cosme的試用邀請🙌 呢款係我第一款用嘅A醇精華～唔知大家有冇聽過早C晚A嘅護膚Routine，就係朝早用維生素C淡化斑點、改善暗沉，夜晚用A醇幫助肌膚代謝角質、緊緻毛孔，可以今次終於可以試吓啦！ 🔽試用資訊🔽 🗓️使用時間：持續使用10 天 🇫🇷產品產地：France 💆🏻‍♀️個人皮膚狀況： 混合乾性肌膚，全面易乾而出油 使用產品後沒有任何過敏反應 🔽全面使用心得如下🔽 1️⃣ 產品質地 質地呈gel狀，非常易推開同吸收，用完之後覺得肌膚有彈性唔黏笠🙌 用完之後再搽防曬或者底妝，反而更貼妝🤭 2️⃣ 提亮膚色、平滑肌膚 塊面喺啱啱起身嘅時候，非常暗沉同埋膚色唔均勻，之後用完佢嘅潔膚露已經白咗一度🤣再用埋呢款A醇精華，再進一步收毛孔同撫平眼底乾紋👍🏻 （效果見圖，潔膚露的Review請移玉步到另一篇貼文♥️） 3️⃣改善痘印 雖然只係用咗一星期，但已經有即時嘅淡印效果😎 原本眼底有啲雀斑，圖入面都見到真係淡色咗少少🤣 🙌總結評分🙌 產品質地：♥️♥️♥️♥️♥️ 提亮膚色：♥️♥️♥️♥️🤍 平滑肌膚：♥️♥️♥️♥️♥️ 改善痘印：♥️♥️♥️♥️🤍 推薦

lisafancy好用推薦：好開心入選參與 CeraVe試用活動，謝謝@cosme ！ 作為混合性偏油肌膚，皮膚暗沉、毛孔粗大既問題對於我嚟講比較困擾，所以由洗面乳去到精華都會選擇返水楊酸同埋A醇成份既產品。 我用緊既洗面乳 - CeraVe 去油抗瑕疵白泥潔膚露 我自己一直都係CeraVe洗面乳既忠粉，因為用落明顯見到少左好多出油既情況 (⁎⁍̴̛ᴗ⁍̴̛⁎) 而我最鍾意佢入邊有水楊酸成份～ 🔎水楊酸 ：可以疏通毛孔 + 改善瑕疵，溫和去除老廢角質，同時調理油脂分泌過多，預防痘痘粉刺形成，使肌膚更加潤澤平滑。 今次試咗CeraVe A醇全效平滑祛印精華 真心有驚喜！佢質地易推，感覺水潤不黏立，好快就吸收晒，入面蘊含A醇成份令我對產品更有信心，除咗可以改善膚質及提亮整體膚色；另外加入咗三重親膚Ceramides及Niacinamide(維他命B3) 配方有助修護肌膚表皮屏障功能，減少痘印和毛孔，提高皮膚光滑度🫶🏻～ 對一個混合偏油人士嚟講，真心推薦！