Karman28好用推薦：已經買過好多支，佢好易起到泡，清潔能力很強。但唔知係咪去油脂太勁，曾經都有d 時間洗完塊面會好崩緊，但勤力補水後，又無呢個情況。

lingbb好用推薦：用緊第n枝，皮膚敏感用佢洗面都不怕 只要好少份量就可以起好多泡（如圖) 香味剛剛好，泡泡質地上面好舒服， 泡泡係洗面黎講都幾重要 可以消除所有疲倦，仲要好乾淨！用耐咗皮膚有機會變得乾，所以我會係間中先用一次，例如好油想清潔感多啲時先用。乾肌要小心使用。但佢算係性價比到極致 #清潔好物推介

zetalhc好用推薦：大推比有背痘嘅人使用，性價比超高，而且唔刺激，用完唔會紅腫痛。每日沖涼嘅時候擦下心口或者背部，好快就會見到痘痘少左

wintonggg好用推薦：清洗效力幾好，feel到洗完好乾爽，本身胸前同背脊都有D痘痘，keep住用半個月有消到，不過我覺得時間長左D，冇即時效用

維他他好用推薦：超級好用的卸妝油，可能我本身只係用防曬就出街，冇眼妝，粉底嗰啲，所以覺得足夠乾淨，而且佢$128 ，就有400 mL，超級大支，可以用好耐，所以性價比好高。 卸妝油嘅用法係乾手乾面，然後泵三至五下喺手心度，然後搽喺面度打圈，按摩，我覺得好乾淨好舒服，淨係卸防曬的話已經足夠，已經多次回購

貓餅好用推薦：個人認為非常好用的卸妝油，用來卸防曬十分足夠，而且乾淨，用油卸的好處，是皮膚絕對不會感到繃緊，一 支好像$95左右，便宜又大支，擠多一點也不怕

黯然仙人掌好用推薦：之前唔知買咩送嘅贈品 白色膏整有微量嘅顆粒，淡淡嘅青蘋果味，可以起到好濃密嘅泡泡。 混油肌洗面覺得有少少乾，要即刻搽爽膚水先okay 用黎洗背脊d 痘痘又幾好😂洗完好乾淨 應該會好適合油肌

Kura好用推薦：超好用嘅洗臉膏，有一次超級市場減價買嘅，用完皮膚變得好滑，值得再回購

呆呆的槑好用推薦：超平價的洗面奶～ 這款是系列中個人覺得最好用的一支，清潔力強但是不會太乾(起碼我洗完澡吹個頭再搽面也不會太緊繃🤣 味道是偏肥皂味，起泡能力佳，小小就可以洗整塊面，不過很奇怪，要分開加3次水才會搓出綿密的泡泡，不知道大家是不是也這樣🙈 下圖示範： #BA照

Karman28好用推薦：其他呢個牌子既洗面膏，因為朋友話好用，我都試混哂唔同顏色。呢支都係清潔力好好既，不過長期用，覺得皮膚會有d 乾。要留意番個保濕。

Viannie好用推薦：已回購多次，落妝落得好乾淨，質地係膏狀嘅油，上臉後快速溶解彩妝，好鍾意佢個香味，每次落妝都好似做緊spa咁🥰 冬天上臉推開後，可加熱毛巾敷一陣，加水乳化後洗淨，滋潤唔乾。 價錢偏貴，通常等佢做2送1/black friday先買

takemyokane好用推薦：Elemis的皇牌卸妝膏，膏體上臉易推開，按摩全臉至膏體溶化成油狀後沖洗，沒有任何油膩感殘留，感覺清新乾淨。如果上妝較濃可能需要按摩較長時間才能深入清潔。一罐 50 ml 一兩個月內就用完，以正價計算性價比不高，要趁特價時預備存貨。 塗上唇膏，未上卸妝膏的狀態上卸妝膏後推開沖洗一次後的效果

Blehh好用推薦： 首先多謝cosme抽中今次嘅試用，本身係混合肌，因為夏天所以都物色緊去角質嘅產品，今次kanebo爽膚水嘅表現好滿意✨ 首先佢到出嚟嘅質地係偏清爽，唔會好似精華水咁稠，流動性好高亦好易吸收。另外都冇咩奇怪嘅味道，上到臉感覺到水潤舒服。用咗一段時間覺得皮膚軟熟咗，同埋變得均勻透亮。總括嚟講，覺得佢都幾適合夏天用，冬天的話可能保濕度就未必夠。另外個人覺得個泵有啲難控制(?，個角度好容易濺到周邊都係  另外附送嘅化妝棉都好鍾意👍🏻👍🏻 就張就可以分開四層，好襟用。而且佢嘅質料好柔軟親膚，唔會好「鞋」，有輕微嘅彈力，唔會一拉就爛，亦唔會起毛粒，無論濕敷定抹面都唔錯。 不過最令我驚艷係佢可以溫和去角質嘅成效。濕敷之後攞去輕輕擦面，個化妝棉即刻充滿着啲黃黃灰灰嘅老廢角質，但同時塊面都唔會覺得好乾用嚟抹頸或者其他冇仔細保養嘅部位個效果更加明顯🙀😽

saphi好用推薦：最近收到KANEBO 的雙效修護嫩膚水, 產品表示同時間可以去角質但又做到滋潤效果, 平時通常去角質就是清潔力比較強, 很難想像如何同時間會有保濕效果, 於是抱著半信半疑的心態下試用..... 呢支嫩膚水係有泵頭, 對控制份量都幾好, 質地偏水狀清爽的, 我有配合同品牌的化妝棉用, 抹面後仍然幾清爽的, 因為有化妝棉既關係, 感覺上係會好似一邊保濕又一邊去左d死皮角質, 同時間仲有另一個用法, 就係可以濕敷, 我試過鼻上濕敷, 鼻翼的角質層係容易清除, 再用化妝棉輕輕一抹都會見到黃黃的 感覺上用左一個星期, 皮膚係透亮左少少, 呢款產品我覺得夏天使用比較合適, 因為天水熱出油出汗的情況較多, 每日使用可以幫助去除角質, 又有清爽水潤的感覺, 唔會好似其他清潔產品用完扯住扯住皮膚咁, 但冬天就未必適合日日用, 冬天可能間唔中濕敷用黎溫和去角質就ok! 平時潔面後先用佢成塊面抹一次, 後續既精華都好似更容易吸收, 又或者用完佢再敷面膜, 效果都事半功倍~ 用黎濕敷腳跟都不錯的~~~會嫩滑返!

Milo101好用推薦：香氣很舒服，洗澡可以起到泡沫，雖然不算豐盈，但仍然很乾淨，同時感覺溫和

葉子🍃好用推薦：微藍色，只需小量足夠全臉，起泡很快很多，洗面好乾淨同清涼，感覺清爽但不乾，未覺得很滋潤，感覺不錯

Giselle 好用推薦：Biore 深層淨化洗面膏 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢個系列算係Biore入面最出名嘅洗面膏系列˚₊*୧⃛(๑⃙⃘⁼̴̀⁼̴́๑⃙⃘)୨⃛*₊˚我好細個嘅時候有接觸過呢一款產品❤︎(｡☌︎ᴗ☌︎｡)呢款產品只要加少少水就已經好快搓到好綿密嘅泡泡(✿︎´ ꒳ ` )♡︎不過洗完面之後對我呢個乾肌人士來講會有少少乾(⌯︎˃̶᷄ᗝ˂̶̥᷅⌯︎)所以同我一樣皮膚偏乾嘅小伙伴一定要做好後續補濕程序⸜( ´ ꒳ ` )⸝佢所嘅深層潔淨效果比其他同系列嘅洗面膏更加出色(๑•̀ㅁ•́๑)✧︎洗完面之後真係會有一種皮膚洗乾淨咗嘅感覺( •̀∀︎•́ )✧︎如果有深層清潔需要嘅小伙伴，不妨可以試吓入手呢一支產品(σ´з｀)σ

Angie好用推薦：好平好大枝，用完塊面有明顯緊繃感，洗得好乾淨，不過真係太乾，唔太鍾意

Giselle 好用推薦：Bifesta 深層卸妝潔膚水亮白型 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前入手嘅產品₍ᐢ⸝⸝› ̫ ‹⸝⸝ᐢ₎我自己覺得呢款產品嘅清潔力算係幾好( ⸝⸝•ᴗ•⸝⸝ )੭⁾⁾雖然防水睫毛膏同眼線嗰啲唔算清得好乾淨，但佢可以清到持久力幾強嘅唇釉同粉底液"(⌯︎¤̴̶̷̀ω¤̴̶̷́)✧︎因為我有唇炎嘴唇唔可以接觸香料成份(꒦ິ⌑︎꒦ີ)呢款嘅低刺激無添加香料成份就令我用完都唔會敏感(✿︎´ ꒳ ` )♡︎呢款雖然係亮白型，但用完後唔覺得皮膚有變白₍ᐢ ›̥̥̥ ༝ ‹̥̥̥ ᐢ₎如果係抱著會有美白功效嘅小夥伴入手咗好大機會會失望哦(⌯︎˃̶᷄ᗝ˂̶̥᷅⌯︎)

Noel好用推薦：Bifesta 潔膚產品深受我喜愛，這枝 Bright up 卸妝＋潔膚水，清潔力無容置疑，一如既往的好，倒到化妝棉上輕抹就能有效卸妝👌價格也很親民，大大瓶可用上三至四個月。當然，不要妄想可卸淨睫毛液啊！這枝香味不難聞，沒有致敏或薰眼，唯獨沒有「亮白」效果 😝