毛孔遮瑕 推薦好用產品

Jasmine Yuen好用推薦：呢款Primer Gel性格比高，用少少薄搽1層已經可以填毛孔，而且會成塊面好滑，仲能夠令我的粉底更加服貼。 佢係無顏色，所以就咁用唔會遮到任何瑕疵／改善膚色

LenaC好用推薦：bareMinerals既妝前底霜特別適合混合性肌膚 成份含天然礦物二氧化矽同非洲樹皮萃取 有效吸走T字位既多餘油脂 修飾毛孔 令妝容更持久清爽 同時蘊含保濕成分 幫助肌膚達至水油平衡 佢既質地係輕盈透明乳霜 塗抹時會瞬間化成粉狀質地 好似喺肌膚加上一層薄紗 輕鬆塑造自然啞緻妝效

Fng好用推薦：淡淡粉紅啞光質地，有少少提亮效果，粉質細膩， 上面霧面妝感， 透薄自然 同埋搽咗上臉後，有加咗filter嘅功能， 修飾毛孔一流，控油效果亦不錯， 夏天出油都唔會溶妝一撻。#火熱新品

FishYu好用推薦：平時用開Laura最classic個款碎粉，見到新出呢款話係柔焦，諗住會更加霧感就試用左。用後覺得係比classic輕盈， 遮瑕力較弱，適合淡妝。有dd閃粉，拍係手背都幾覺眼，拍上面就唔太顯眼。保濕效果覺得同classic款分別不大。

xkatxx好用推薦： -帶口罩嘅最佳拍擋- 疫情之下日日都帶住口罩 😷 大部分嘅粉底都會甩曬係個口罩到 一除口罩就上下兩隻色 Chanel 呢支粉底粉雖然都會痴左啲顏色係口罩到 但呢隻粉底只要一上面就會好穩固咁痴住塊面 十分貼服 👍🏻而且控油能力都唔錯 唔易出油！ 但遮瑕力較弱少少 比較岩天生麗質無咩瑕疵嘅朋友 但疫情下帶哂口罩 遮瑕度我自己就無太著重！帶左成日口罩個妝感都仲好靚 奶油肌👍🏻 每之用嘅份量唔洗多就可以上哂全面👍🏻好慳粉底

kakawong525好用推薦：好清香，每次用心情都變得好放鬆好療癒 妝感出黎好水潤透薄，打底用咗CHANEL LE BLANC 嘅base 好似原生肌噉，睇落皮膚好好。出咗油會變奶油肌😍😍大愛

mandy好用推薦：Make Up Forever HD Skin Hydra Glow Hydrating and Glowy Liquid Foundation 高清光感柔焦粉底 $440/ 30ml 很多化妝師為客戶上底妝前都會為客戶先敷保濕面膜， 這是為了令之後上底時會更服貼易上妝。 高清光感柔焦粉底就是為了讓大家省去 敷保濕面膜的時間而誕生，號稱是mask+foundation 2合為1的產品哦! 此粉底著重提昇光澤+保濕力+柔焦效果。 高清光感柔焦粉底質地水潤易推， 含有不少保濕及抗衰老等護膚成分， 保濕力很不錯，亦可以高度遮瑕， 完美遮蓋毛孔及泛紅。 底妝帶自然光澤，完妝效果為水光肌， 妝效自然服貼，具乾淨感。 可調整膚色，令肌膚更提亮、更上鏡並帶柔焦效果。 持久度方面，肌膚在午後少量出油， 大家可以按自己需要決定是否補少少妝。 注意: Make Up Forever 高清光感柔焦粉底 並沒有防曬成分，請記得在上底妝前先上防曬呀。 含保濕成分: 甘油, 戊二醇, 荷荷巴油, 椰子果萃取, 牛油果, 醋酸鹽維他命E, 藻膠, 半乳糖阿拉伯聚糖, 玻尿酸鈉, 麥芽糖糊精 及 生物糖

Kura好用推薦：我好鍾意呢一款粉底液，之前去專櫃試色同埋試上臉真係超水潤超貼服，就算我戴口罩好熱都冇脫妝，值得回購嘅粉底液 ，我用嘅顏色係1N00 #火熱新品 #火熱新品 @cosme

zetalhc好用推薦：有輕微控油功效同埋可以作調色隔離霜試用，可以輕輕調亮膚色。個人覺得性價比唔錯，但係就無咩保濕力，需要用之前用多少少保濕精華，如果唔係會有少少粒粒出現。

tung好用推薦：用開藍色 推開好自然 唔會白咗幾度或者面色好奇怪 之後上粉底都易推 暫時用左幾隻都冇推到擦膠掃

mandy好用推薦：Givenchy Beauty MATISSIME VELVET FLUID RADIANT MAT FLUID FOUNDATION SPF 20 - PA+++柔霧絲絨啞緻粉底液 完妝效果為 啞緻底妝, 可是我最近比較愛光澤肌, 所以我是混入了幾滴美肌油使用。 我非常喜歡 柔霧絲絨啞緻粉底液 的質地, 非常輕盈不悶熱, 而且即使在炎夏使用也很舒適, 令肌膚可以在粉底下依然自由呼吸。 柔霧絲絨啞緻粉底液 有很不錯的提亮及均勻膚色的功效, 亦可調整膚色, 遮蓋泛紅的位置, 遮瑕度也很不錯, 可以遮蓋毛孔。我在使用柔霧絲絨啞緻粉底液 後, 有再上蜜粉, 底妝在午後也沒有出油溶妝, 持久度很好。此外, 妝感自然不明顯, 完全不會有戴面具的感覺, 也令我更樂於上底妝。   

綺羅香好用推薦：乳液狀質地好易推開，有好淡嘅氣味，妝感透薄唔會厚，遮瑕力就一般般，乾咗係好靚嘅霧面妝感，很好貼合皮膚，暫時持妝半日都未見會致痘，但可惜暗沉得幾快，正考慮入手

MC625好用推薦： 見網上好多人都好評 樂天又有promo 就買嚟試下 我黑眼圈勁深（鼻敏感+夜瞓） 黑黑啡啡藍藍咁 粉紅怕太白 所以買三文魚色試下 都叫做遮到4成既 係有少少失望 不過最大問題 係呢隻遮瑕液好易現乾紋... 唔知點解網上好多人話佢好滑唔會出乾紋 而且佢產品本身都話可以遮到法令紋添 但竟然一掃開 乾紋即見 印上就好少少 不過都係有 真係從未試過用遮瑕液會即刻出乾紋 無言

YiN好用推薦：我首先購入了橙色，用後發覺效果不錯，就加購了黃色和粉紅色，所以只拍了後者的包裝。 ✅色調易用 有部分調色遮瑕膏的顏色太濃，用來調色後要再疊加膚色遮瑕膏才達到自然效果。這枝Calypso Magic Concealer 三種顏色都以膚色為基調，塗在需要遮蓋的位置後，輕輕拍開邊緣就能輕易與周邊粉底融合。有時偷懶想不塗粉底，單用這枝橙色遮瑕遮黑眼圈都不會突兀。 ✅滋潤度適中 滋潤度太高的遮瑕有時會移位，但不夠滋潤又會眼下卡紋。Magic Concealer 剛好夠遮又不會太乾，事先眼部需要做保濕，遮臉部瑕疵時可點上停留一下再拍開增加遮瑕度，是進可攻退可守的遮瑕。 ❓健康膚色要小心使用 黃色和粉紅色顏色偏淺，可以用於提亮。我本身並非健康膚色，但亦不算白皙，如果真的用於遮瑕，這兩隻顏色可能會有顯灰的感覺。 建議有興趣買調色遮瑕，又想先買開架產品試的朋友，可以買橙色，會有不錯的使用體驗。

_.0406._好用推薦：雖然我係混合（偏乾）嘅皮膚 但因為比較多痘印 想遮瑕能力好啲就買左呢款 用左一年 不斷回購 佢嘅遮瑕能力的確唔錯 基本上一層已經可以覆蓋到啲印 唔洗再特別上遮瑕 出街真係好方便～而且佢唔算好乾 之前買其他牌子嘅cushion都會浮粉浮得有啲嚴重 但佢唔會有呢個問題（就算食開A酸+冬天環境下 只要做夠保濕都冇問題！）而且出完汗佢個妝對我黎講會更加服貼同好睇🤣氧化速度都唔算好快 持妝度都好好 粉撲上嘅窿窿都可以令用量更加平均 遮瑕：🌟🌟🌟🌟（4/5） 持妝度：🌟🌟🌟（帶口罩都係會甩妝有少少扣分）

Blueblueblue好用推薦：matte 款適合油肌人士。 出油會變奶油肌，能修飾毛孔。 會回購。

Hamiii好用推薦：的確係有效均勻膚色既👍🏻 但稍稍比較乾.. 要配個比較保濕既底妝會比較好 我自己就只會用在眼周，鼻側，咀角同斑點位 用完基本上都唔需要再上遮瑕.. 直接用有遮瑕度既bb cream/ 氣墊粉餅就夠 都幾方便👍🏻

zetalhc好用推薦：呢個係etude house舊版嘅glow primer，帶微微珠光感，同埋可以開皮膚調色，後續上粉底會覺得順滑同貼服左，總括嚟講唔錯

Tobimak好用推薦：呢盒蜜粉我係在台灣旅行時購入的，我貪佢細細盒，好方便放喺手袋拎出街補妝，包裝亦很有少女感。用附送嘅粉撲輕輕拍一層已能令底妝去油。但係使用份量好難拿捏，好容易令到塊面變得深色左。

chasiutung好用推薦：1028吸油蜜粉餅係我唯一用到見底全盒用完 依然回購嘅蜜粉餅 細細盒有鏡 有粉撲舊版附送嘅粉撲好似nars 嗰款薄到紙咁 新版非常好 優化左粉撲嘅問題 粉撲厚左加左條帶 粉盒厚左小小 但都係細細盒👍 粉質幼細 妝感輕薄 控油效果非常好 顏色自然吾會死白 沒有暗沉 價錢便宜 性價比高 推介

Happymumk好用推薦：前幾日在網上被LAURA MERCIER柔焦保濕蜜粉餅燒著了，見到新推出的蜜粉餅即刻入手了。因為想要一盒方便帶出街嘅蜜粉餅。今日試了妝效，搽完防曬+同品牌遮霞液，直接上蜜粉餅。OMG~啲粉好細緻、保濕個妝好控油。平時一出汗個妝已溶晒，今日妝感好自然，似冇化妝。仲keep到10個鐘+。平時用錯化妝品護膚品都會起粒粒，今日卸妝都無任何粒粒出現。 會keep住用，因為覺得好好用。

lingbb好用推薦：粉質細緻，上面有微微光擇感好適合韓式妝感，持妝能力不錯，除了鼻翼位置成個妝整體完整，會考慮入手 #火熱新品

Connor好用推薦：紫色係柔雾效果，不含珠光顆粒，上臉會有絲絨柔滑感，令皮膚望上去有薄透感。 我本身黄皮用咗有瞬間提亮去黃，仲有小小遮毛孔效果。 產品設計更自帶刷子同收納袋，帶出街就更方便 #火熱新品

Viff好用推薦：最近喺化妝界紫色太Hit了！！我係混合性皮膚，所以買咗Soft Matte，跟埋掃，個質地都幾舒服。 佢Blur毛孔效果好好，而且放喺眼下淚溝嘅位置，會即時有膨脹感！ #火熱新品 

橘子貓好用推薦：自從在第一屆美妝狀元活動上試用了Decorté的產品，就慢慢成為了它的忠實顧客！尤其是AQ系列的，意外地都很適合我的膚質。 平常很少會用妝前，感覺用過的都有點雞肋，只是多了一個上妝步驟，但對整體妝感沒有太大提升，主要是我懶，怕麻煩🤪。這款AQ保濕妝前是BA推薦給我，說可以改善臉部乾燥，提升貼妝度。因為想湊積分換禮物，當時冬天開始感覺混油肌都會乾，半推半就下購入了。 一用之下，櫃姐誠不騙我。 首先，Primer質地好light，流動性高，一顆黃豆的份量已經夠半邊臉，好易推開。淺粉肉色有些許遮瑕度，主要那個潤澤感可以很好修飾細紋、瑕疵，用了它整體肌膚看起來細緻多了。 我很喜歡在冬天用它，真的有像補水精華，可以減少妝後乾紋出現。同時又令粉底跟皮膚更貼合，整個妝感保持得更完整。 另外，它基本上不會跟我的防曬和底妝產品不合，甚至直接用粉餅作底妝都不會上到一撻撻。 用手背作個示範：越用越喜歡，快空瓶了，正打算回購❤️

Noel好用推薦：這款精華妝前乳流動性很高，感覺很水潤，而且接觸到皮膚後，會感到一陣涼涼的效果💕 夏天使用很不錯啊！ Essence primer 具有調色效果，塗到面部變明亮，但不會死白，我很喜歡這個效果。只要上翻碎粉定妝，就很不錯❗ SPF 25 PA ++

Kura好用推薦：係我嘅平靚正粉底液嘅首選，份量唔需要用太多就已經可以搽曬全臉，遮瑕度適中，可以遮到細微嘅瑕疵，我用完呢款粉底液之後膚色有明顯嘅提亮，輕鬆打造到透薄自然嘅妝感，大家可以睇返我嘅對比圖，未用之前膚色較暗沉，用完做到即時提亮，唔會覺得好油，夏天用都唔會話溶妝，我用嘅色號係BR-C，搽上臉係好水潤嘅感覺，我係乾性肌膚都啱用，價錢好平，推薦俾想試新粉底液嘅朋友，產地係日本，信心水準有保證 @cosme

格仔餅公主好用推薦：一搽就貼合到落皮膚度，有少少潤感覺唔會好乾，夏天用又唔會覺得特別焗，唔使再用遮瑕加少少碎粉定妝已經完妝出得街

Candy Ng好用推薦：係之前優惠包裝一齊買回來。 用完之後，覺得佢定妝效果一般，一早出街，過左幾小時之後，就要再補粉。佢long lasting 吾長🙈 佢有一樣野好，皮膚唔穩定，要上碎粉，可以用佢。而且，用完佢之後唔會泛紅。 適合敏感性皮膚使用。

jaye好用推薦：近年因為帶口罩而令到下巴位容易生痘痘，一直想試下用礦物粉底，見到時代廣場counter呢款有旅行裝可以買，就買黎一試，粉質好細滑，用掃打圈掃好快就完成底妝，薄透唔焗促，遮到毛孔，仲有防曬。痘痘問題有改善到，所以覺得幾好，唔傷肌膚又可以做到自然日常妝既底妝產品，敏感肌都可以一試！

Yoyo Sin好用推薦：約會持久妝必備！ 好輕薄既底霜～遮到毛穴又令到後續粉底更貼服～ 性價比極高 用完之後出完一整日街都無溶妝浮粉😍 加左底霜之後上底妝無咁易起乾紋👍🏻T字位都無江易出油😍 用完會再回購

killkew.b好用推薦：算係有顏色既妝前底霜，可能因為係舞台化妝牌子？ 所以個底霜質地比較厚身，搽上面似粉底， 可以遮蓋臉上瑕疵，保濕度還可以， 不過份量要自己調節返，如果用得太多， 會望落去好厚粉，而且都唔適合用完佢再上粉底， 因為作為底霜佢實在太厚身，會容易造成斑駁，似面具咁。

🌸好用推薦：25歲前常用嘅化妝品，上妝自然不悶痘，自帶防曬功效，徒手可以上妝，敏感肌都用得。但係年絕大咗用佢就覺得持妝度不足，三小時左右就會出油+甩妝。

mandy好用推薦：ettusais $195/ 40g Pros: 具修護肌膚功效 容易推開 透薄、水潤 遮瑕度不俗 價格尚可 Cons: 若要挑的話，持久度一般 算各方面表現不俗，難怪日系雜誌狂推! 含防曬成分: 二氧化鈦, 桂皮酸鹽 及 氧化鋅 保濕成分: 矽靈, 甘油, 赤蘚醇, 木醣醇, 醋酸鹽維他命E, PEG/PPG-14/7 二甲醚, 乙基玻尿酸鈉 及 玻尿酸鈉 抗衰老成分: 甘油, 醋酸鹽維他命E, 玻尿酸鈉 及 維他命E 肌膚修復成分: 甘油 鎮靜消炎成分: 木醣醇, 醋酸鹽維他命E, 玻尿酸鈉 及 維他命E 抗氧化成分: 醋酸鹽維他命E, 玻尿酸鈉, 二丁基羥基甲苯 及 維他命E 美白/均勻膚色成分: 維他命E

Fng好用推薦：hourglass 嘅碎粉上面有十分輕微嘅光澤感，冇顏色，透明，一啲都唔顯紋理🤩， 冇遮瑕度， 缺點係毫無控油效果 同埋個H字取粉孔唔知點解好難出到粉， 趕時間時用，有啲忟憎🤨。

rleungyt好用推薦：聖誕美妝日曆裏的迷你版。粉質細滑、控油，但感覺上比起Laura Mercier冇咁控油同blurring🤔

Tiffany好用推薦：遮瑕膏比較乾，遮瑕度亦都高一些，都無那麼容易甩妝，適合瑕疵多的人士。

格仔餅公主好用推薦：遮瑕度好高，岩哂瑕疵比較多既人士用，但有啲偏乾要打好個底先先用

royu3好用推薦：被譽為Decorte 碎粉的平替版，有被驚艷到。 我用的是03 透明色。 有輕微珠光及有防曬功能（防曬系數為SPF16） 粉質幼細，非常貼膚，沒有粉感。包裝小巧，內附粉撲，也方便帶出外補妝。 但粉撲質感略嫌粗糙，很難沾取碎粉所以我都是用其他品牌的粉撲配搭這個碎粉。最近都只用調色防曬+修容+碎粉， 在沒用粉底液的情況下，也能有效修飾毛孔及提亮， 適合打造偽素顏妝感！ 使用碎粉定妝前，我會先輕輕噴一層定妝噴霧， 令妝效更持久。 而且持妝效果不錯，很適合在春夏使用，CP 值不錯，推薦！

kameari好用推薦：呢一個蜜粉個人都幾鍾意，主要係修飾到毛孔，肌膚睇落會變得滑啲，粉質幾幼細唔錯，上面都算自然。而且細細盒要帶出去都方便，不過持久度都可以。