PorscheB好用推薦：官網既介紹 NARS Light Reflecting 原生光蜜粉餅推出全新2色，更能貼合不同色調。適合所有膚色。質地輕盈和輕易混合，這款標誌性配方將美妝定妝一整日，塑造出輕盈潤澤的妝效。粉末中的聚光複合物（Light Reflecting Complex）完美折射光線，有效柔化臉上細紋瑕疵。糅合Photochromatic Technology自動感光科技，妝容可自動調節適應不同光源，令膚色與光線完美融合，不論真人或上鏡、任何角度和光線下，都能綻放自然光采，無時無刻展現最佳狀態！ 網上睇setting powder 既介紹 一定會見過人地推介nars 呢盒 依盒已經係第二次hit 到底🫶🏻 真係十分好用 ，上妝效果好好 好滑， 妝感好靚 控油效果好滿意 雖然盒裡面有塊 薄薄既棉 比人補妝用 但試過幾次，都完全唔知點掌握先會用得好。 所以自己都係屋企 用掃上。 對於自己混合性皮膚黎講 一年四季都岩用，不用令到皮膚摱摱緊。

Kakar好用推薦：之前係用NARS既蜜粉，用哂之後轉左蜜粉餅，都好好用！！！見有好多人都講過原裝既粉撲好難控制，我自己係用掃/長毛d既粉撲攞粉，然後輕輕印上面，就好輕易上到粉。上完粉過左十幾分鐘之後，妝容係最自然。然後呢個牌子既蜜粉令妝容持久度十分高，一整天過後都唔覺得有脫妝。 最近呢盒粉餅用完，轉左另一隻粉之後，深深明白到呢盒粉既持久度有幾高，控油能力有幾好。依家用其他牌子既蜜粉，兩個鐘就開始脫妝，仲要額頭油到反光。 同埋呢隻粉係珠光色，唔會誇張，但令個妝更加靚。

Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd

agnessstang好用推薦：有好多顏色選擇 可以自己組合成彩妝盤 做眼影同胭脂都得 彩度高 用嘅時候要輕手啲 持色度ok

Kristywong好用推薦：本身已經好想買呢盒眼影 ，之前日本啱啱出嘅時候真係完全買唔到。好多謝@Cosme今次嘅試用邀請呀💕今次試用嘅係： 8色眼影盤 #03 本身眼皮成日都唔聽話，泡泡眼嘅我都只係敢用大地色系去消腫🥲 但係見到呢盒眼影個包裝超級可愛，壓花又精緻，細細盒又超級方便，真係好難唔心動🥹🥹 盒仔雖然細細，但係就已經包埋一個小眼影掃同埋有齊唔同妝感嘅眼影 — 由深到淺色嘅粉色，珠光霧面嘅都有；後面仲有個簡單嘅小教學，輕鬆就可以化出唔同嘅眼妝。懶人/新手 friendly 👍🏻 大家都可以自己mix and match 選擇一個啱自己嘅眼妝 😌 粉質方面都好幼細，閃粉唔會太大粒嚇親人😂 亦都唔太會飛粉，好容易就可以blend開，出嚟嘅妝感都好自然。 顏色方面係偏冷調嘅粉色系列，對於白皮膚嘅朋友相對比較友善。霧面色會比起其他顏色顯色啲，但係每隻色唔會太誇張，對新手朋友都可以輕鬆上手，點上都唔會太出錯 😆 至於比較鍾意飽和妝感嘅朋友亦都可以分少量多次咁疊加，非常之咁百搭 😙 試咗幾日，雖然天氣又熱又焗，但係都keep得幾唔錯。對於泡泡眼嘅朋友，建議可用選擇返霧面/比較少珠光嘅顏色做返個漸層，出嚟嘅妝效

Chami好用推薦：多謝@cosme 俾機會試用canmake新出既八色眼影盤(03號色), 呢盒眼影色調行粉色系，因為我本身偏黃皮，所以都好少化粉紅色系眼妝，今次難得有試用品終於可以一試😄我覺得呢盒眼影係做得幾好既👍🏻 首先成盒眼影size只有手掌咁大，非常方便攜帶。雖然佢咁細盒，但佢做到8隻由淺到深既顏色之餘，仲要有齊啞光，珠光同閃片，可以配合到唔同需要/場合，非常值得一讚。另外粉質好幼滑但唔飛粉，眼掃用落仲好有質感，柔軟又帶點厚實，完全唔拮眼，good good👍🏻👍🏻 唯一缺點係：我膚色唔襯粉紅色系眼影🥲 但我會繼續用😆 #火熱新品

Kpl6be6好用推薦：標榜24小時都用得～果然用上後皮膚毫無負擔感～啱哂唔想全素顏但又懶得坐定定化妝嘅時候用～最近於飛機上乾燥嘅環境使用～保濕效果比預期中好卻又能有效吸附面上多餘油脂～唯一要注意嘅係～少量多次搽上面～否則有機會出現泛白狀況～

Ruby Wong好用推薦：🤍睇清楚個名：係素肌！素肌！素肌！重要事要講三次！因為佢真係唔可以同一般蜜粉相比較（期望值不一樣）遮瑕力係完全無既 🤍雖然冇遮瑕，但勝在方便，薄薄一層氣色好咗，面色柔和咗，而且我覺得佢控油效果係唔錯嘅，我塗完佢同系列嘅底霜，再搽呢隻蜜粉，經過一個香港夏天嘅下午，都算係清爽。 🤍真心，大家各自心目中的偽素顏係有d唔同既，如果要做到吹彈可破既肌膚，咁一定唔係呢款產品。但如果好似我咁，落樓下買啲嘢想遮下醜，拎返小小自信心，咁呢隻產品係足夠用的。 🤍另外佢外型可愛，而且價錢平，好適合中學生，由其是啱想化妝返學但係又要扮無化妝果種😛

babybear_好用推薦：我的肌膚狀況 : 沙漠乾肌 + 敏感肌 眼下乾紋嚴重，眼下/臉頰/額中央/鼻頭不時有脫皮，臉頰泛紅，淚溝嚴重 來試用GA的 設計師光感修護粉底液 SPF 15 / PA+++ 色號 1.5 先貼Before & After 照 (全部iPhone 13 Pro 後鏡) : 今天皮膚狀況是地獄級，因為天氣太冷，我的臉大爆脫皮，也因為太冷也沒完全不想敷mask 加上今天試妝沒特別出街，也沒特別做妝前保濕🤣 來個脫皮部分的Before & After : 上妝後沒有突顯脫皮，正常照鏡覺得OK，我給過👌🏻 暗沉對比 : 覺得在臉上暗沉沒這麼嚴重，而且1.5號我用太白了，暗沉了還是白🤣 試用報告(5分滿分) : 保濕度 : 5/5 持妝度 : 3.5/5 遮瑕度 : 3/5 個人感想 : 保濕度非常滿意，眼下也沒有卡粉/積線，今天帶妝8個半鐘也沒有蹦緊的感覺，而且光澤超喜歡! 一直到晚上都keep住個光澤，是那種晚上做完保養皮膚好靚透光那種! 遮瑕中輕度，遮泛紅ok，其他需疊遮瑕膏。 持妝一般，正常保濕精華粉底通病，唇上+下巴有浮粉，用手可以推返好，不過毛孔部分依然遮

Ressie14好用推薦：#火熱新品 #我的最愛粉底液 L’Oréal 旗下不論YSL，LANCÔME 定 Shu家出嘅粉底液，無論透薄度/遮瑕度/持妝度都達到大師級水平，今次試用ARMANI designer glow SPF15 PA+++ ，試到翻唔到轉頭 本身我係YSL粉絲，於唔同嘅場合分別會用上YSL氣墊粉底 B25 or 佢既ALL HOURS粉底液LN4 ，本身已經好啱我混合偏乾+只有少量紅印/微絲血管/暗瘡印嘅肌膚。但呢次用ARMANI designer glow, 唧出黎佢既延展性幾高，冇YSL ALL HOURS咁快成膜，用粉樸輕拍上臉，印下印下就印出密密實實既遮暇度，遮蓋到大部分瑕疵；印勻後見肌膚好似上咗一層水光薄膜咁，而粉底既色號都好靚，1.75其實對我嚟講係白咗啲，但試用產品就冇乜所謂啦另外要讚既係，ARMANI designer glow持妝力極高！因為我本身唔大汗，主要留喺商場行街，到夜晚，其實妝容都冇乜點溶亦冇發現氧化跡象，如果要講究少少嘅話，就可以吸一吸油再上返少少蜜粉，將妝容再持續多2-3個鐘。但返到屋企之後，始終眼底都會有微微卡粉，正常現象。 所以試用過後，我的確去配

Viannie好用推薦：性價比極高，百幾蚊就有16色，好適合初學者/學生/想試多種顏色嘅人入手。我選擇咗呢盒USP09 phoenix 入手，顏色偏向紅橙黃tone, 貪佢多色玩。顯色度唔錯，係粉質唔夠細緻，一次過拎太多會上色唔均勻，不過勝在多元化，一盒有齊啞色，柔和珠光同較粗粒閃粉嘅色都有，可以做多種變化係幾好嘅。

Rin好用推薦：呢盒大名鼎鼎嘅NYX 16格眼影，我覺得基本上係會化妝嘅人人手一盒 眼影呢係用得非常之慢嘅其中一樣產品咁但佢嘅配搭又非常之多，所以呢有陣時就會買到成屋都係眼影 我覺得佢幾好用，係因為佢可以慢慢疊色，就唔會驚一下帶咗上去，然後就一達喺度 都有啲人話佢顯色度好高嘅，但係我覺得佢顯色度未算話好高，因為有一啲真係一上去你就救唔返 而且佢嘅飽和度較低，唔會突然之間好sharp 適合大部份嘅皮膚 可以做到好多唔同嘅妝效到適合一年四季用嘅

Minnie Tse好用推薦：簡直係Clio 的忠實fans 佢家的眼影我有7盒🌟 作為韓系眼影，不會超顯色，適合新手使用，慢慢叠加上去 雖然唔同盒都有唔同的combination, 但眼影大致上有4種texture： 1. 啞面 2. 小閃粉 3. 碎鑽 4. 大閃片 以呢盒15 Spring Sunshine 為例，就4種texture 都有齊 我會認為唔好選成盒都係閃個種，因為啞面的眼影真係好重要，做底色唔會顯腫 話晒一盒眼影 最好可以一盒帶出去都夠用，全閃片好難自己一盒用 當然Clio 眼影2/3盒一齊用 可以有好多好靚的combination 🌸🌸

Fng好用推薦：clio 十色眼影盤02 rose connect， 全盒粉嫩pink tone，由深至淺嘅粉紅色組合眼影盤，4格閃，有少少飛粉持久度 一般， 但粉質唔錯 ，顯色ok，適合打造近來韓糸夏日元氣妝容。

PYLau好用推薦：多謝@cosme今次活動抽中我試用。 今次試用Dove嘅一分鐘胜肽修護髮膜同埋 髮源強韌防斷髮洗髮乳。（產品運送時有啲損壞）首先用咗洗髮乳洗頭先，都係一貫Dove嘅招牌香味，好易起泡泡，沖洗完覺得頭髮質地柔順，撫平咗我受損開叉嘅尾髮。 接住再用小金碗。入面嘅成份有珍貴嘅修護成分：胜肽、氨基酸、透明質酸、100倍濃度海藻糖。 一分鐘就能夠修護到受損髮質、強韌防斷、滋潤柔順、水潤保濕。啱晒我哋啲咁忙嘅香港人。 持續用後髮尾好明顯有被滋潤，改善到我嘅毛燥、有效減少髮尾嘅開叉。

applepie好用推薦：多謝 @cosme 抽中我試用髮源強韌防斷髮洗髮乳，配合Dove胜肽修護髮膜同時使水😊～有點可惜的是洗髮乳樽蓋鬆開了，包裹袋裡面有好多洗髮乳… Dove髮源強韌防斷髮洗髮乳有著Dove一貫的香味，香味芳香持久，而且香味能夠keep到一整天！連平日出完街返屋企必定會出現嘅頭臭味都遮得到🤭 洗髮乳好易起泡，過水後仍然keep到順滑得嚟有彈性嘅感覺，吹頭後見到比起平日減少左毛燥👍🏻使用後第二朝頭髮都唔會覺得油膩或扁塌～ 性價比高，相信用完會回購，會推薦俾朋友🥰

Chami好用推薦：多謝@cosme 令我有機會使用唔同嘅產品，今次係Rejoice 瞬效柔順護髮精華 (滋潤型)～ 當我報完名參加試用之後，偶然發覺網上面有人評價Rejoice嘅頭髮產品唔太好用，內容大約係講佢用Rejoice之後兩三日，頭髮好似有搽咗蠟嘅感覺，仲要打晒撠，佢嘅用後感非常唔良好。所以當我收到試用品之後，老實講我有少少卻步🥲，但係既然抽中咗，都需要履行試用者嘅責任，一直試咗~10日。可能一開始我既期望比較低，反而試用之後令我感覺幾驚艷。 顏色同質地同坊間嘅護髮精華差不多，但Rejoice嘅比較容易推開，都幾符合產品所講嘅《免洗瞬效柔順科技》 喺呢10日，我做左一個小小嘅測試：半邊頭髮用Rejoice免洗精華，另一邊就按照返日常嘅洗髮護髮程序。 相比之下，結果如下： 日常洗髮護髮程序 - 毛燥髮絲依然明顯，頭髮比較啞色冇光澤。 用左Rejoice免沖洗精華 - 頭髮毛燥感減少，雖然都仲有少少毛毛飛出嚟，但的確有明顯改善；而且頭髮帶有光澤。仲有一樣喺相度睇唔出嘅，就係用手摸頭髮嘅質感，有用Rejoice嗰邊摸落去好明顯順滑好多。 睇返產品簡介說明，滋潤型係加咗人蔘精華，有助滋養乾枯嘅

wawabibi好用推薦：多謝@comse抽中我 👩🏽髮質：頭皮油，髮尾乾 產品：Rejoice免沖洗瞬效柔順護髮精華 (清爽型) ，質地水潤，快吸收🧽，葡萄柚香味，夏天好岩用，清爽嘅味道。 因為系精華，濕髮上頭，就算搽到中段位置，吹乾都唔會有笠感，唔似用油咁要好小心，份量要小小咁上，又試過搽高小小到頭髮中段位置，吹完好似冇洗頭咁🫠 Rejoice就冇呢個問題，就算取嘅量多左，搽高小小，吹乾都完全冇笠感，而且頭髮明顯系冇咁毛躁，梳頭都冇咁卡！ 但其實我更鐘意第二日乾髮用佢，訓醒一覺，頭髮又再次毛燥打卡，亂糟糟咁，用佢再梳順頭髮，會瞬間唔毛燥，等佢吸收下，再夾直或夾曲，頭髮會比較有光澤咁～👆🏻剛訓醒嘅頭髮，毛燥打結乾燥！ 👆🏻用完，水潤順滑冇毛躁感！

Chami好用推薦：感謝@cosme 邀請試用canmake產品🫶 基本面上需要既彩妝都cover左 ，今日就率先試用持久豐盈水潤唇膏💄今次抽中既係Muchi Puru Tint 03號色, 應該係3隻色入面最鮮色既色號。先喺手背試一試色, 係比較偏向cherry既紅色：再黎睇睇我原本既唇色係比較偏暗，而且死皮較多，平時搽唇膚前一定要搽一浸凡士林！睇到介紹呢支tint含有高保濕成份，一於挑戰唔打底，直接搽呢支唇膏！搽完的確有驚喜！佢做到潤唇膏既濕潤，又做到唇膏既顯色，而且連lip gloss 都唔使搽就自帶光澤感。ok喎！跟住落黎就試下隻色持唔持久。結果係～有啲失望🤦🏼‍♀️ 用紙巾輕輕炆一炆，成個唇印出哂黎。另外有個小缺點係，呢支唇膏有出冇入，擰多左係唔可以褪返入去。 雖然有少少缺點，但搽上咀個顏色，濕潤度同光澤感的確有surprise到我👍🏻 #火熱新品

shyuyu好用推薦：這次的是03色，個人非常喜歡這個顏色！ 我皮膚有一點泛黃，唇色偏白，這顏色提亮了我臉色，也讓我看上去比較精神帶血色，可以參考我附件圖片的右上圖。 在不塗任何唇部打底（包括無色潤唇膏）狀態下，薄薄塗了一層canmake這支的03色，可以看到我附件圖片1右下的真的很顯色！ 另外亦有用到02色的，可參照圖2和3，這色很粉嫩，適合夏天使用，塗的時候感覺偏粉，可是在我唇上有點顯珊瑚色🤣不過依然很好看，也是很推薦的一隻色～ 產品介紹說這支唇膏（tint）有保濕滋潤成分，含凡士林、透明質酸、膠原蛋白、摩洛哥堅果油、蜂蜜、乳木果油等成分，塗完是真的非常水潤有光澤，而且水潤感很持久，還有點薄荷清爽的感覺～ 介紹說有效遮蓋唇紋、暗啞、防乾燥、不易脫色，我在塗完大概10分鐘之後用紙巾輕輕抿了下嘴，紙巾帶走了一點顏色，但依然留有唇膏7成左右的顏色在唇上，之後再拿杯子喝水，都沒留下唇印在杯子邊緣，點贊👍🏻 整體來說，用後感覺非常良好，也很喜歡這個產品，估計用完之後會回購～ ⚠️需要注意一點，唇膏的設計是扭出來了之後就收不回去的了，所以要注意第一次開的時候不要把唇膏扭出來太多⚠️