顯色 推薦好用產品

alicec好用推薦：這款眉彩餅是必須回購的清單之一！對於我這種混合偏油的敏感肌來說，質地輕盈，而且持久不脫妝。眉掃質地偏柔軟，不會過敏或感到異物感。 顏色非常自然，容易上色，不懂畫眉的新手也能輕易掌握。，真心推薦給追求自然妝感的朋友們！

Misscharlot好用推薦：已經無限回購咗好多年好多次。好有性價比。除咗用嚟畫眼眉之外，最淺色我通常放喺眼皮做打底，然之後畫完眼線會用最深色嘅係眼線上面印埋去防止眼線溶。

Kura好用推薦：呢款唇膏係我買俾自己嘅聖誕禮物，顏色非常適合秋冬，價錢唔貴，但係搽上嘴超級靚，非常突顯氣質，唇膏嘅紅色飽和度好高顯色度高，同埋光澤感十足，搽上嘴顯得膚色非常有氣色，令到成個唇妝立體感十足，同埋唇膏係偏潤質地唔會顯唇紋，仲有d豐唇嘅效果，我係非常鍾意呢款唇膏，我會買多幾做禮物送俾朋友一齊試 @cosme #禮物 #禮物 #禮物

Tobimak好用推薦：我買呢隻係#02號色，輕輕搽一層已經十分顯色，滋潤度亦很好，細細支好適合放衫袋手袋隨時拎出嚟補妝。 所以總括而言性價比很高，我很推薦給小資女。

water1106好用推薦：首先非常感謝@cosme選中參與今次試用活動，我收致既係3號色🙏🏻🥰 因為前排過年去左旅行，番黎試完7日可以正式分享了😙 呢款筆尖只有0.1mm既三叉眉筆可以話係結合左畫粉+一般液態眉筆，互補不足🫶🏻 佢只要好輕力咁畫就畫到一條條既仿真眉毛，好似平時液態眉筆咁。 大力少少就畫到比較粗身既線，用黎填補眉中既稀疏部分同空隙。 三叉設計可以大大減少左畫眉時間之餘，仲可以畫到好自然既眉頭，好容易就畫到而加好流行既立體野生眉😍 呢張圖係我朝9晚7收工後8點去做運動前影既，其實都冇咩點溶，都係好完整👏🏻 呢張就做完運動後影既，出完汗都大致上完整，其實睇落都冇咩分別😃 總結: 呢支三叉眉筆都幾有驚喜，筆頭非常幼細😍素顏同化妝都容易carry到，比眉粉更自然，更加適合新手初學者使用。 同埋由於我跌碎左個眉粉，帶去旅行跌到成個化妝袋都係去到酒店同番番黎香港都要大費周章去抹，我暈暈地🤦🏻‍♀️而今次呢支眉筆令我發現，以後帶佢去旅行就夠啦🥳🥳 自然度: 8/10 持久度: 9/10 容易使用度: 8/10 總分:8.5/10

YiN好用推薦：之前見過仿毛流感嘅眉筆已經好有興趣，今次見到benefit都有出即刻覺得好興奮好想試。拎到上手試畫，完全冇令我失望，好想推介俾所有眉毛有缺角或者眉毛部分稀疏嘅人！ ✅出水順暢易操作筆杆係三角形設計，易控制唔會冼手。筆蓋都幾實唔驚放喺化妝袋會甩蓋。筆尖好幼細，三個叉筆尖只有0.1mm，一筆就可以畫出三條幼細線條，畫眉更有效率。 如果眉尾部分想收尖可以90度轉向用側面畫，就唔會一次過畫三條線。但唔知係每枝都係咁定只係我嗰枝，佢毛嘅另一側係分成咗兩條，所以就算係用側面都會係畫出兩條線。如果對眉尾要求一定要好尖嘅，可能要配合其他眉妝工具。 ✅ 濃淡適中線條仿真喺手臂本身冇毛嘅地方畫出嚟係呢個效果。 Benefit呢枝激細三叉眉筆有好多隻色可以揀，由深到淺，又分冷暖棕色，更加容易搵到啱自己嘅顏色。新手揀淺色啲冇咁容易出錯，出嚟效果都會柔和啲，相對高手們同埋本身眉毛深色濃密嘅人就可以揀深啲，咁先足夠填補缺角位置，畫出更鮮明立體嘅仿原生毛髮。 我本身有稍稍漂淺眉毛嘅習慣，同埋多化日系妝想要柔和效果，所以選擇返中間偏淺嘅色號，今次收到嘅就係3號warm light brown，唔會太紅又有少少a

adadnileb好用推薦：色號： 05 灰啡色 試用程度：一星期內非連續使用了幾日，情況有朝早出門帶妝到夜晚、或收工後快速換妝赴約等，天氣已經進入炎熱的日子，亦有幾日遇上微雨。 - ettusais多年前轉branding後包裝大改，直覺地睇筆身顏色就知道出到嚟咩色，比起以前要對號碼更為方便；但改包裝後筆上字體難以辨認（手機影都要夾硬tune先見到字），剛好我有ettusais嘅眼線膠筆，有時拎上手先知自己攞錯產品。 如果可以保留全筆顏色嘅部分但d字嘅對比度高番d就完美。 - 05號名叫灰啡色，實物出到嚟的確係一個又灰又啡嘅冷色。當中有好微細而且帶偏光色嘅珠光閃粉，畫上眼皮後唔會明顯眼到閃粉一粒粒，而且唔會太glossy或太matte。黃皮膚有時畫啡色會太暖變得更黃，但呢個色調得幾啱啱好，特別得嚟上眼後又有種剛剛好嘅中庸感。 - 有一個眼線液嘅通病：如果眼皮上面已經有其他化妝品係底時，佢畫上去時個附著力會唔夠好，偏偏自己習慣底妝/眼影後先上眼線，品牌介紹入面話「由日本筆匠手工製作的毛料」反而會吸咗前面d產品走，塞住毛料、整花眼妝又令到眼線液出唔哂半透明咁，有少少尷尬。 最快嘅解決方法係知道會用佢就畫咗眼線

xxxcwing好用推薦： 首先感謝@cosme 抽中試用 因為我係會日日戴colour con嘅人 所以基本上每日都會最少化眉毛同眼線 今次嘅色號： 05 灰啡色，顏色比較淺，所以即使畫得唔好都唔會好明顯，對新手比較友好，對於唔同嘅髮色都比較易Carry，望落去相當自然 但我覺得顏色較淺嘅關係畫眼尾嘅時候會難啲令人睇到，所以之後再用會用嚟畫內眼線 但的確做到日系妝容嘅透明感 值得一提嘅係枝筆嘅顏色令到印喺上面嘅字唔太清晰佢嘅筆鋒都幼細 容易畫出細緻嘅線條 而且我認為呢枝眼線筆嘅防水功能一般 有少少手汗一捽就已經甩咗，防油嘅能力亦同樣一般 所以持久度嚟講我認為易出汗/流淚/捽眼就會令到眼線冇咗，持久度一般 所以整體嚟講因為唔係化日系透明妝感，所以未必會回購，但係一枝適合新手同容易上手顏色好靚嘅灰色眼線筆，所以都推薦適合日系或者較淡妝嘅人購買

Fng好用推薦：Laura mercier 嘅胭脂 出名顯色又高持久度，試過真係， 我購入 大熱色號CHAI， 非常之百搭， 任何妝容基本上都配搭到，唔會突兀。

mcosmetics好用推薦：Laura Mercier嘅胭脂係數一數二好用嘅胭脂～粉質幼細，blend開好自然唔會有邊界感。持久度高，帶妝一日基本上唔洗補妝，唔會卡粉/顯毛孔。除左好多人推介嘅Ginger色，我覺得Rose呢隻顏色更加顯氣息，好似跑完步天生會有嘅紅潤感咁🩷 顯色度高，用掃輕輕力沾已經好均勻： 氣息🆙🆙🆙

royu3好用推薦：為UZU Eye Opening Liner 的前身，是到目前為止我心中No.1 眼線液🌟當中最常回購的是啡黑色及淺啡色。首先，8角形微閃的筆桿設計超有質感，美感滿分💯而且手感良好，握筆時不滑手，方便繪畫細緻的眼線👍🏻 其次，它與有世界第一化妝筆之稱的「熊野筆」合作開發。雖然筆頭看上去非常尖細，毛量竟是一般眼線筆的1.4倍(#ﾟДﾟ) ，且用上4種優質毛料，使筆頭觸感非常細軟；難怪使用時特別順滑，輕易就能繪畫出理想的線條與弧度⭕️成分方面，眼線液內含有滋潤睫毛的美容成分，而且標榜可防水、防油、防暈染達24小時，卻不會造成色素沉澱👍🏻用水沖擦也完全沒有問題⭕️用紙巾來回磨擦了幾下，也沒有化開⭕️它無論是用料、設計，還是功能都非常優秀！幸好在改版前囤了好幾枝(˶‾᷄ ⁻̫ ‾᷅˵) 即使推出了新版本，Mote Liner依久是我心中最愛呢！ #出遊不能沒有它

natanatalie好用推薦： 買左黑色嘅我絕對會比呢支眼線液100分！💯 本身係油眼，用開嘅眼線液好易會溶會甩，但呢一支持妝效果好好，除左本身好易畫，好出色之外，最重要係防水防油效果好出眾！❤️ 我可以去出租廚房玩足一日，因為我最中意煮野食，但對住油煙火氣十足嘅爐頭，煮完兩個餸，眼線睫毛液都會甩光光！用左呢支防水眼線液，能夠做到防水防油持久不染暈！到時星期六日就可以約埋一大班志同道合嘅朋友，煮足十個菜，大合照時依然有對精靈大眼！👀💕

🌸好用推薦：多謝@cosme 邀請我試用ADDICTION晴藝星閃眼影THE EYESHADOW SPARKLE，佢嘅包裝好符合日本人嘅簡潔美學，攜帶方便。好多日本潮流彩妝雜誌都有推介或者介紹過呢隻牌子嘅眼影， 因為佢由質地以致顏色都有好多唔同嘅選擇，可以配搭唔同需要嘅妝容。 我今次試用嘅顏色係019 SP Red Jujube，係帶有細閃粉嘅單色眼影。 試上手嘅顏色係咁樣嘅：Red Jujube照直翻譯應該係紅棗嘅顏色，平時如果聽都係棗紅色嘅眼影，我多數都唔會主動去買，因為感覺上好似好容易會化到眼腫腫咁。 但係呢一隻顏色完全唔同，佢嘅顯色度好高，輕輕薄搽一陣層，睇落反而似蜜桃色，帶着粼粼嘅閃光，係睇落好溫柔嘅顏色，適合一般嘅日常妝容： 疊加搽多幾層，出嚟嘅顏色就係棕紅色，有啲似枯玫瑰色，配合閃粉嘅光芒，顯得高貴，適合化晚妝或者隆重嘅場合。搽落眼完全唔會顯得眼腫： 呢隻眼影嘅粉質細膩，完全冇飛粉。用化妝掃或者手指上妝都可以。眼影粉緊貼肌膚，而且妝效持久易甩色，即使出咗汗或者有面油都唔會甩妝。 細細一盒嘅單色眼影就做到兩種唔同嘅效果，輕易打造有層次感嘅眼

kammy好用推薦：以前化妝 會用好多唔同嘅色放係隻眼到 🙈 到近年 一係唔化 一化就用單式眼影 好多時 要搵到 一隻岩自己用嘅眼影好難 單式 無其他色可做修飾 可以令到隻眼好腫 可以令隻眼化左 好似無化💁🏻‍♀️💁🏻‍♀️ 而今次我用嘅ADDICTION TOKYO THE EYESHADOW SPARKLE 010SP睛藝星閃眼影 包裝簡潔嘅設計 而眼影摸落滑身 顯色度唔錯 之餘 無論用手/掃上到眼都有唔錯嘅效果 佢嘅閃粉唔算好大粒 所以上到眼 會覺得好自然同埋會令人覺得Bing Bing 嘅感覺🙆🏻‍♀️ 佢嘅價錢唔算好貴💰140 我成日用手指不斷來回抹來抹去 🙈 又用左好多次🙈🙈🙈 但都覺得好似新開嘅時候甘多 💁🏻‍♀️ #karlee90s #addition #眼影 # 化妝品 #makeup #cosmestore #eyeshadow #單色眼影 #hkig #ighk #bloggerstyle #beauty #beautybloggers

Milo101好用推薦：19號色銅啡，大地色系非常易用，粉質正常，顯色度與持久度都高，配備小鏡和眼影掃。唯一是覺得中間打亮的閃粉比較易散落，但性價比仍然是很滿意的。 **見到官方這產品有新包裝和新配方：改良左中間果格，增加油分令到更貼膚，感覺可以一試

Tobimak好用推薦：性價比高，顏色每一格都能用，沒有廢色，顏色很漂亮，就是附送的掃子比較一般。

Fng好用推薦：ysl water stain我買咗612號色，佢質地偏厚， 係有少少帶橙色嘅鮮紅色，非常顯白， 同埋進食後就算甩咗面頭嗰層，個嘴都會有五成顏色喺度，但滋潤度就一般。

chasiutung好用推薦：Ysl持色水唇釉 質地偏水潤 不黏立 成膜後不掉色 不顯唇紋 顯色度高 剛上唇是偏淺粉色 會慢慢變深 味道怪怪的有點苦 606 色號 淺唇塗顏色偏粉嫰 深唇塗會紫粉 色

Becky32好用推薦：第一次用呢支睫毛液，有驚氣，搽下眼睫毛，好突出，依家一定搽埋先出門

PorscheB好用推薦： 日本旅行買咗支啡色嘅眼睫毛膏，但係搽出嚟偏向係比較紅色。 即使用咖啡色或者淺啡色嘅眼線筆都配合得唔好睇 以前用過黑色，就覺得持久好用。 下次應該要買返黑色😖

🌸好用推薦：Tom ford嘅眼影好出名，多年來都受到唔少美妝博主嘅吹捧，我自己用咗之後都覺得非常好用。由於佢可以選擇嘅顏色相當多，今次我只係介紹返我平時最常用嘅兩盤。 第一盤係 35 Rose Topaz，我買嘅係粉紅色特別版，同普通版冇分別，只係個包裝唔同咗。呢一盤我稱之為杏仁奶茶盤，色調方面比較清淡自然，係玫瑰晶石色、深巧克力色同兩隻深淺同嘅金色，極度顯色貼服。 呢個就係手背嘅試色圖，對應返眼影盤嘅四隻唔同顏色：上妝中方便簡單唔飛粉，rose topaz嘅呢四隻顏色比較日常，平時返學或者返工用都睇落自然。 另一隻我比較推介嘅顏色係30 insolent rose，色澤粉嫩，好有仙氣😍 色調方面係粉嫩得來帶點優雅，睇落好有氣質，畀人一種溫柔嘅感覺。 以下係手背試妝： 左上角嘅珍珠白色搽少少就已經好顯色，右下角嘅紫啡色雖然深色，但上妝之後完全唔會有似撞瘀咗嘅感覺，粉質細膩，容易暈染。妝效持久唔甩色，飽和度高，容易上妝。特別喜歡佢個粉紅色細閃，喺燈光照耀下，有楚楚動人嘅感覺🥰

Fng好用推薦：Tom Ford 我買咗04號色 honeymoon ，佢色調係 偏棕紅色 ，少少秋冬感覺 ，擦上去非常之貼服，粉質 幼細 ，唔會飛粉，同埋顯色度非常之高，又容易blend，持久度好高，基本上全日都唔會甩妝。 唯一缺點少少貴。🤣

KyouQ好用推薦：NARS POWERMATTE 玩魅啞緻唇膏筆 呢款唇筆我分別喺日本同香港各自買咗兩隻色，分別係888色號同180色號，因為喺日本買嗰隻色比較暗，所以返香港又買多隻鮮色少少嘅，可以間唔中轉下色嘛～🫢 呢隻唇筆有個好處就係細細支方便收入手袋，而用到咁上下需要刨一刨咁又會短咗少少，另外佢冇咩香味，同時佢真係幾keep到不脫色，除非你食嘢有油份啦，基本上淨係飲水都唔駛點補色，有個缺點係喺再補色時用會偏乾，最好搽少少潤唇膏喺底會好少少。😌 暫時應該會係我長期會回購嘅唇筆系列 ✨✨✨

Noel好用推薦：NARS 這個絲絨唇膏筆一共收過兩枝，都時由美國 Sephora 購入，分別係 #DanceFever 及 #DolceVita。本身已經係 Nars 唇膏的 fans，這款唇膏筆也相當滿意，塗到唇上很滑很順，不會 dry up 嘴唇，更加可以不用護唇膏打底👍 唇膏筆顯色度高，一抹大約七成左右，堆疊兩層可達飽和。 個人比較喜歡 #DanceFever，比較有個性，玫瑰色帶點土色系❗#DolceVita 就是比較火紅的 dusty rose，因為常有的顏色，所以感覺平平吧~

Fish Tse好用推薦：要畫上一個完美我眼妝，睫毛膏都係好重要既一環刷到靚靚既太陽花睫毛會令成個眼妝望落去更有神 睫毛膏最怕就係一次過攞個量太多導致會有曱甴腳既情況出現，我見到哩款金屬刷睫毛膏真係忍唔住要買返黎試下個效果 有黑色同黑灰色選擇，夾完眼睫毛之後上睫毛膏係睫毛底定一陣再向上搽就會好輕易得到太陽花既睫毛，即使疊加第二、第三層都唔會有曱甴腳嘅情況出現 至於搽幾多層都好取決於你想要咩妝容，如果係平時返工想淡妝搽一層就足夠，如果想妝容完整度高d就可以搽第二、三層 重點佢係防水、防汗唔易暈染

mavvv好用推薦：感謝cosme 俾我做Canmake 今個秋季既新品試用！ 今次我試用咗Canmake既金屬刷睫毛膏。 呢次係我第一次使用金屬刷既睫毛膏，結果令我十分驚喜！與之前的纖維毛刷相比，這款完全冇結塊既問題。 係上妝前，我的眼睫毛有點凌亂，而這款睫毛膏輕輕一刷，獨特的輕刷頭設計有效幫我整理睫毛，每條睫毛分明而且自然地翹起，效果好出色。它更是有潤黑效果，讓眼睛看起來更加有神。 持久度方面都非常優秀，出門六小時後依然無脫妝現象，而且都冇暈妝既情況，睫毛依然保持翹曲，並有效防水防油。 呢款睫毛膏的設計小巧，非常方便攜帶，隨時可以補妝，性價比相當高！

Ko好用推薦：最近係日本買左Canmake呢盒花花胭脂12號色。其實花花胭脂我差唔多六七年前就開始用。最近係日本買左呢盒佢嘅顏色偏橙啡，帶細細嘅閃粉，好適合日常使用。唔單止可以用嚟打喺臉頰上，仲可以當眼影使用，用嚟增加眼妝嘅立體感，顏色好自然，重點係可以match番胭脂嘅色tone同埋可以淨係帶一盒出去補妝。佢附咗一支掃，非常好用唔會吉，可以輕鬆地將胭脂均勻地塗抹係臉上。而且最驚喜係佢嘅價格，係日本買超級便宜嘅。而家個個都去日本想自己買揾人幫手都好方便xD。 圖1 用左個半月，日日用，未凹 圖2黃光燈下 圖3日光下

Kpl6be6好用推薦：色澤充滿少女感～搽於面頰可提升氣息之餘亦令肌膚有白裏透紅感覺～同時可用作提亮/眼影使用～用嚟打造甜美溫柔風妝容話咁易！輕巧可愛～帶出街補妝都非常方便❤️❤️

Fng好用推薦：粉質細緻， 與妝容融為一體，夠貼服，上多幾層都唔會誇張， last到一整日。

Lilyscl好用推薦：啲色好自然，唔會太跨張，仲last 得好耐。日日用，用左好耐先開始見底。

annietyt好用推薦：最近想搽黑色指甲油，於是揀左NAIL HOLIC嘅BK010 搽兩層就已經達到極黑效果🖤 顏色選擇多，價錢唔貴$25 一枝！ 期待試其他色🤩

Sharon Kwok好用推薦：生活難 🍀 珍惜小確幸~ 疫情持續, 同大家一樣盡力 stay home, 希望保護自己 同時保護埋香港人~ 🏡 大家習慣wfh 未啊? 我好享受啊, 慳咗交通哥 2個幾鐘, 時間變得好見使~ 訓番夠啲, 仲有時間 做番啲好耐無做過嘅嘢添~ ☺️💯 經過 cosme 總要入去 摸下試下買啲嘢, 比NailHolic 座 “甲油山” 燒著咗好耐, 終於有時間 可以重拾油指甲呢個樂趣嘞~ 💅✨ 有成 198個色 🤩 每種 finishing 都好吸引, 仲有埋指甲護理產品, 一條龍好方便; 最緊要係 💰 價格親民, 甲油 $22 - $25/支 咋! 用落 我鐘意佢: 💜 高顯色度 佢個 顯色度 同埋 像真度 真係抵讚! 我輕輕塗一層薄再一層正常, 顏色就均勻飽滿 同樽身嘅顏色 有感覺了~ 👍🏻 💜 順滑輕盈 質地柔滑易掃, 無特別技巧 就能輕鬆完成嚕~ 🥰 Nostalgic Color 系列嘅 BE323 同 GR721 果然同諗嘅一樣 💁🏻‍♀️ 係我杯茶~ 滿滿 温柔知性美 ☺️ 好好啊! 😏 最緊要係咩呀!? #容易襯衫呀嘛 咩造型都好, 成功加咗個細節

Chami好用推薦：感謝@cosme 邀請試用canmake產品🫶 基本面上需要既彩妝都cover左 ，今日就率先試用持久豐盈水潤唇膏💄今次抽中既係Muchi Puru Tint 03號色, 應該係3隻色入面最鮮色既色號。先喺手背試一試色, 係比較偏向cherry既紅色：再黎睇睇我原本既唇色係比較偏暗，而且死皮較多，平時搽唇膚前一定要搽一浸凡士林！睇到介紹呢支tint含有高保濕成份，一於挑戰唔打底，直接搽呢支唇膏！搽完的確有驚喜！佢做到潤唇膏既濕潤，又做到唇膏既顯色，而且連lip gloss 都唔使搽就自帶光澤感。ok喎！跟住落黎就試下隻色持唔持久。結果係～有啲失望🤦🏼‍♀️ 用紙巾輕輕炆一炆，成個唇印出哂黎。另外有個小缺點係，呢支唇膏有出冇入，擰多左係唔可以褪返入去。 雖然有少少缺點，但搽上咀個顏色，濕潤度同光澤感的確有surprise到我👍🏻 #火熱新品

shyuyu好用推薦：這次的是03色，個人非常喜歡這個顏色！ 我皮膚有一點泛黃，唇色偏白，這顏色提亮了我臉色，也讓我看上去比較精神帶血色，可以參考我附件圖片的右上圖。 在不塗任何唇部打底（包括無色潤唇膏）狀態下，薄薄塗了一層canmake這支的03色，可以看到我附件圖片1右下的真的很顯色！ 另外亦有用到02色的，可參照圖2和3，這色很粉嫩，適合夏天使用，塗的時候感覺偏粉，可是在我唇上有點顯珊瑚色🤣不過依然很好看，也是很推薦的一隻色～ 產品介紹說這支唇膏（tint）有保濕滋潤成分，含凡士林、透明質酸、膠原蛋白、摩洛哥堅果油、蜂蜜、乳木果油等成分，塗完是真的非常水潤有光澤，而且水潤感很持久，還有點薄荷清爽的感覺～ 介紹說有效遮蓋唇紋、暗啞、防乾燥、不易脫色，我在塗完大概10分鐘之後用紙巾輕輕抿了下嘴，紙巾帶走了一點顏色，但依然留有唇膏7成左右的顏色在唇上，之後再拿杯子喝水，都沒留下唇印在杯子邊緣，點贊👍🏻 整體來說，用後感覺非常良好，也很喜歡這個產品，估計用完之後會回購～ ⚠️需要注意一點，唇膏的設計是扭出來了之後就收不回去的了，所以要注意第一次開的時候不要把唇膏扭出來太多⚠️

Kura好用推薦：呢款胭脂膏真係非常適合化妝新手用，薄搽厚搽都完全唔會失手，同埋顏色出色，超級靚色，用完有種粉嫩仙氣嘅妝感，同埋呢款胭脂膏嘅質地唔乾，我有時會當唇膏一齊搽，一物多用，非常適合新手，唔需要買咁對樣嘢 #新手 @cosme

Chami好用推薦：多謝@cosme 抽中我試用一系列canmake產品❤️ 用左差唔多一星期 今日想寫下呢篇夢幻胭脂膏既心得 收到呢盒胭脂膏之前，其實我自己都有一盒，不過自己購入個盒係17號焦糖楓葉色，同埋係冇珠光既。今次收到呢盒係最新限定22號蜜柑雪葩色帶珠光，比起蜜柑，我覺得實物顏色更貼近南瓜色，而且實物比官網圖片係深色少少🤏🏻 平時都有買開canmake產品，主要係性價比高，但胭脂膏都仲係有啲失望既。其實canmake既胭脂膏顏色係好靚，令人有衝動想包色，但用後發現最大缺點唔持久，同埋拍上面冇普通胭脂咁均勻。 用法：用手指沾上胭脂，逐啲逐啲拍上面。每次我都只會沾少少，寧願拍多幾次。 用後感：係幾顯色（當下），同埋呢隻橙色好夏天好有活力既感覺，加埋珠光幾靚。胭脂膏好似啫哩膏既質地，好容易推。但係！首先要好有心機沾少量胭脂慢慢拍同推開，如果就咁點2-3點上面推開，妝感會有啲唔自然，覺得顏色唔夠均勻，需要慢慢拍慢慢堆疊。變相需要用既時間多左，冇普通胭脂粉掃開咁方便。另外，可能質地太水潤，真係hi一hi都好易甩妝。平時搭車戴口罩返到公司除口罩，啲胭脂膏已經甩得7788，加上定妝粉/噴霧先會last

green好用推薦：今次想講講Chanel 銀管唇膏，呢個系列個名係ROUGE COCO BLOOM，我用緊110 Chance 色號。 呢隻顏色比較粉嫩，帶有小小三文魚色，有啲提氣色，唇淺同膚色淺會更加合適。雖然我膚色有啲黃，但化淡妝時候查呢隻色都好有氣色同好顯氣質，就算唇色有啲深都唔怕，因為佢質地有6成遮蓋力，比較滋潤唔染唇，易卸。唇色深搽都有提氣色既效果，唔同唇色搽出黎都唔同，所以買之前最好試試，呢隻唇膏我都幾鐘意，好春夏溫柔感覺，有機會會再買😊。

Fng好用推薦：喺專門店買咗406號色😍顏色偏棕紅色，非常之顯白，同埋一啲都唔顯唇紋，搽咗之後唔會乾，飲完嘢，食完嘢之後，都有五成顏色係上面，怪唔得知啲人對chanel唇膏讚不絕口，暫時都冇發現另外品牌可以比得上。🥰🥰🥰🥰

Jayla好用推薦：[愛用分享] 質地：偏硬，硬度不易受天氣影響 顏色：一共10色 滋潤度：保濕滋潤，不黏 Bobbi brown嘅晶鑽保濕修護唇膏係我成日都會用嘅潤唇膏，外型係bobbi brown一貫嘅簡約風格，由於係方型嘅管身，卡實之後蓋係冇辦法旋轉，所以唔會有唔小心轉咗成條唇膏出嚟嘅風險。 已經用咗好多~ 打開之後膏體係望落係比較結實，初時上手有擔心過唔夠滋潤，但用落覺得好有驚喜。喺嘴上一抹就化開，搽完覺得滋潤順滑，而且冇黏黏嘅感覺。因為係有少少硬度嘅膏體，所以可以好順暢地搽，整個過程唔需要擔心太用力而塗得太多，亦唔會有黏住嘴唇嘅摩擦感。睇返官網主要成份有橄欖油同荷荷巴油。其實荷荷巴油並唔係油脂而係液態臘，難怪就算係8月嘅夏天拎出嚟用都唔會溶化。 呢款潤唇膏係屬於透亮嘅顏色，我分別買咗Bare Nude 同Bare Raspberry。官網上嘅顏色色差比較大，所以最好係去專櫃親身試色。Bare Nude係有少少橙調，顏色亦比較淡。所以主要我嘅用法係當化偽素顏妝嘅時候用嚟嘴唇嘅色調，偏橙少少令妝感柔和d。 而Bare Raspberry係我每日都會帶住出街。我多數到下午就會開始有

Rachelcos好用推薦：有即時保濕滋潤嘅效果 同埋會有自然嘅光澤👍🏻 視乎嗰日個妝 我會單搽或者當做唇膏打底 就算單搽都會令到嘴唇有自然嘅顏色～ 好啱鍾意化淡妝嘅我💗 before after