Benefit

激細三叉眉筆

之前見過仿毛流感嘅眉筆已經好有興趣，今次見到benefit都有出即刻覺得好興奮好想試。拎到上手試畫，完全冇令我失望，好想推介俾所有眉毛有缺角或者眉毛部分稀疏嘅人！

✅出水順暢易操作筆杆係三角形設計 ，易控制唔會冼手。筆蓋都幾實唔驚放喺化妝袋會甩蓋。筆尖好幼細，三個叉筆尖只有0.1mm，一筆就可以畫出三條幼細線條，畫眉更有效率。
如果眉尾部分想收尖可以90度轉向用側面畫，就唔會一次過畫三條線。但唔知係每枝都係咁定只係我嗰枝，佢毛嘅另一側係分成咗兩條，所以就算係用側面都會係畫出兩條線。如果對眉尾要求一定要好尖嘅，可能要配合其他眉妝工具。

✅ 濃淡適中線條仿真喺手臂本身冇毛嘅地方畫出嚟係呢個效果。

Benefit呢枝激細三叉眉筆有好多隻色可以揀，由深到淺，又分冷暖棕色，更加容易搵到啱自己嘅顏色。新手揀淺色啲冇咁容易出錯，出嚟效果都會柔和啲，相對高手們同埋本身眉毛深色濃密嘅人就可以揀深啲，咁先足夠填補缺角位置，畫出更鮮明立體嘅仿原生毛髮。
我本身有稍稍漂淺眉毛嘅習慣，同埋多化日系妝想要柔和效果，所以選擇返中間偏淺嘅色號，今次收到嘅就係3號warm light brown，唔會太紅又有少少ash tone，係隻幾大路又易用嘅顏色，大家可以參考下。

✅防水持久
水筆型嘅眉筆本身一定具備比鉛筆狀眉筆畫者眉粉更好嘅耐磨性。今次benefit呢枝再加埋防水，我畫喺手洗幾次都冇甩，直至用落妝水抹先甩，到依家用落都未試過有明顯甩色情況，效果相當唔錯。


💁🏻‍♀️分享返Before and After素眉本身唔算稀疏，但眉尾部分較淡同有缺角，長度有少少不足。畫完可以見到毛同毛之間嘅空隙被填滿，眉頭因為要同另一邊眉平衡返所以畫低咗少少，都保持到毛流感。