LAURA MERCIER

柔光透明蜜粉

今次有幸參與Laura Mercier 呢試用活動，最期待就係呢盒柔光透明蜜粉，因為佢一向都係LM嘅皇牌產品，以前已經有化妝師朋友同我推介佢。霧面半透明盒有質感得黎又唔會好重，打開係有方型洞洞嘅膠蓋，係最常見嘅碎粉盒設計。貨裝本身唔附帶粉撲，配搭嘅天鵝絨粉撲要另外購買，我用嘅時候會配搭返類似嘅長絨毛粉撲。
✅粉質幼細輕 透
放少少喺手指捽開唔會感受到佢一粒粒，同埋好快已經均勻散布開，感覺好輕透無負擔。
柔光透明蜜粉本身冇防曬度數，冇閃粉，係最唔會出錯適合大部分使用嘅質地。
✅修飾瑕疵
近期皮膚狀況唔太好，鼻樑兩邊多咗好多凹凸粗糙。上圖係單搽咗粉底嘅狀態，雖然修飾咗啲痘痘嘅顏色，但都仲可以見到啲凹凹凸凸。下面係用粉撲印上柔光透明蜜粉再用碎粉掃掃開嘅效果，明顯見對皮膚變得霧面柔焦，有效修飾皮膚瑕疵。