SQ好用推薦：精華已經用咗好幾支，從舊版用到新版一樣覺得好好用，精華質地推開有少少似啫喱嘅質感，非常易推同吸收，好輕盈唔笠，好似有膜包住皮膚咁，而且味道我幾鍾意，用後皮膚飽滿緊緻，本身一直配合同系列悅肌再生緊緻塑顏霜一齊用，明顯改善面部輪廓下垂嘅問題，肌膚輪廓變得緊緻，笑紋同額頭紋都有淡咗～另外一再回購原因係產品係100%素食成份，更加安心使用！

Verna好用推薦：這抗皺精華的主要成份有榆綠木、竹子精粹、海茴香和植物複方精油，能夠激活皮膚的膠原蛋白，令皮膚回復飽滿和彈性 雖然它的成份有植物複方精油，但我覺得它的香味淡淡的，不會太強烈 它是淡黃色，質地像是乳霜，很容易推開，我通常按兩下，就已經可以搽勻全面，皮膚也吸收得很快，搽勻後皮膚很清爽，完全沒有油膩感，但也會有滋潤的感覺，乾紋即時淡了，用了一段時間，連細紋也減淡了，而且皮膚也回復了光澤感，沒有以前的暗啞

lingbb好用推薦：- 質地非常水潤，夏天用會幾舒服，好快吸收附有好香好舒服嘅香味 - 單塗個人認為唔夠保濕，我會疊加會保濕精華一齊用 - 雖然唔會有即時均勻膚色，但使用多日後膚色的確比之前均勻，素顏睇得到嘅效果 - 夏天用完全唔黏笠非常易吸收而且冇負擔，推薦俾油肌或者追求清爽質地嘅美白精華。

Lumi Kwan好用推薦：一向有用V面精華，之前見到廣告所以都想試一試。 產品有西印度櫻桃種子萃取能激活肌膚活氧作用,煥發明亮光澤。所以並非單一減淡色素而是有抗氧效果。但主推效果中的保濕滋潤，就稍為失望。上面前質感是易推，但吸收後覺得乾，感覺不是滑滑那種。 美白效果就大約三星期見效，會白一點，但當然要本身注意防曬。

Yeeting 好用推薦：期待已久嘅夏天終於嚟啦！ 除咗衣櫃開始要轉季外，最近我都忙着幫護膚產品轉季，轉用番比較清爽嘅精華和面霜。 剛剛轉用咗CLARINS皇牌Double Serum推出嘅全新[輕盈版] Double Serum Light，keep住沿用皇牌雙精華配方功效 但對比原有配方輕透清爽50%，就好似雲咁輕透，呢個夏天可以皮膚可以清新0負擔🩵 而且特別適合香港咁炎熱潮濕嘅天氣，非常適合混合性/油性肌膚人士用。 好想推薦畀大家！ 質地︰4.5分 吸收度︰5分 保濕度︰4.8分 光澤度︰5分 緊緻度︰4.5分 用了七天後，比我預期中效果更明顯。 淡淡嘅清新草本植物氣味，搽上去好水潤，有一層好薄嘅油份，但好快被皮膚吸收，而且不黏笠。 我是混合性皮膚，T字位容易出油，但面部兩頰位置偏乾，所以我會用早上用「輕盈版」Double Serum，夜晚用「原版」Double Serum加強修護功效，第二朝瞓醒，皮膚即時提亮，冇咁攰；而且額頭紋淡咗，肌膚更緊緻。 同大家分享我嘅化妝小技巧： 早上塗上「輕盈版」Double Serum後，按摩面臉1分鐘，加速循環。在上妝前，可將粉底液混合精華一起使用，

Odessafafa好用推薦：已經係Clarins Double Serum 賦活雙精華既長期擁躉喇💓對於混合偏乾初熟肌既我，呢支精華可謂完全滿足晒我既肌膚需要，例如撫平額頭同面頰上既乾紋同細紋，改善皮膚部局缺水缺油既情況，滋潤肌膚，均勻膚色，同時改善毛孔粗大既問題。 質地黎講，由於佢屬於半水半油既配方，而且有可以自行調節精華分量既人性化泵頭設計，所以用上面既感覺非常舒服，唔會有過油同黏立嘅感覺☺️對於夏天長期係冷氣房既環境之下，都非常適合使用。而且香味非常宜人，整體既使用體驗都非常滿意，所以非常推薦🙌🏻💓

Sabi_yan_好用推薦：作為乾敏肌的困擾人士，Laneige的精華液不但解決到每當春夏天肌膚狀態不斷反覆的問題，更令肌膚重回應有的水潤感。每當上妝前使用，妝後也會感到更貼服且零乾感。令肌膚時刻保持水潤緊致！而且滲透性非常強，輕輕一推後，精華營養可馬上滲透至肌底，同時用後也清爽不黏立！

Sandy好用推薦：我的皮膚是混合偏油，額頭出油嚴重水份又不足，呢支保濕度唔錯，不過如果全日用應該hold 唔住，中間要補搽先得，不過我懶無補，可能適合中性肌多啲。

zetalhc好用推薦：味道好香，保濕效果都唔錯，會令皮膚有少少光澤感，油肌都覺得容易吸收。但就效果比較單一，性價比麻麻。

Sym97好用推薦：玫瑰精華呈粉紅色水凝狀，極香玫瑰味。 這款精華適合任何皮膚，亦可屬抗衰老產品。玫瑰主要保濕修護肌膚，對於缺水的部位可速效補水、修復乾燥肌。由於亦有助抗氧化及加強新陳代謝，肌膚更緊致、對抗衰老十分之有效。 使用後面部水潤飽滿，由於精華吸收得快，使用後不會有黏笠的感覺。鍾愛花香及按摩的朋友可以在家中享受facial 級的精華素。

inkitsung好用推薦： 「基本4️⃣點」為佢地嘅基礎保養組合～ 透過深層保濕➡️促進代謝➡️補充滋養➡️保護防禦，一層一層去養護每一寸肌膚✨✨ 5️⃣美活肌精華Vital White Essence , 作為基礎保養第二步~ 有效激活基底膜並加快新陳代謝, 從而改善暗沉蠟黃、使肌膚透亮~ Full set我用左3-4日左右，我覺得每一樣都極好吸收👍🏻👍🏻 就算晚晚開冷氣瞓覺，第二朝依然keep再保濕彈潤～ 明顯有極高嘅保濕滋潤度⬆️⬆️連帶覺得皮膚更光澤透亮添～

Beautyfish好用推薦：今次的試用品由@cosme提供，非常感謝，讓我可以好好體驗一下這個在日本非常受歡迎的牌子— Domohorn Wrinkle 。 從他們的網頁得知，這個品牌的產品是由製藥公司研發，採用了很多有效中藥成分，而他們更是第一間在日本以膠原蛋白製作乳霜的公司。 這次的試用品是基本4點的half set, 足夠30天早晚使用。雖然這個是半set套裝，但產品包裝一絲不苟，用上了磨砂玻璃樽，簡約得來很有質感呢！由於基本4點要順序使用以達到最佳效果，包裝紙盒內清楚列明產品的使用步驟及份量，產品樽身上亦有對應步驟的數字，這些細節令我覺得這個品牌很細心。 每一種產品都有不同的使用方法，品牌的網頁有短片示範產品該如何使用能達到最佳效果，我覺得這一點很貼心。網頁亦有列出產品的全成份表，我發現其中有很多是天然的植物成分，這對於喜愛天然成份的我來說很吸引。 我的皮膚狀況：混合性偏乾，尤其兩頰頗乾燥 試用時天氣：寒冷而乾燥，濕度只有30-40% Vital White Essence 基本4點內的第二件產品是Vita White Essence，是Intense Hydrator之後的step，用一pump

WSY好用推薦：呢支精華可以配合同牌子嘅玫瑰爽膚水！用完爽膚水之後，再用呢個精華，令到皮膚補水效果更上一層！

Kim Chan好用推薦：Fresh 玫瑰深層保濕精華： 呢支精華液質地偏杰身既gel狀, 有玫瑰花香味，用後皮膚感覺好清爽，毛孔細左，肌膚好滋潤，保濕效果幾好！值得購買 ☺️

貓餅好用推薦：最近開始用新精華素，Aesop 呢支瑩澄面部精華素有維他命C，可以幫我實現早C晚A嘅護膚程序，呢支精華係比較油狀的液體，淡黃色的，2-3滴就可以搽均全面，吸引好快得黎亦夠滋潤，用完感覺好輕盈，同時又可以充分保濕，好好用。精華有啲大自然的味道， 木味香味都有少少，佢最好係功效顯著同時又令身體感官enjoy到舒緩鎮靜，係一種享受，所以價錢都唔會太平喔😛

維他他好用推薦：Lucent facial concentrates 係一支比較油的精華， sales話要同lightweight facial hydrating serum溝埋用，倒在掌手再搽上面，會容易啲吸收，確實係好啲嘅個效果，但買兩支精華好貴…

zetalhc好用推薦：貴婦級嘅保濕精華，可以做到增加皮膚彈性光澤同埋去細紋嘅效果。我媽咪用咗之後覺得可以即時撫平細紋，皮膚顯得有彈性同年輕咗

Kim Chan好用推薦：Guerlain殿級蜂皇再生修護雙效精華 , 佢係二合一的精華液，混合之後，質地偏厚重，對於油性肌膚的我，只會晚間使用佢為修復，早上醒來皮膚飽滿有光澤，撫平細紋，毛孔細左，保濕效果好，開冷氣情況下都唔會乾，建議配合Guerlain 肌蜜一起使用效果會更好，使用左一段時間，膚質真係有改善，但整體價錢偏貴啊🥲

lingbb好用推薦：- 黃金膠囊個包裝係高級高貴既盒子， - 入面裝住好多獨立包裝既精華，衛生之選👍🏻 -每粒膠囊都係無香精無防腐劑，採環保自然分解材質。 - 質地係淡黃色油狀，一般直接上金膠囊上面有人可能會覺得太油膩既話，可以參考下我既使用方法， 1. 清潔皮膚後， 上肌底液（幫助吸收）；將金膠囊用掌心稍微溫熱一下，然後上面輕輕打圈按摩 2. 從下往上提拉，局部輕輕打圈，大概按摩個10分鐘，按摩吸收既同時有機會揉出類似角質（泥）、粒粒或白頭 3. 再用清水清洗一下面部，洗走臉上既粒粒，洗完面部會有油質精華殘留，再敷上補水面膜，令毛孔即時收縮，幫肌膚補補水，順便促進剩餘金膠囊既精華吸收， 4. 塊面就變得非常滑溜溜，面上既不明粒粒都唔見埋。上妝就變得非常貼服 - 以前我塊面既額頭、咀角都會摸到有顆粒，用呢個方法就消失咗。 - 額頭既細紋都變淡！ 係我冬天保養「邊清潔邊滋潤」一舉兩得既小技巧💜❤️希望幫到大家 #冬季保養

reneeuc好用推薦： 係回購多次既產品。 有一次自己膚屏障受損同埋過敏，好多產品都用唔到，唯獨Elizabeth Arden既膠囊同埋佢既護膚油救番成個樣。 有時驚夏天太潤就格日用，冬天就用密啲。 用完訓醒第二日會有修復效果同有光澤，包裝乾淨又衛生，保持到新鮮。 膠囊已經係必備單品。