Gloria好用推薦：好開心可以得到cosme X 毛孔護理專家Benefit PORE CARE毛孔護理系列-滑溜毛孔去角質粉嘅試用呢個滑溜毛孔去角質粉嘅使用好簡單呀，好容易就可以起到泡，可以佢根據自己平時嘅習慣去使用。可以就咁加水用又或者加落洗面奶度用，咁我自己就鍾意加落去洗面奶嗰度，每個禮拜可能做一兩次嘅磨砂。 佢雖然係粉粒狀，但加水可以完全起泡，唔會感覺到磨砂粒粒係面到，而且洗完唔會覺得乾燥，可以好容易就同皮膚做去角質，步驟亦都唔多。用左兩星期後，原本我下巴有好多閉口嘅暗粒，平時好難清潔到，結果用咗呢個系列之後就清除咗好多角質，粒粒嘅污糟嘢終於可以浮到出嚟。 始終磨砂呢一個禮拜只可以做一至兩次，而呢個試用期就只有兩個星期，我都係用咗好少次，我覺得效果真係耐少少先可以體驗到。不過佢磨砂粉末會融解起泡，不刺激不傷皮膚，用的時候加落洗面奶一齊使用，可以好簡單就為皮膚做定期去角質。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 今次試既係滑溜毛孔去角質粉（毛孔打磨粉），先講下佢既質地😊佢由3款唔同既粉末組成，磨砂粉質地極幼細，真係超！幼！細！！😲我起完泡既時候，用手指感覺唔到磨砂粒粒。直至放喺面頰磨個陣，先感覺到好幼細既砂粒👍🏻好啱敏感肌使用! 而且呢個磨砂粉係可以自行調較唔同的磨砂強度。如果想溫和地去角質，加多d清水起泡，質地會更綿密；如需要加強去角質的效果，就加少d清水，令質地濃稠d。除左單用之外，亦都可以將去角質粉加到洗面膏用，自製磨砂洗面膏👍🏻👍🏻👍🏻用完之後覺得呢個磨砂同平時用開個d好唔同，唔會刺激皮膚，用完塊面冇痛既感覺，亦都唔會崩崩緊、乾到裂開。雖然性質咁溫和，但佢能夠有效去除角質。我既皮膚明顯有改善，唔單止膚色變得亮白，早排暗瘡同暗粒爆發🫨用完磨砂謝得好快，2,3日就收晒！去左角質之後，暗瘡印都消得快d✌🏻毛孔同時變得緊緻🫶🏻適合各種肌膚使用。

Conw好用推薦：全家老少一瓶就夠 家中老人家皮膚乾，我有濕疹，這瓶低刺激，洗臉洗身體都可以，一瓶取代👍 質感： 啫喱乳液，不起泡 延展性不錯，大約5到6泵可洗全身 清潔度： 以無泡沐浴露來說很不錯，洗完清爽不假滑 沒有滋潤感，但不乾，起碼家中老人洗完不癢也不起蛇皮 使用感受： 浴室有它，少了許多瓶瓶罐罐，清潔容易多了🤭 這瓶的確很溫和，就算發濕疹洗完不塗潤膚都不會掹掹緊👍 由於無泡，所以感覺需要多些用量和時間按摩，如果可以改善每泵的量多些就更好了。 #清潔好物推介

劉肥貓好用推薦：用嚟洗面 洗完面兩 邊面 有少少覺得乾嘅感覺 但攞嚟沖涼 個人覺得幾舒服 佢唔會起泡 過水 即爽 唔會殘留喺皮膚上 佢唔會好刺激皮膚 而且價錢都唔貴

🌸好用推薦：#火熱新品 我本身係乾性敏感肌，一到轉季，又或者壓力大，肌膚就會特別容易出現過敏、乾燥、紅痕同敏感嘅情況，真係好麻煩。 喺一次偶然嘅機會下，我睇到日本美妝blogger有介紹TAKAMI呢隻角質護養精華，話係任何膚質都能用的拋光磨皮精華，咁啱去開日本旅行嘅時候就買咗。 因為佢嘅成份天然，有7種天然果萃活性酶，可以促進角質層新陳代謝，使角質強韌，養好角質層，而唔係猛酸暴力剝脫角質。 液體質地，透明而流動性強，好似水一樣。每日早晚使用，喺搽爽膚水之前一步用，平時我就當咗佢係肌底液。 佢嘅滴管上面有一個刻度，每次都擠壓字嗰個刻度嘅份量就夠，好方便使用。 用咗半年之後，膚質肉眼可見地面好，而且亦都冇再出現敏感嘅情況，有效維持肌膚狀態穩定。

YY好用推薦：我的皮膚角質層偏厚，中學到以加都好易出現閉口。但其實閉口比暗瘡可能仲麻煩，因為閉口唔識謝。 除左暗瘡膏之外，一直都會揾一啲改善閉口既產品，從皮膚問題基礎做改善。而家用緊呢支去角質嘅產品係takami 角質養膚精華，簡稱小藍瓶。 小藍瓶精華係容易吸收嘅水狀，一啲都唔油膩，吸收得好快。之後再疊加護膚品都唔會太厚重，用起嚟好舒服。 小藍瓶真係做到平滑皮膚，幫助皮膚角質新層代謝，修復肌底。以前差唔多每日落妝之後，都會出現黑頭暗粒，依個情況係化妝品焗左全日，但用左小藍瓶之後化妝後出粒粒既情況係小左。依個係小藍瓶最適合我嘅原因。我用完試用都買左正貨裝！ 小藍瓶係幫到皮膚無咁易發炎，相信keep住用會維持皮膚穩定。我認為小藍瓶適合油性肌膚，暗瘡肌膚，閉口嘅人士，可以慢性調理到皮膚。 #我的崇光感謝祭必買去角質

Ada好用推薦：有一次脫完面毛之後乾到起晒粒粒，朋友就介紹用呢支精華，用完後啲粒粒真係冇晒，同埋之後再脫毛都冇乾到起粒粒嘅情況。呢支精華搽上面好快吸收，我覺得好好用，所以都回購左好多支😌😌😌

Kpl6be6好用推薦：微黏質地於冬季使用覺得剛好～濃稠精華質地搽上後感覺水潤～有感使用後有效柔軟肌膚～保濕度提升並改善了光澤感～

葉子🍃好用推薦：第一次試無印化妝水，我選左敏感系列高保濕呢支，打算用黎濕敷，見佢後面寫左係用日本岩手縣釜石天然水，無味，透明色，搽上面有清涼感，滋潤但唔會好笠，濕敷都好吸收，單用日常對油肌呢支就比較滋潤，已經用完，可以試其他系列😊

藍海天晴好用推薦：唯一指定用嘅化妝水 用過其他牌子都覺得呢支比較好 建議加埋泵頭更好控制用量

chasiutung好用推薦：我混油敏感肌 用Dr wu 杏仁酸沒有過敏 用8 ％依款無乜效果 可能係我之前有用過果酸所以需要濃度高d嘅杏仁酸先有效 18 ％嗰款特別愛用 因為我吾喜歡全臉都係油嘅感覺 所以我只會係有暗粒嘅位置同有黑頭嘅位置搽 剛開始用 會長痘 但好快謝 會有少少甩皮 之後會發現暗粒少左 皮膚變得乾滑左👍酸類黎講杏仁酸係比較溫和 同無咁快見效 不過用耐左效果真係好好 雖然杏仁酸溫和 但皮膚都需要建立耐受 剛開始先用8 ％ 一星期用一至兩次 之後皮膚適應左 可以日日用 用完一支之後可以考慮使用18 ％ 但18 ％吾可以日日用 一開始可以 一星期用一至兩次之後可以隔日使用 杏仁酸 油狀質地 雖然係油但吾係油冧冧嗰種 質感輕薄但使用後皮膚會略乾 甚至甩皮 要注意做好保濕同防曬 🫶 Dr wu 杏仁酸 價值吾貴 性價比高 值得入手👍推介

Heychauchau 好用推薦：Dr. Wu 杏仁酸性質比較溫和，剛開始使用時會有少少刺痛感，一週大概使用一到兩次，讓皮膚漸漸適應後，可以持續使用，有助溫和煥膚。我已經入手第二瓶，皮膚看起來沒有那麼暗沉，而且角質層沒那麼厚。

KDing好用推薦：滋潤度都幾高 最好都係開冷氣或者好乾燥先用 因為存在感都幾高 夏天用少少笠

sammiimelda好用推薦：好多年前好興呢啲睡眠面膜 所以我都跟風 不過唔適合我自己 因為接受唔到揩到個枕頭頭周圍都係 同埋可能太過滋潤 皮膚都會起粒粒

CC1997好用推薦：先多謝 cosme 同 Benefit 今次抽中我試用呢個全新嘅系列嘅幾樣產品，等我都分享下我嘅使用後感先。 先講下缷妝油： 唧出嚟係清澈嘅油狀，帶有少少果香味，甜甜地嘅感覺我都幾中意。 乾手乾面搽上面之後加水好容易就乳化到。過完水之後大部分嘅妝，例如粉底眉毛等肉眼睇都已經缷得七七八八，不過眼妝就要自己另外再落，例如溫水可卸睫毛膏就比較難缷，會留一撻黑色嘅蹟係面或者眼到，變左好似黑眼圈咁。 我本身係油性皮膚容易出痘痘，過完幾次水之後皮膚都唔會有緊繃或者刺激嘅感覺。而且用咗兩個星期皮膚都冇特別敏感，或者起粒粒。不過因為我平時都化開眼妝，會用眼線眼影睫毛膏，所以之後就未必會長用呢隻卸妝油喇。 洗面泡沫： 根據官方嘅使用方法，用完卸妝油之後要用Good Cleanup洗面泡沫洗一次面。呢個洗面泡沫唧出嚟係透明gel狀，加水之後慢慢捽佢就會變成泡沫。洗完面之後塊面摸起嚟好滑，唔會有好乾或者緊繃嘅感覺。整體嚟講，用咗冇生暗瘡，皮膚冇特別敏感，對呢款洗面泡沫嘅使用體驗都唔錯。 保濕霜： 搽左自己嘅爽膚水同精華之後就可以用benefit嘅Smooth Sip保濕霜喇。呢個保濕霜係呢個系列入邊我最

Kaorichannn好用推薦：感謝@cosme邀請我參與「Benefit PORE CARE毛孔護理系列試用活動」，今次可以試到Benefit最新Pore Proffesional既Skin Care Product，一set試用入面包括【暢通毛孔深層潔淨卸妝油】、【清潔滑溜潔面泡沫】、【緊緻毛孔爽膚泡沫】、【滑溜美肌輕感保濕霜】、【深層淨化毛孔泥膜】、【皇牌毛孔細緻底霜】。 而家就等我同大家分享下今次令我覺得大家需要注意產品味道嘅【滑溜美肌輕感保濕霜】!!!產品用左芹菜籽同亞麻籽萃取，所以味道對一個唔食芹菜嘅我黎講都幾濃烈，而且仲要係搽係鼻上面，搽完仲會飄住陣陣芹菜味haha，不過愛靚唔愛命，只要效果好就冇問題啦！而且係啫喱好透薄，冇塞住毛孔嘅感覺仲好快吸收添！ 使用方法： 爽膚水後搽上上毛孔粗大/容易出油位置 用手指拍至皮膚完全吸收 效果可以見到本身鼻上面有好多黑色一點點頑固黑頭，而家終於慢慢減少，配合其他產品吸走曬！臉頰兩側毛孔都收細左，眉心明顯摸到平滑左，吸收後好乾爽，feel到無野塞住毛孔，零負擔！化妝果陣鼻翼位都貼d !

mcosmetics好用推薦：去Clarins counter 買晚霜，sales 推介乾肌用呢款（for all skin types), 同系列有出for dry skin但佢話比較油潤只係冬天最乾嘅日子先用到。最後我買呢款我夜晚搽完精華用就夠，最乾嘅日子on top加squalane oil~ 質地好滑，搽上面舒服易吸收。但要留意花香味好重，最好去counter試左先。sales話孕婦同敏感肌用得。我本身易敏感用完都ok不過轉季會用返cerave呢類穩陣啲嘅牌子～

wingche好用推薦：話說我對面霜有種講究，朝早同夜晚嘅功效唔同，要求都會唔同，比如朝早要透薄輕身啲，但夜晚要搽完好似有層薄膜保護肌膚咁！ 因此我選擇Clarins，佢呢款晚霜非常適合我呢啲混合偏乾嘅肌膚，一開蓋就會聞到佢獨有嘅淡淡花香～～相信有用開佢double serum嘅朋友仔，絕對唔陌生呢種氣味！ 面霜呈白色，取少少份量，已經感覺到佢係挺身好似平時整蛋糕打起咗嘅cream咁！ 輕輕推開喺面，會多現佢好似轉化成少少油咁係面部。 隔幾日，會感受到肌膚比之前潤滑，啲缺水嘅紋理仲會淡咗，膚色無之前咁暗啞。 過多排，會覺得皮膚滑咗𠻹～～

Mimi好用推薦：很高興能抽中＠Cosme試用活動，這是我第一次抽到護膚品試用呢！ 早就有聽過來自台灣綠藤生機這個品牌，作為敏感肌膚，對於產品成分很注重，會偏向選擇天然無添加的產品，減少對肌膚的負擔。 綠藤生機於2010年成立，致力於讓更多永續選擇在生活中發芽。透過重新想像保養、生活、與環境的關係，以科學與永續為依歸，堅持「捨棄非必要成分與程序、以生物相容性為先」的原則，讓每日保養，成為永續實踐的可能 最近兩年香港一直處於戴口罩的環境下，使本身就不穩定，泛紅的皮膚雪上加霜，在收到試用前幾天開始皮膚突然出現乾燥痕癢。 我當天就開始使用「極境雙藻復原精華」配合「綠色海洋精華油」 復原精華是透明液體狀，無顏色令人感覺安心，流動性強，按壓一泵就足以全臉的皮膚，塗上臉的時候會聞到淡淡的玫瑰香味——原來這種玫瑰是嚴選珍貴大馬士革玫瑰，品牌為了讓敏感肌也能感受天然香氣，經過三道特殊工法分餾純化降低刺激的可能。聞著淡淡的玫瑰香邊打圈按摩，很快就全部吸收了。 然後再用「綠色海洋精華油」鎖水。 使用過後已感覺皮膚很輕盈無負擔，皮膚即時變得滋潤有彈性，我從收到試用當日開始使用至今天，皮膚乾燥、泛紅情況已改善很多，痕癢

banana1004好用推薦：很榮幸能夠試用綠藤生機最新產品極境精華七天體驗，品牌的天然，環保，不添加防腐劑的形象是很吸引的。 我肌膚是混合油肌，但從來都很難找到很很很合適的護膚品，冬天狀況較好打理，因為不會太油，但夏天就很懊惱，因為又熱但會在冷氣底下工作。。。一冷一熱，肌膚到中午左右已經油額。加上現在要戴口罩，加重我下巴的負擔。 由於圖片有限，很難分享太多我的七日變化，但我盡量以文字表達。 綠藤配了極境精華和三包sample海洋藤竹精華油，分享如何水相油相護膚，精華油我也沒有嘗試過，真的很感動兩者都能體驗。 極境精華外表黑色，帶點白字，感覺挺高級及簡潔，它是50%玻璃瓶再生我便不多說了，請到官網看看！但我很喜歡它的瓶蓋和泵，黑色啞面很有風格，加上開蓋，關蓋都會感覺到蓋跟它的泵很貼身，就像沒有太多空氣在內，也不會把蓋掉了，一定會蓋得住，我很喜歡！！ 談談試用方面，收到綠藤的產品介紹，我留意了他們有教如何分辨油乾肌，為了再確認一下我是什麼膚質，我八號晚並沒有搽護膚在冷氣底下睡了一晚。 九號起來，不是大油肌，是額頭手指一抺便有油印，面稍為好點點，但不是乾，所以我是T位混合油肌無誤。 一般清潔面部後，印乾面部，我便上精華，