Jane好用推薦：超級適合夏天用既防曬，混油混乾冬天用保濕度都可以，大乾皮冬天要考慮用其他/加強妝前保濕，不泛白，好水好易推開，無香精味，新舊版都用過，重點係平！會一直回購！

Fng好用推薦：防曬度夠高，不泛白，容易推勻， 保濕又透明 ，缺點不防水不防汗，其他一切都好。

Noel好用推薦：夏日將至，又係時間搬出比較強的防曬用品，加到 skincare routine❗個人對 Sofina 的 iP 系列及 Jenne 系列都甚為喜愛，對乾肌非常友善😘 手上這枝 Sofina UV Resister 係 rich cream 版本，質感是濃稠一點的乳液狀，並帶有同一系列土台美容液香味，很好聞又不刺激👍 因為防曬系數高 SPF50＋ PA＋＋＋＋，無論日常翻工翻學，或者戶外運動，我都喜歡用它，感覺萬無一失😍 乾肌的我會同時用它作為妝前產品，因為這枝的保濕感覺強，而又清爽不油膩，高防曬同時又膚感 light，很讚👍加上它不泛白，不會留白汗，沒有擦膠碎，使用感絕佳❗ 如果有 budget 可以試試 iP系列，如果學生或小資女想試試 Sofina 防曬產品，也可考慮 Jenne 白色瓶防曬，價格稍為便宜。

Vivian好用推薦：已經第N次回購 SPF50+ 防曬效果一流，既可防曬又可做隔離霜 番工同戶外活動都用佢

lingbb好用推薦： - 我買過專櫃最貴嘅防曬。係數一數二好貴但成份好好嘅防曬 - 質地係白色乳液狀，延展性高，好易推開，極快滲透皮膚唔會泛白，透薄輕盈，往後上妝都無影響。 - 價格高在一枝防曬有埋護膚成分包括保濕同抗衰老成分，一路防曬一路美白減斑 - 使用一段時間後，皮膚整體有亮白到，非常驚喜亦覺得值回票價，白返就暫時唔用住，等黑咗先再用返一段時間🫣 - 為咗美白同靚必須不停發掘更多好選擇俾自己，呢枝冇令我失望 - 推薦俾所有美女👍🏻

mandy好用推薦：POLA WHITE SHOT （雙效祛斑煥白）防曬日霜 SKIN PROTECTOR DX SPF50+・PA++++ $550/ 45g 多功能的防曬+日霜，美白、防曬、保濕、抗衰老同步進行。一物幾用，防曬同時護膚，極方便(不用先用日霜再用防曬)，而且划算。 SPF50+・PA++++有足夠防曬保護，户外活動也不用擔心。 質地水感清爽, 延展性高, 易於均勻推開， 而且不影響後續上妝。 使用感舒適輕盈，使用後肌膚水潤飽滿嫩滑，透明度及肌膚光澤都有所提昇。 添加了不少優質護膚成分, 如美白、保濕、防曬及抗衰老成分。(注: 不是因調色功能美白，而是真正美白成分)。 WHITE SHOT 全糸列產品中價位比較好入手就是DX 防曬，其他大都接近$ 1000。好多時市面上的防曬都是以防曬成分為主，其他護膚成分不多。DX 防曬價位是貴，卻確實具多重護膚功效，所以也可說是物有所值，值得買入。市面上具優秀美白成分的防曬實在不多，很難找到DX 防曬的替代品。 (含有效成分) 美白/均勻膚色成分: 傳明酸, 甘草酸鉀 去斑成分: 傳明酸, 甘草酸鉀 保濕成分:

Noel好用推薦：其實行街時總見到這個品牌的開架防曬，但都沒有入手... 最近 My Bestie 真的向我推介了 SunCut 金色防曬，所以就即管試試！感覺很驚喜，再看看價格及容量，根本係 “爆 CP 好物”❗ UV Prefect Essence 防曬乳有點水感啫喱的質地，淡淡黃色，味道不難聞👌 KOSE Cosmeport 出品，防曬系數 SPF50 PA ++++，對產品很有信心。塗到面上很水很好推，因為啫喱狀，所以延展性極佳，又沒有泛白問題👍 雖然它是防水配方，但是很 light，沒有焗促感，其他膚質的靚靚也可以試試啊～ 這枝防曬乳又大罐又便宜，高效又不黏笠，塗面塗手腳都適合❗

Fanc好用推薦：搽完面霜再搽佢，係普通日常防曬，就算坐office都要做好防曬，價錢抵用夠大枝，好似有3-4隻色tone揀，揀左呢隻，係有提亮膚色，我直接當埋bb cream咁用，唔會再搽粉底液，不過都要睇下面霜質地同佢夾唔夾，如果唔係都有機會起擦膠碎，整體上都ok,唔算太黏笠，用完呢枝都想睇下有冇其他色會更適合自己膚色，呢隻色用完效果真係偏青，冇乜血色咁🤔

vanessa好用推薦：係戶外活動補防曬嘅懶人恩物！超愛～ 夏天用咗佢無試過再出現曬到甩皮嘅情況，喺主題樂園入面流晒汗再出入冷氣房都唔覺得太黏笠。不過玩水嘅活動暫時都係乖乖地用返香蕉船防曬，所以唔太清楚到底防唔防水。

Linabella 好用推薦：想講，呢支嘢真係好唔掂，上到面好唔舒服，啲錢攞去食咗佢好過，噴落塊面令立立。

Vickimiao好用推薦：有基本防曬度50+PA++++，白色乳狀水潤質地，面部同身體都可使用。易推上面，有微微的蜂蜜檸檬香味，令人舒服。搽上面真係清爽得嚟保膚好水潤保濕，有光澤效果但唔會泛白。再睇返個成分，有多種美容保濕成分，包括蜂蜜，2種膠原蛋白，3種透明質酸及6種有機保濕成分。冇令人致敏成分。真係性價比好高嘅一支好用嘅防曬。值得推介。

Jubi好用推薦：香味唔太討好，但搽完之後皮膚睇落好水潤，好薄薄一層！而且保濕力強，令肌膚睇落令令地，但不浮白！！包裝比市面上其他防曬細支，方便攜帶。 多謝@cosme 同Country&Stream 送出產品試用🩷🩵

Circlecyy20好用推薦：質地厚重左少少 但遮夏度幾高 秋天用會好少少 太熱會好易溶妝 秋天唔算好乾都用到

Hamiii好用推薦：有段時間好興bb cream就買左黎用， 但質地好重，顏色亦唔夠自然 好快俾我棄左😅

Ho T Verena好用推薦：淡淡的草本香，明顯沒有多餘香料，自然防敏感～質地易推開吸收，也有保濕嘅感覺。上面之後再化妝，也不會有起擦膠粒的情況。試了許多牌子還是最愛這枝！

Theresa好用推薦：最怕質地笠既防曬，而呢種防曬質地比較厚，不大適合油性皮膚。

www好用推薦：前一段時間去左泰國，因為驚曬黑曬傷特別簡左個防曬系數就既防曬噴霧。結果沒有令我失望全程只用了他也沒有曬黑，重點我們還有去沙灘，用他非常防曬，防水，補防曬起來也非常方便。味道也沒有很重的防曬味，重點是十分容易清洗，用沐浴露已經可以卸除得非常乾淨。會再回購，推薦！！！

Cici Wong好用推薦：夏天比較鍾意用防曬噴霧，因為無防曬霜咁黏笠。呢隻聲稱適合户外活動，4小時防水防汗，所以買來去迪士尼用。噴上身感覺有一層保護膜，不過唔會焗，亦無泛白敏感情況，面部身體都能夠用，我半日就補噴一次，無曬傷或曬黑。沖涼就能洗走，不過要用d力捽。

Karman28好用推薦：之前暗瘡肌膚，要食酸解決時，醫生叫我買呢個牌子的防曬用，醫生推薦得，敏感肌都可以用，同埋成效係唔錯。可惜有少少厚身同黏笠，個人唔太鐘意呢個質地。

WSY好用推薦：用完上面之後吸收得唔快，會有少少黏笠，唔太鍾意呢種感覺。不過放曬力都OK