持久 推薦好用產品

Tobimak好用推薦：make up for ever 嘅底妝產品不嬲都出名好用，而我今次試咗呢支超高清無瑕粉底液。 我係一個好少會用完晒一支粉底液既人，而且家中有超過10支以上既粉底液係已開封用緊嘅，因為我每日都會因應心情、妝容、衣着、皮膚狀況來決定當日用邊隻粉底液。 而呢隻粉底液我用完之後仍會再選擇回購，因為遮瑕力不差，但又不會有厚粉的感覺。 但是我用完之後就會比較容易出油，所以容易出油的姊妹記得出街要多照鏡睇下有冇需要補妝了😗

mandy好用推薦：MAKE UP FOREVER ULTRA HD FOUNDATION 超高清無瑕粉底液 $380 功效: 長時間持妝 + 高遮瑕度 + 自然妝效不厚粉 完妝是霧面及零妝感，而且高效遮瑕。 超高清無瑕粉底液最令人滿意的是buildable coverage，遮瑕度較高，而且可以輕薄叠上多一至兩層粉底來加強某些位置的遮瑕度，卻又不會顯厚粉。我在泛紅位置叠了兩層粉底已可遮蓋泛紅部分，底妝看上去還是很自然透薄，也沒有面具感。超高清無瑕粉底液就是上鏡要用的粉底液。持妝方面，直到午後也不出油不溶妝。 我很喜歡超高清無瑕粉底液，可惜現已停產，並推出新粉底，名為HD SKIN 高清隱形持妝粉底，只能希望新粉底也同樣好用吧。

mandy好用推薦：Covermark  Moisture Veil LX 柔滑美肌粉底LX  #MO20 SPF32 PA+++ REFILL $300; 粉盒$120; 粉撲 $60 Covermark 底妝產品就是好用，不論粉底液或是粉餅都冇令人失望。 柔滑美肌粉底LX粉質柔滑，容易上粉，不會浮粉。 遮瑕力高，可以遮蓋毛孔及泛紅位置。 妝容貼服透薄自然，不厚粉及不會好似戴了面具。 即使用了柔滑美肌粉底LX, 肌膚都是感到輕盈舒適, 不會覺得焗。 上妝後，肌膚清爽、水潤，不乾燥，即時提亮，透明感及光澤都有所提昇，面容精神不再暗啞，自信心返來，帶著好心情美美出門。 粉餅方便易用，可隨時上妝，非常方便。 柔滑美肌粉底LX可以持妝一整天，不出油，不溶妝，用過真是返不到轉頭。 柔滑美肌粉底LX 高品質，而且方便易用，是非常好用的粉餅。中高價位，物有所值。 含防曬成分: 二氧化鈦, 氧化鋅 及 桂皮酸鹽 保濕成分: 礦物油, 庫拉索蘆薈葉萃取, 薏仁 及 丁二醇 鎮靜消炎成分: 庫拉索蘆薈葉萃取 抗衰老成分: 人參根萃取, 桑白根 及 赤芝莖萃取 抗氧化成分: 人參根萃取, 桑白根 及 赤芝

❤MingMing❤share_beautyird好用推薦：對Covermark 底妝產品一直有好感！ 記得有次同朋友去Sogo試色，職員幫朋友在臉上試用了底霜，嘩！一試不得了，臉上痘印遮到9成（那時候朋友正受痘痘困擾）自然嗰時就認識到Covermark 「Cover Marks」既能力😹😹果然名副其實👍🏻 呢隻產品嘅遮瑕力同樣出眾，一般嚟講粉餅遮瑕力會比粉底液弱，但呢個產品卻可以與粉底液相提並論！但係本人缺水混合肌，而家正值冬天，使用時會顯得太乾，額頭出現乾紋～～等夏天時會也許效果會好啲。

Tiffany好用推薦：Cushion來說持久，遮瑕度亦都不錯，妝感不會死白。補妝方便，可以一試。

JuneL好用推薦：方便使用，但好快就會覺cushion 的粉底好難取到足夠量，而要報消，粉底上臉後貼服自然，遮瑕度比一般cushion高，質感偏透薄不厚重。

Daisy好用推薦：好用！已經用到就快用晒。我用2號色 調色潤色效果一流，妝感唔會厚重，延展性好好，一粒豆大細就可以用全面。維持長久妝感，唔會變成粉樣，出油印一印又可以Hold返一個下晝，亦唔會因為印油印走啲粉底。上班族趕返工就可以快速上妝😆

Flora好用推薦：因為本身係鬼太郎fans而買咗聯乘限定版 原本一直無用過呢個牌子嘅product，所以不抱期望去用 結果意外地覺得都幾好用～ 妝容貼服自然，不帶油笠感覺 都做到輕微嘅遮瑕效果 配合埋另一枝柔焦平滑啫喱底霜個妝會更定更好

Candy Ng好用推薦：係之前優惠包裝一齊買回來。 用完之後，覺得佢定妝效果一般，一早出街，過左幾小時之後，就要再補粉。佢long lasting 吾長🙈 佢有一樣野好，皮膚唔穩定，要上碎粉，可以用佢。而且，用完佢之後唔會泛紅。 適合敏感性皮膚使用。

jaye好用推薦：近年因為帶口罩而令到下巴位容易生痘痘，一直想試下用礦物粉底，見到時代廣場counter呢款有旅行裝可以買，就買黎一試，粉質好細滑，用掃打圈掃好快就完成底妝，薄透唔焗促，遮到毛孔，仲有防曬。痘痘問題有改善到，所以覺得幾好，唔傷肌膚又可以做到自然日常妝既底妝產品，敏感肌都可以一試！

Haidy好用推薦：盒子很有質感！出去補妝必備💖就是亮面盒子容易收集指紋，不過他還附送小小的防塵袋！很可愛~ 在專櫃買附送了一個粉撲和一個粉刷。我還是用慣了粉撲 哈哈哈。用粉刷不妝我怕會把底妝弄花 使用感受呢 就是不夠白！！😵‍💫已經買了最白的色號了(好像是O10, 日版的00)！我是黃1白，要是比我粉的我勸你去專櫃上臉試試。不過遮瑕力是夠的~只凃防曬，在重點位置用粉撲，再用粉刷上全臉，清薄的底妝就完成了！ cdp求求你出白一點的色號吧TAT 🙏🏻不過真的太貴了，哈哈出白一點我再考慮回不回購吧🤣

Chloe好用推薦：平時做facial一定帶佢出去，因為做完facial要化番妝，佢一個粉餅就咁上妝已經有埋少少遮瑕效果，好方便。另外，用耐左個海棉會卡左粉，可以洗嘅。

LenaC好用推薦：好高興喺@cosme HongKong舉行既會員禮活動被抽中 成為得到Paul & Joe 水凝透亮啫喱粉底霜既幸運兒😇😇😇😍😍😍😍😍 收到一拆開已經好開心 因為粉盒設計很有質感 整個玫瑰金 配立體的橙花浮雕 以及Paul & Joe 的字樣 簡約不浮誇 設計實在令人愛不釋手 貫徹Paul & Joe 既高貴優雅作風❤️Paul & Joe 嘅粉餅盒$140👆 密封式粉盒設計所以唔會外溢 又纖薄易攜帶 附的海綿都好柔軟 很吃粉 入面可拆卸既粉$320 ：我收到嘅係102號色：以下係我既用後感😇 質感：啫喱粉底霜 （蘊含 80% 水質成分 採用橙花水配製😻） 水感既彈性啫喱質地 感覺似一層補水薄膜 貼服度：❤️❤️❤️❤️ （完美貼服既底妝 get! 肌膚上妝後整日保持水凝嫩滑 ) 遮瑕度：❤️❤️❤️❤️❤️ （臉上的有的沒有遮的一乾二淨 沒有任何的瑕疵）😱☺️☺️☺️ 持久度：❤️❤️❤️❤️ （用後粉底持久不脫妝 一整天下來也不會黯沉亦唔會甩晒喺個口罩度） 控油度：❤️❤️❤️❤️ （用後肌膚顯得滋潤 通透 柔嫩 即使到咗下晝出油都感覺似奶油肌 唔會油笠笠） 防曬系

maylam好用推薦：好開心之前收到@cosme 送嘅禮物！ 因為係底妝產品所以斷斷續續咁用咗幾個月先決定出心得！ 首先好appreciate包裝真係好高級好有質感好靚 攞喺手上已經好加分 我收到嘅色號係102 對我黎講比較深色同比較黃 所以我用嘅時候會上得比較薄少少 搽上面涼涼地咁好啱夏天咁熱用 係偏保濕 唔算好控油嘅 我夏天薄d上妝再做好定妝都ok 遮瑕度唔算太高所以好自然唔假面 Overall黎講都幾滿意呢個新品 妝感幾靚 之後有機會想買白d色號嘅喺冬天用！

KDing好用推薦：粉質好幼細 上面既遮瑕度雖然唔高 但係就因為咁好有自然妝效 有時候會用埋佢黎做定妝粉餅 妝感都唔會太厚重 新手好岩用

jaye好用推薦：a r mani呢盒兩用粉餅好岩春夏用，防曬同時化埋個底妝，粉質好細緻，毛孔都遮到，持久度亦可以，一整日透薄清爽自然既妝效！

Circlecyy20好用推薦：不論係出門前當粉底用 或是拎出街用黎補妝都唔錯 唯一係個妝厚會略為厚 所以唔好咁重手

Puffysheep好用推薦：見到網上面啲人推介 因為佢價錢都平 遮瑕度一般 如果塊面冇咩瑕疵嘅話都啱用

Kpl6be6好用推薦：其實係被其小女心包裝吸引而入手～感覺氣墊嚟計算遮瑕度ok～通常用後會上一層薄薄碎粉去減輕番油光感～

格仔餅公主好用推薦：喺韓國氣墊粉底氾濫嘅情況之下，見到日本嘅氣墊都自然會想令人想試吓，佢出嚟嘅貼服度極高，遮瑕效果都高，可以遮到大部分眼圈、痘印，重點係一啲都唔貴

natanatalie好用推薦：提亮同柔膚感覺好自然，薄薄一層好貼服，唔會浮粉，會每天使用，推薦。

Aivlys好用推薦：這款CC cream的「外在」十分討好， 壓頭式設計可以確保粉底的衛生和控制份量， 粉底帶著雪肌精經典的花香氣味。 說到「內在」呢， 它的用量很省， 按半下壓頭就可塗勻全臉，延展性很好。 因為它是cc cream所以遮瑕度不高， 但是均勻膚色和柔焦毛孔的效果都不錯。 現在每天必須戴口罩外出， 配合持妝的妝前和蜜粉定妝後， 基本上要維持一整天也沒有難度， 它不容易暗沉或脫落/轉印， 但隨著時間推移，油脂分泌會令它變浮， 在燈光下近看可能會有少許面具感。 我用這款cc cream後沒有過敏不適， 而且考慮到它的優點多於缺點， 整體而言非常喜歡，會推薦給大家。 圖一：未上粉底（抱歉失焦了） 圖二：塗好CC cream（遮瑕度不高但膚色變得均勻） 圖三：帶妝約6小時後（粉底沒有脫落，但微微浮起，估計因為口罩內的油脂及蒸氣）

auntiemuscle好用推薦：係之前cosme活動，聖誕倒數寫reviews時既被獎禮物，估唔到揀中左我，多謝先 excel一路評價都幾高，成日想入手試佢既眼影又覺得開架呢個價錢又略高，一路都冇入手 今次機緣巧合下試佢既底妝，yeah 其實我好少用定妝，春夏先會用，因為皮膚比較乾 其實呢個係蜜粉餅黎，拎出街補妝都好方便啲粉唔會周圍飛 初初見到咁白都有啲驚，因為我都算係偏小麥肌， 粉都幾幼幾滑，跟埋既粉樸都好軟 我都試左幾個配搭，日常如果返工我只係防晒加呢個粉餅，你因為我返工係有款動既上左面都有提亮作用，因為用梗某有色防晒，一到下晝出油個樣暗左，用左呢個粉定妝就冇呢個問題，但如果冬天濕度低，我覺得有啲乾 都試過fdt加呢個粉餅，明顯有霧面感，但唔係啞色實晒果種死白，都保持到大半日清爽 但如果當日肌膚狀態比較乾我都係用掃上，咁樣就薄啲冇咁乾

jellybeanyay好用推薦：呢盒粉餅是從@cosme STORE購入❤初初係比佢個包裝吸引，估唔到有驚喜！ 我買嘅係01色，係一隻淺米色、幾乎透明。包裝好高貴feel，好欣賞佢有粉撲同鏡，可以拎出街補妝！靚粉質非常幼滑，唔會飛粉/結塊。上面後有輕霧面嘅妝感，自然唔會死matte。用喺眼底唔乾，唔會點卡粉令眼紋睇落明顯，好貼服。我皮膚有時會乾到出少少油，呢隻粉餅都兼顧到控油同保濕，不過我出油唔勁所以唔肯定油肌用嘅話夠唔夠力。 So far呢隻係我用過最好用嘅日本開架粉餅！

Kylieee好用推薦：首先要多謝Cosme送俾我嘅禮品～ 以下所講嘅全部都係真實評價， 並非因為禮品： 呢個係令我非常驚喜嘅蜜粉餅， 因為我最初見到個牌子覺得好冷門唔方好用， 而且個人超唔鍾意佢個包裝，塑膠感好重， 令人覺得好細路仔玩具咁 但實際用落佢好香，啲粉超級細， 過往用另一隻著名c牌開架蜜粉餅， 個個狂推但上面狂卡粉，粉感嚴重，唔自然。 反而呢隻小眾野上臉係一秒磨皮， 自然到好似天生皮膚好好咁， 真係超級愛，同一定會回購！！！ 不過真心唔鍾意佢包裝， 好塑膠又好大舊唔方便拎出街。 而且消耗得有啲快， 好似用左一個月多啲就冇曬：（

Manbbbbbb好用推薦：顏色偏自然同做到遮毛孔效果，如果想妝感自然d 可以用完防曬再用佢修飾毛孔，都係一個唔錯嘅選擇😊

Hchan好用推薦：本身膚質是混合偏油的敏感肌，一直有毛孔粗大易出油的問題，尤其現時天氣不穩定更會有泛紅情況。因此平日上底妝會習慣在防曬乳後先上毛孔底霜再上粉底液，並以碎粉定妝來增加持妝度。 用過不同品牌覺得這枝表現最平均，半透明霜狀質地很滑很易推開，薄薄塗一層就可以遮蓋毛孔，後續上粉底也不會起碎屑，再上碎粉即可呈現有柔焦效果的妝效，因為有控油效果在現時悶熱的天氣一整天下來脫妝情況還可以接受。包裝小小一枝容量看起來很少，但因只局部塗臉頰及鼻子其實很耐用，下次仍會回購。

Kyhy好用推薦：自己本身係油性肌 化妝前用左呢枝底妝會較貼服 而且控油效果都好好 用完會再買

維他他好用推薦：唔適合我，個人覺得好濕，好難推開，用完暗啞，冇乜光澤，唔推介，麻麻地

Karman28好用推薦：之前買過另一品牌同類型產品，覺得好好用，所以買左呢個。不知道係膚質唔同左定咩原因，呢隻用上面，效果唔太理想，特別係甩皮位，會好唔自然。

FishYu好用推薦：好滋潤既一隻BB cream，符合產品話適合乾燥敏感肌既定位。搽左上面之後有搽左保濕cream既感覺，平滑遮瑕效果亦滿意。卸妝容易，用卸妝紙輕輕一抹就可以清潔乾淨，卸妝紙上清楚見到抹走既BB cream好安心😂 代價係持妝效果不足，就算配合控油碎粉都只能夠維持半日。

Sze好用推薦：顏色自然，能夠均勻膚色，觸感不算太黏立夏天也適用。不用粉底液時，只用這個也可以外出，能提升膚色紅潤效果。 #底妝升級好物

Circlecyy20好用推薦：遮瑕度都幾高 基本上上一d微絲血管或者暗沉都遮曬 係妝感會略顯厚左少少

wintonggg好用推薦：遮瑕度唔錯，水潤度中規中矩，厚重左小小，唔夠薄身，但係都幾帖服

🌸好用推薦：25歲前常用嘅化妝品，上妝自然不悶痘，自帶防曬功效，徒手可以上妝，敏感肌都用得。但係年絕大咗用佢就覺得持妝度不足，三小時左右就會出油+甩妝。

Karman28好用推薦：一直都好鐘意ettusais 既化妝品，唔知點解呢支上面，顏色唔太岩，然後妝感又有d 厚，感覺唔夠薄透自然。

lingbb好用推薦： essence粉餅簡單既包裝，非常親民價錢又滿意既效果👍🏻 質地係白色粉末，好幼細，上到面變透明唔會泛白色。我會局部用係最易溶既地方，例如鼻既位置， 但要注意如果鼻有瘡既話會有啲顯毛孔， 皮膚狀態好，用黎控油係不錯既選擇

Tiffany好用推薦：平價產品 粉質偏向粗糙，粉感比較重 個人覺得比較適合學生出油勁用，乾肌唔建議

zetalhc好用推薦：效果好普通，因為膏狀質地好難推開，需要多啲時間上粉底。而且有少少卡毛孔嘅感覺，遮瑕力同貼服度都麻麻哋。

tkaty195好用推薦：上網看過有不少好評，亦在專櫃試用過。 不太乾，又不會太濕，又易推開，感覺幾好用。 單品使用，有種陶瓷肌/素顏感。 但是皮膚比較易乾，很會出油，用這是會溶妝，如果再有用碎粉那類會比較好。 但日本官方，表示這個會停產廢盤。