對香港人來說，好用的卸妝產品究竟需要什麼特點及長處？
有什麼是她們的雷點？
有什麼是她們會回購的好用產品？

一齊來看看網友對各種「卸妝產品」最一針見血既評價吧！

始終是卸妝產品，溫和、保養、CP值等特點都只是「加分位」，若不能有效清潔，有幾多加分位也沒有用！
所以，清潔度是好用卸妝產品最重要而基本的特色。清潔力到了某個門檻，其他優點才有效。

網友 .K：
「係舊年既下半年，趁Thankful Weeks買左呢個潔膚水試下，記得當時係買大送細。BA話要用棉球抺面，咁我就係藥房買埋棉球（5蚊60粒）。
第一次用呢枝水，真心嚇左一跳！棉花球污糟到呢，變曬灰啡色！之後我日日都keep住用，棉花球上面既顏色越黎越淡。」

網友 wingbks：
「只係用左一滴，然後輕輕打圈，唔洗用水乳化，已經甩左8-9成，可見其潔淨能力非常高。
因為敏感皮膚嘅我，最怕用完敏感，主打天然嘅佢，除左冇敏感之餘，保濕力亦絕不遜色，平時洗完面，好快乾同出油，但我用佢洗完，因為要掛住晾衫，未得閒搽其他嘢，但完全冇繃緊同出油。」

網友 hsjvanessa：
「防水眼線、睫毛膏甚至不脫色的唇膏往往比較難卸除，雖說眼唇應用眼唇卸妝油卸除，但我個人不太喜歡卸妝油，會傾向使用水狀卸妝水。
有些清潔力較低的卸妝水，較難卸除眼妝，甚至有些卸妝水連底妝都要卸多幾次先乾淨。
這款雪花秀的順行潔顏水非常適合我！卸全臉又快又乾淨，清潔力強，不需倒太多，用量很省！
小缺點是其味道未必人人能接受，有陣中藥味？但以我最著重清潔力來說，這款絕對大推！」

網友 Carol：
「fancl呢支清潔力強，一般彩妝都可以一次過完全卸除，岩曬想快手同方便嘅人！
圖中可見，加水乳化之後唇膏印已經係手上唔見左，而對眼線既卸妝能力就冇咁勁，甩左大約八成，不過再係水喉沖水約20秒後，肉眼已經見唔到有眼線既痕跡係表面。不過注重卸得乾淨既我，如果用左持久度好既眼線或者睫毛膏，都係建議先用眼唇卸妝液。」

不能不清潔，也不能過度清潔——這個平衡不容易拿捏。這導致很多熱門產品，網友的評價頗兩極，比如溫和的BIODERMA「紅水」、日本大受歡迎的CHIFURE卸妝按摩霜，都是甲之蜜糖、乙之毒藥。

網友 lily：
「個人感覺呢枝卸妝水表現都唔差，特別適合卸淡妝，例如果日淨係化左眼眉、粉底、遮瑕同胭脂，自己用嗰時通常會直接倒落一疊卸妝棉上面，再將卸妝棉摺埋一齊吸收一下先，然後再全面抹兩三次，最後用清水洗面，咁樣用法可以慳用啲卸妝水。

我都推薦用佢卸妝，因為唔會太油膩，而且卸妝得尚算乾淨，聞落去唔會有太多雜質香味，感覺相對上對皮膚負擔都會少d。」

網友 jennycheuk：
「用過呢種同藍色油肌個種。呢種卸淡妝幾乾淨，但係眼線位仲差少少。用完會有小小乾，但都未有maan maan 緊嘅感覺。不錯嘅選擇，但未必回購。」

網友 可：
「卸妝水溫和不刺激，對於敏感肌是不可多得的選擇。卸除普通底妝，大概兩次左右就能乾淨。但對於比較難卸除的眼妝，需要多次重複使用（眼線膠筆大概五至六次），如果眼部比較敏感，不適宜使用此卸妝水重複在眼部拉扯，使用濕敷後卸除的方法比較合適。」

網友 Aivlys：
「性價比好高嘅一款按摩、卸妝嘅二合一產品，質地係厚身但延展力好嘅白色乳霜，可以輕易喺臉上推開同按摩，我通常會用來卸淡妝 （防曬+蜜粉+眉毛）。
卸淨力都唔錯，卸完之後又keep到皮膚滋潤，平日少化妝嘅絲打可以考慮入手！
如果習慣化全妝嘅話就可能唔使考慮啦，都係用返啲卸淨力強嘅產品好啲。」

網友 瑪麗ri：
「因為日本很流行這款所以才入手的，質地厚身、比較滋潤，可是用後感覺像沒卸妝般！！
臉油油的，粉底也卸不了（T_T)
已經不是用粉底液，連粉餅都卸得不乾淨...
而且用後的沉重油膩感很可怕...
可能只適合乾肌吧...」

因為眼妝難卸、眼皮又脆弱，大家都會特別小心處理，使用眼部專用卸妝液。大部分網友歡迎的Bifesta眼部卸妝，大家普遍愛它夠乾淨、不油膩、CP值高。

網友 ZoeTung：
「用左返唔到轉頭嘅產品！（已回購十支+）
眼唇卸妝液最重要唔刺激眼部（即唔「那」眼先）
依款係我用過不澀眼，而且卸眼妝能力非常高嘅眼唇卸妝液（除左flowfushi 睫毛膏極難卸之外）
大部分嘅睫毛膏都容易卸乾淨。」

網友 lily：
「通常對於專門卸眼妝或唇妝的卸妝水來講，我的印象是比較油膩，用完之後通常要用清水洗多幾遍才可以清洗乾淨。但是這個bifesta 眼唇卸妝液感覺不會太油膩，而且不容易導致起暗粒，證明成份對普通皮膚比較好，不會太刺激。」

經過兩星期的活動，編載在超過100篇卸妝、洗面心得中，挑選了上述的實力心得。
有些網友，如.K、wingbks的心得含有個人經歷，原創性高。Carol的心得則「有圖有真相」。hsjvanessa清晰說明了她的卸妝需求。Lily則仔細描述了她使用產品的技巧。jennycheuk、Aivlys的心得，不是一面倒地讚美產品，卻給出了真誠的建議，指出適合 / 不適合哪類用家。

因此，上述網友被評選為「很有價值的心得」，特以公開表揚及獎勵。恭喜10位網友：.K、hsjvanessa、wingbks、Carol、jennycheuk、lily、Aivlys、可、瑪麗ri、ZoeTung。