https://www.facebook.com/tr?id=505889786483780&ev=PageView&noscript=1
CC1997毛孔細緻霜 心得評價
Benefit毛孔細緻霜

Benefit
毛孔細緻霜

the POREfessional face primer
Benefit毛孔細緻霜
5.2
心得評價:111 篇(65人覺得好用)
容量/價格:HK$310/125/495
看產品及心得
CC1997
年齡25膚質油性肌心得篇數10
3
2023.04.10 發表
標籤毛孔遮瑕力霧面肌
先多謝 cosme 同 Benefit 今次抽中我試用呢個全新嘅系列嘅幾樣產品,等我都分享下我嘅使用後感先。

先講下缷妝油:
唧出嚟係清澈嘅油狀,帶有少少果香味,甜甜地嘅感覺我都幾中意。
乾手乾面搽上面之後加水好容易就乳化到。過完水之後大部分嘅妝,例如粉底眉毛等肉眼睇都已經缷得七七八八,不過眼妝就要自己另外再落,例如溫水可卸睫毛膏就比較難缷,會留一撻黑色嘅蹟係面或者眼到,變左好似黑眼圈咁。
我本身係油性皮膚容易出痘痘,過完幾次水之後皮膚都唔會有緊繃或者刺激嘅感覺。而且用咗兩個星期皮膚都冇特別敏感,或者起粒粒。不過因為我平時都化開眼妝,會用眼線眼影睫毛膏,所以之後就未必會長用呢隻卸妝油喇。

洗面泡沫:
根據官方嘅使用方法,用完卸妝油之後要用Good Cleanup洗面泡沫洗一次面。呢個洗面泡沫唧出嚟係透明gel狀,加水之後慢慢捽佢就會變成泡沫。洗完面之後塊面摸起嚟好滑,唔會有好乾或者緊繃嘅感覺。整體嚟講,用咗冇生暗瘡,皮膚冇特別敏感,對呢款洗面泡沫嘅使用體驗都唔錯。

保濕霜:
搽左自己嘅爽膚水同精華之後就可以用benefit嘅Smooth Sip保濕霜喇。呢個保濕霜係呢個系列入邊我最鍾意嘅產品。本身見到成份入邊有角鯊烷,我自己從來冇用過有呢個成份嘅產品,擔心會太油/太潤會爆瘡,但呢個面霜搽起嚟呢好順滑,而且搽完之後塊面有保濕、滋潤嘅感覺,但唔會覺得好厚重。不過因為我係油性皮膚,春季開始就會係咁出油,用咗呢一個面霜之後,開頭摸起嚟都唔會覺得好笠,但大概兩三個鐘就會開始出油。所以如果需要面霜有控油效果嘅話,就要留意呢一點。

Deep Retreat泥膜:
泥膜打開嚟就見到係深紫色滑溜溜嘅泥狀,呢個顏色俾人好新奇嘅感覺。官方使用說明話搽上面乾左之後,會有白色一點點,代表清咗啲油污出嚟。本身都有啲期待會見到啲一點點,不過目前為止用過一次,但就冇見到有白色一點點。不過呢款泥膜過咗水之後皮膚都唔會覺得繃緊,可能因為佢本身有加到荷荷芭油。

Porefessional毛乳細緻底霜:
呢個底霜我以前都用過嘅。我嘅用法係上粉底前,局部搽喺毛孔粗大嘅地方。我鼻邊位置係肉眼見到有一個個細孔,搽左佢之後摸起上嚟的確係覺得平滑左,但係肉眼睇起嚟就冇太大分別,依然會見到一個個毛孔,可能我本身問題比較嚴重,所以效果無咁明顯。不過好在係用起嚟並無覺得有堵塞毛孔、或者觀察到因為用左所以生暗瘡嘅情況。

Tight and toned化妝水:
其實呢一個化妝水我都幾期待去試用,因為佢含有AHA, PHA等,一路以嚟都有暗瘡困擾嘅我記得呢啲成份都係對喚膚、去暗瘡印、去角質有幫助。不過因為我最近打緊laser,所以需要避開使用含有果酸成份嘅護膚品,所以暫時未搵到機會去試呢個化妝水。

最後講下成個系列嘅整體使用後感。呢個新系列主打針對毛孔粗大、毛孔堵塞等等嘅問題,我自己最concern嘅係毛孔粗大,不過連續用咗兩星期,暫時就未觀察到毛孔明顯收細左嘅效果。最可惜嘅係暫時冇辦法試用到化妝水,我覺得如果有用果酸成分嘅護膚產品嘅話,收毛孔嘅效果可能會比較突出。
L
o
a
d
i
n
g
.
.
.