MAYBELLINE

SUPERSTAY 超持久30H空氣感粉底液 (月光小紫瓶)

多謝cosme抽中我試用！
一開始見到呢隻粉底嘅介紹嘅時候 已經好期待好想試 因為一路以來用過好多隻粉底通常都唔夠持夠 妝效就算開頭上面好靚 過左大半日都一定頂唔到 好容易變得好斑駁 而呢隻粉底就強調可以持久30個鐘 諗住等佢出咗之後就買嚟試吓

先講下我自己嘅皮膚狀況 我本身係油肌 夏天全面都會嚴重出油到泛油光 而宜家冬天出少左 但都係會全面出油嘅 同埋我易生暗瘡 比較多瑕疵暗瘡印凹凸洞

質地：

呢枝月光粉底唧出嚟嘅時候有少少澀身 但係搽上面就好容易推開 可以做到好薄嘅效果 而且粉質比較幼 所以就算係鼻邊 或者毛孔比較粗大嘅地方 都有輕微修飾到嘅效果 唔會顯得毛孔特別粗大 就算疊搽都唔會撠住

遮瑕度：

呢一支粉底用起嚟算係輕至中度遮瑕 我面頰位一啲比較深色、紫色紅色嘅暗瘡印 搽一層呢隻粉底嘅話都仲會明顯見到個印
如果局部位置比較多瑕疵 就需要搭配埋遮瑕膏用

妝感：

上面之後妝感有少少霧面 但 如果用手指掂塊面都會覺得有少少痴 但係因為個粉底比較薄，所以就算上埋碎粉都唔會好重粉感

持久度：

我自己本身比較少需要好長時間帶妝 呢個粉底目前試左幾次 最長時間嘅測試 亦都係平時最常出現嘅情景就係帶妝一日返工 朝早八點出門，夜晚9點幾10點食埋飯返到屋企 大概13 14個鐘落嚟 中間用紙巾輕輕印 過兩次油 完全冇補過妝 結果整體都算維持到七八成嘅妝 雖然瑕疵比較嚴重嘅位置會更加明顯 但係至少完全冇浮粉嘅跡象

朝早8點：
夜晚10點：

出油嘅情況 可能因為宜家冬天天氣凍 出少左油 如果完全唔印油嘅話 10個鐘落嚟大概得個鼻會有少少油光

今次試用粉底一共收到6隻色 而最岩我嘅色就係N30 大家都可以去試下最岩自己膚色嘅色號！