購買資訊

以宜家天氣 (春天) 嚟講，我嘅肌膚係混合偏油。眼皮即使定咗妝都仲會出啲油，所以眼部彩妝要用持久同抗油水嘅。 我一路有化開淡妝，但從來都冇研究過畫眼線嘅秘技，因為手殘🤣直到最近開始想學化靚嘅眼妝，第一次挑戰就膽粗粗買咗呢枝眼線液。好多YouTuber同身邊嘅朋友都推介，所以即使眼線液難用都想嘗試。我買嘅係Kiss Me Heroine Make 纖細眼線液 (03 深啡黑色)。佢係一隻深啡帶黑嘅顏色嚟，正如色號所形容🤣買佢嘅原因係因為黑色會太兇惡，啡色又太普通。呢枝眼線液好順滑，完全冇斷墨，筆頭好尖好幼，可以好精準咁畫到一條幼嘅眼線出嚟。持久又抗油，非常推薦🫶🏻我朝早7:30畫好條眼線 (冇定到妝)，放工後食完飯去咗飲酒，到夜晚11:30先返到屋企。眼影已經甩晒，唯獨係條眼線仲留咗喺度！好癲，大推！下面幅圖可以見到雙眼皮皺摺位堆積咗嘅眼影粉，雖然條眼線有少少甩，但正常社交距離都仲清晰可見！因為第一次畫想試吓佢有幾持久，所以冇定到妝。之後/夏天我會再努力定妝，等佢可以更持久🤣價錢: 10/10 持久: 10/10 抗油: 10/10 回購: 100/10💕

市面上出咁多五彩繽紛嘅眼線液，其實最務實一定係用返黑、啡、灰色，百搭顏色✏️ 呢支係Kiss me Heroine Make 系列極緻持色纖細眼線。筆尖十分幼細，毛筆在十分尖細，只有超細0.1mm，即使貼住睫毛填空白位都好容易，上眼線可以描繪到好完美既弧度粗幼，非常乾脆俐落。如果新手想用眼線液買佢就練習最好。 墨水出色均勻，沒有化開 ，顯色強。市面眼好多眼線液嘅黑色同啡色相差不大，超推薦我手上呢05灰啡色，添加返眼神之餘，又帶點柔和感🫧 即使上翹形眼線or平衡延伸眼線，當天鍾意邊個造型都可以使用。一直以來用眼線筆描繪內眼線，會痕到流眼水，反而用返呢支眼線液就冇問題。 持久力強，而且係寫住super water proof。用於內眼線全日都沒有溶妝，夏天去沙灘眼妝淨係用眼線液同睫毛液，眼線液係唔會甩，唔會化開。但一用卸妝油就已經寫卸好乾淨沒有殘留。 好多開架日本品牌嘅眼線液好好，Love Liner dolly wink，但最後都係揀返Kiss me 💕

KissMe 眼線液筆（黑金版）用後感：油眼真命天子，但要注意呢幾點 · 筆頭係「極細毛筆型」0.1mm：軟硬適中，比起 Kate 嘅 0.03mm 冇咁「刮眼」，畫內眼線好舒服。而且出水量控制得好好，唔會突然大出水，新手畫都唔易失手。但要注意，用耐咗（大約 3 個月）筆尖會微微分叉，要換新。 · 顏色極黑＋光澤感：佢嘅 01 色係濃郁亮黑，帶少少自然光澤，畫完雙眼即時有神。但呢個光澤對某啲人嚟講可能覺得唔夠「霧面」，如果你鍾意全啞光，Kate 會啱你多啲。 · 防水防油（終極實測）：呢個係佢嘅皇牌強項！ 我試過行山出晒汗、游水（真係落水）、喊過，佢都屹立不倒，完全冇化開。佢嘅「超級防水配方」係真材實料，香港夏天 30 幾度戶外，眼線仲係完整嘅。油眼人直接衝，唔使諗。 · 但最大缺點：超難卸！ 因為佢太防水防油，普通眼唇卸妝液要濕敷至少 20 秒，再捽幾下先甩得乾淨。如果用卸妝水，分分鐘捽到眼皮紅晒都未甩晒。一定要用專用卸妝液（佢自己有出粉紅色樽仔嗰支）或者卸妝油先搞得掂。 · 持久度 vs 卸妝麻煩：如果今日要全日戶外／重要場合，我一定揀佢，因為真係唔使擔心變熊貓。但如果只係返工返學