LANCÔME

極致持妝輕透粉底液

今日介紹的就係最近 Lancome Teint Idole Ultra Wear, 一枝容量係30ml：我選擇的色號是BO-01 ，顏色適合亞洲人暖色調偏自然。打開銀色包裝盒之後，第一眼望見的就是粉底蓋上金色玫瑰花logo。好靚！

輕輕按下一滴，質地偏液態，好容易推開。

介紹完外觀之後，唔知試上面嘅效果又點呢？
我嘅底層膚質比較差，特別係太陽穴位置起左唔少石頭瘡、酒米同暗瘡印。搽左粉底之後基本暗瘡印同泛紅都已經遮蓋得七七八八，對於比較深紅的部位，需要額外點多點遮瑕膏就可以啦。

至於官方另一推薦特點持久度！起初我擔憂持久度強的話，會不會容易塞毛孔，特別現時夏天出油情況較多又需要戴口罩，加劇生暗瘡。令我喜出望外是外出完一日回家都沒有太大脫妝情況，而且暗瘡問題沒有特別嚴重 (我試過其他高遮瑕的粉底用完後，當晚回家生左好多粒酒米）。
用後感：我本來都擔心太流質質地遮瑕度會無咁高，但上妝後除咗一些比較泛紅的部位同暗瘡印需要薄薄的塗多層遮瑕外，基本輕微的瑕疵都遮蓋到。而且透氣度幾好，這一段試用期間裡都沒有因為出油、戴口罩的情況加劇了暗瘡問題。

產品各方面的優點同官方推薦的大致相同，自己試用產品大約兩星期後，對效果都蠻滿意，我會繼續持續試用。