LANCÔME

極致持妝輕透粉底液

非常感謝@Cosme邀請試用Lancome極致持妝輕透粉底液,而且仲提供到我想要既PO-03色號。
呢款粉底液係Lancome既皇牌好評粉底,朋友都推介過我試用,今次非常幸運可以抽中正貨試用。
拆開包裝後係磨砂瓶身非常有質感,瓶蓋係Lancome標誌玫瑰,設計幾靚。
粉底液泵頭容易控制分量,本人大概用2泵就可以,粉底液流動性強,比較偏向液態,上面好容易推開,推開後都好輕薄,塊面一D都唔黏膩唔焗,直頭唔太感覺到有上到粉底係面上咁。
妝感比較霧面,遮瑕度算中等,黑眼圈同粒粒要另外自己再遮,唔會有假面感。
持妝方面非常滿意,首先本人仲係習慣戴口罩,戴左成日口罩,就算出汗,D妝都唔太會痴落口罩,只係鼻翼鐵線位置有少少。
今日體驗試左妝7日,係室內冷氣地方持妝10小時以上都唔係問題,室外既話出左汗印一印都唔會話甩太多妝,會考慮回購!