CLINIQUE

溫和潔膚水2號

呢款係Clinique嘅明星產品之一，
有好多review都話用完佢之後可以抹到好多臉上平時清理唔到嘅污糟嘢/老廢角質出嚟，
講到咁神奇，
等我試用一下先！
首先佢係無色嘅水狀，
有極大陣酒精味！
係我用過最強酒精味嘅護膚品！
（我經驗裡面如果10分滿分嘅話，
菊正宗日本酒化妝水係3分—聞得到少少但唔算刺鼻；
雪肌精藥用美白化妝水係6分—開始刺鼻但尚算可以接受；
Clinique呢隻化妝水係8分—刺鼻到要考慮係咪真係要用上臉）
我將佢浸落化妝綿上面然後喺臉上抹，
可能因為我咁啱敷完有磨砂效果嘅面膜啦，
全臉+頸抹咗兩次都係冇嘢抹到出嚟 ... ...
而且因爲擔心佢嘅酒精成分所以用清水再抹臉之後，
塊臉係非常清涼，
可見酒精成分真係好高！
會考慮繼續用多幾次再更新心得，
但目前完全唔諗住回購或者推薦。