LANCÔME

Genifique 升級版嫩肌活膚精華 (小黑瓶)

早幾日聖誕黎緊又除夕，好多party會join。個個女仔都會扮到靚一靚，但係天氣又凍又乾，特別係我呢d極乾肌，想化個靚妝但又好易卡粉甩皮，所以真係要搵到支好強效既精華急救一下先得。
好彩收到Lancôme升級版嫩肌活膚精華，姐係係平時講開既小黑瓶。 雖然試用裝份量唔多， 但係都足夠早晚各搽一次，用到一星期。 我本來都驚一個星期見唔到啲咩效果，但最後都冇令我失望， 仲非常吸引到我會去買返佢嘅正貨。
呢隻小黑瓶嘅質地係好透薄水潤，超級好推， 少少就夠搽勻成塊面， 但係唔會好快乾搽完好似冇搽嘢咁，會feel到d精華係滲左入肌底，keep住d水份而唔係係皮膚表面gel住你咁。 咁當然搽咗精華之後都要用番平時嘅保濕cream再鎖返住d水份，睇得出同平時做既保濕程序效果唔同。本來又乾又暗啞既皮膚都變返水潤有光澤。